လံာ်တၢ်ဘူၣ်ထီၣ်ဘါထီၣ် 23:8 - Sgaw Karen Common Bible

⁸ သုဘၣ်လုၢ်တၢ်လုၢ်မ့ၣ်အူလၢယွၤအဂီၢ်နွံနံၤလီၤ. လၢနွံနံၤတနံၤန့ၣ်သုကဘၣ်ပာ်ဖှိၣ်ထီၣ်ကဒီးသုသးလၢတၢ်ဘူၣ် တၢ်ဘါအဂီၢ်ဒီးသုတဘၣ်မၤသုတၢ်မၤနီတမံၤဘၣ်.”

လံာ်တၢ်ဘူၣ်ထီၣ်ဘါထီၣ် 23:8 Iomraidhean Croise

လံာ်တၢ်ဟးထီၣ်ကွံာ် 12:16

ဒီးလၢအခီၣ်ထံးတသီဒီးနွံသီတသီန့ၣ်သုကဘၣ်ပာ်ဖှိၣ်ထီၣ်သု သးလၢတၢ်ဘူၣ်ထီၣ်ဘါထီၣ်အဂီၢ်လီၤ. လၢမုၢ်နံၤတဖၣ်န့ၣ်အတီၢ်ပူၤသုတဘၣ်မၤတၢ်နီတမံၤဘၣ်. ဘၣ်ဆၣ်ဒီးသုကတဲာ်ကတီၤတၢ်အီၣ်တၢ်အီသ့ဝဲလီၤ.

လံာ်တၢ်ဟးထီၣ်ကွံာ် 13:6

သုကဘၣ်အီၣ်ကိၣ်လၢအတအိၣ်ဒီးကိၣ်မံၣ်န့ၣ်နွံသီဒီးလၢနွံ နံၤတနံၤန့ၣ်, သုကဘၣ်မၤမူးတမူးလၢတၢ်မၤလၤကပီၤယွၤအဂီၢ်န့ၣ်လီၤ.

လံာ်ယဃ့းစက့လး 45:23

ကိးမုၢ်နံၤဒဲးလၢမူးနွံသီအတီၢ်ပူၤန့ၣ်အဝဲကဘၣ်လုၢ်ထီၣ်ဂီၤဖံးဖါ အလၢအပှဲၤနွံဒု, သိဖါအလၢအပှဲၤနွံဒုဆူယွၤအအိၣ်ဒီးကဘၣ် ဆိၣ်ကဲၤထီၣ်အီၤဒီဒုန့ၣ်လီၤ. အဝဲကဘၣ်လုၢ်ထီၣ်စ့ၢ်ကီး မဲာ်တဲးလဲးဖါတဒုကိးမုၢ်နံၤဒဲးဒ်တၢ်လုၢ်တၢ်ဒဲးဘးအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:7

မုၢ်ခီၣ်ထံးတနံၤန့ၣ်သုဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါ အဂီၢ်ဒီးသုတဘၣ်မၤသုတၢ်မၤနီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 23:9

ဒီးယွၤစံးဘၣ်စီၤမိၤၡ့, ဒီးစံးဝဲဒၣ်, “စံးဘၣ်ပှၤအံၣ်စရ့လးဖိ, တုၤသုလဲၤနုာ်ဆူကီၢ်တဘ့ၣ်လၢယဟ့ၣ်လီၤသုဒီးသုကကူး အဘုန့ၣ်ဒီးသုဘၣ်ဟဲစိာ်ဘုသၣ်ဆိတကဒိၣ်လၢသုဘုဧိၤဟုဧိၤ အကျါဆူပှၤလုၢ်တၢ်အခိၣ်အအိၣ်န့ၣ်လီၤ.

လံာ်တၢ်ဂံၢ် 28:18

လၢမူးဖးဒိၣ်အခီၣ်ထံးကတၢၢ်တသီန့ၣ်သုကဘၣ်ပာ်ဖှိၣ်ထီၣ်သုသး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်ဖံးတၢ်မၤတဘၣ်တၢ်မၤအီၤ နီတမံၤဘၣ်.

လံာ်တၢ်ဂံၢ် 28:25

ထံၣ်လိာ်သုသးလၢနွံသီတသီအနံၤန့ၣ်ဒီးမၤတၢ်မၤနီတမံၤ တဂ့ၤ.

လံာ်တၢ်ဂံၢ် 28:26

လၢတၢ်ကူးဘုမူးဖးဒိၣ်အကတီၢ်အဆိကတၢၢ်တသီဖဲ သုဟ့ၣ်ထီၣ်ဘုဧိၤဟုဧိၤအသီဆူယွၤအအိၣ်န့ၣ်, သုကဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်, ဒီးပှၤတဘၣ်မၤတၢ်မၤနီတဂၤဘၣ်.

လံာ်သိၣ်လီၤသီလီၤတၢ် 16:8

မၤကဒီးဆူညါဃုသီန့ၣ်သုဘၣ်အီၣ်ကိၣ်လၢတဘၣ်တၢ်မၤအီၤဒီး ကိၣ်မံၣ်ဘၣ်န့ၣ်လီၤ. ဒီးလၢနွံသီတသီန့ၣ်အိၣ်ဖှိၣ်ရိဖှိၣ်လၢတၢ်ဘူၣ်ထီၣ်ဘါထီၣ် ယွၤသုကစၢ်ယွၤအဂီၢ်, ဒီးတၢ်လၢမုၢ်နံၤအဝဲန့ၣ်မၤတၢ်နီတမံၤတဂ့ၤ.