လံာ်တၢ်ဘူၣ်ထီၣ်ဘါထီၣ် 23:5 - Sgaw Karen Common Bible

⁵ ဘူၣ်လဲၤကပာ်န့ၣ်ဘၣ်တၢ်မၤအီၤလၢတၢ်မၤလၤကပီၤယွၤဒီးဘၣ်တၢ် စးထီၣ်မၤအီၤလၢလါခီၣ်ထံးတလါတဆံလွံၢ်နံၤတနံၤမုၢ်ဟါလီၤအကတီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:5 Iomraidhean Croise

လံာ်တၢ်ဟးထီၣ်ကွံာ် 23:15

လၢလါအၤဘံာ်, လါလၢသုဟးထီၣ်ကွံာ်လၢကီၢ်အဲၤကူပတူးအပူၤ န့ၣ်မၤဘူၣ်ကိၣ်တအိၣ်ဘၣ်ဒီးကိၣ်မံၣ်အမူးဒ်ယမၤလိာ်တ့ၢ်သု အသိးန့ၣ်တက့ၢ်. ဖဲဘူၣ်အံၤအဆၢကတီၢ်နွံသီအတီၢ်ပူၤန့ၣ်သု တဘၣ်အီၣ်ကိၣ်လၢဘၣ်တၢ်မၤအီၤလၢကိၣ်မံၣ်န့ၣ်, နီတစဲးဘၣ်. သုမ့ၢ်တဟဲစိာ်တၢ်မၤဘူၣ်တမံၤဘၣ်ဒီးဟဲဘါထီၣ်ယၤနီတစုတဂ့ၤ.

လံာ်ယဃ့းစက့လး 45:21

လၢလါအခီၣ်ထံးတလါထီၣ်တဆံလွံၢ်သီတသီအနံၤန့ၣ်သုကဘၣ် စးထီၣ်မၤဘူၣ်လဲၤကပာ်အမူးန့ၣ်လီၤ. လၢနွံသီအတီၢ်ပူၤန့ၣ်, ပှၤကိးဂၤဒဲးကဘၣ်အီၣ်ကိၣ် လၢတၢ်တမၤအီၤဒီးကိၣ်မံၣ်ဘၣ်န့ၣ်လီၤ.

လံာ်မးသဲ 26:17

လၢဘူၣ်ကိၣ်တအိၣ်ဘၣ်ဒီးကိၣ်မံၣ်အခီၣ်ထံးကတၢၢ်တသီန့ၣ်, ယ့ၣ်ၡူးအပျဲၢ်အဘီၣ်တဖၣ်ဟဲဆူအအိၣ်ဒီးသံကွၢ်အီၤ, “နအဲၣ်ဒိးလၢပကကတဲာ်ကတီၤန့ၢ်တၢ်လီၢ်လၢနကအီၣ် ဘူၣ်လဲၤကပာ်အဂီၢ်ဖဲလဲၣ်.”

လံာ်မၢ်ကူး 14:12

ဖဲဘူၣ်ကိၣ်တအိၣ်ဘၣ်ဒီးကိၣ်မံၣ်ဘၣ်ဝဲအခီၣ်ထံးတနံၤ, လၢအမ့ၢ်မုၢ်နံၤလၢတၢ်မၤသံဒီးလုၢ်ထီၣ်ဘူၣ်လဲၤကပာ်အသိဖိ န့ၣ်, ယ့ၣ်ၡူးအပျဲၢ်အဘီၣ်တဖၣ်သံကွၢ်အီၤ, “နအဲၣ်ဒိးလၢပကလဲၤကတဲာ်ကတီၤပာ်ဘူၣ်လဲၤကပာ်အတၢ် အီၣ်လၢနဂီၢ်ဖဲလဲၣ်တပူၤလဲၣ်.”

လံာ်လူၤကၣ် 22:7

မုၢ်နံၤမုၢ်သီဟဲတုၤအိၣ်ဝဲဒၣ်ဖဲဘူၣ်ကိၣ်တအိၣ်ဒီးကိၣ်မံၣ်အဆၢ ကတီၢ်, လၢသိဖိတဖၣ်ကဘၣ်တၢ်မၤသံအီၤလၢဘူၣ်လဲၤကပာ် အတၢ်အီၣ်အဂီၢ်လီၤ.

လံာ်စီၤယိၤၡူ 5:10

ဖဲပှၤအံၣ်စရ့လးဖိတဖၣ်သူၣ်ဒံးဒဲဖဲကံးလကၤလး, လၢပျီလၢအဘူးဒီးဝ့ၢ်ယရံၤဃိအခါန့ၣ်, အဝဲသ့ၣ်မၤဘူၣ်လဲၤကပာ်လၢလါထီၣ်တဆံလွံၢ်သီဖဲမုၢ်ဟါလီၤ အကတီၢ်န့ၣ်လီၤ.