လံာ်တၢ်ဘူၣ်ထီၣ်ဘါထီၣ် 23:4 - Sgaw Karen Common Bible

⁴ အအံၤမ့ၢ်တၢ်ဘူၣ်တၢ်ဘါအမူးတဖၣ်လၢသုဘၣ်ဒုးဟူထီသါလီၤအီၤ ဖဲအဆၢကတီၢ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:4 Iomraidhean Croise

လံာ်စီၤနဃ့မယၤ 8:15

လၢတၢ်န့ၣ်အဃိအဝဲသ့ၣ်ဟ့ၣ်လီၤတၢ်သိၣ်လိနဲၣ်ယုၤလၢလာ်တဖၣ် အံၤဒီးဆှၢလီၤဝဲဆူဝ့ၢ်ယရူၤၡလ့ၣ်ဒီဝ့ၢ်ဒီးဆူဝ့ၢ်အဂုၤအဂၤတဖၣ်န့ၣ်လီၤ. “လဲၤဆူကစၢၢ်ကလိဒီးဟဲက့ၤစိာ်သ့ၣ်စၤယံး, သ့ၣ်စၤယံးအမံၤ, သ့ၣ်သမ့ၤဟးဒး, သ့ၣ်စူၣ်ပလိၣ်, ဒီးသ့ၣ်အဂၤအဒ့တဖၣ်လၢတၢ်ကမၤဒဲဒ်တၢ်သိၣ်လိ နဲၣ်ယုၤအိၣ်ကွဲးအသးလၢလံာ်ယူဒၤအတၢ်သိၣ်တၢ်သီ အပူၤအသိးတက့ၢ်.”

လံာ်တၢ်ဟးထီၣ်ကွံာ် 12:14

သုကဘၣ်မၤလၤကပီၤမုၢ်နံၤအံၤဒ်တၢ်ဘူၣ်တၢ်ဘါအဘူၣ်တဘူၣ်ဒ်သိး ကဒုးသ့ၣ်နီၣ်ထီၣ်က့ၤသုတၢ်လၢယၤ, ယွၤမၤတ့ၢ်အီၤန့ၣ်လီၤ. မၤလၤကပီၤအီၤလၢဆၢကတီၢ်လၢအကဟဲထီဘိတက့ၢ်.”

လံာ်တၢ်ဟးထီၣ်ကွံာ် 23:14

တနံၣ်န့ၣ်မၤမူးဖးဒိၣ်သၢမူးလၢတၢ်မၤလၤကပီၤယၤအဂီၢ်တက့ၢ်.

လံာ်ယၡါယၤ 29:1

ကစၢ်ယွၤအတၢ်လုၢ်လီၢ်, ဝ့ၢ်ယရူၤၡလ့ၣ်အကစၢ်ဒၣ်ဝဲအံၤ, ဘၣ်တၢ်စံၣ်ညီၣ်အီၤဃါမနၤလီၤ. ဝ့ၢ်ဖဲစီၤဒၤဝံးသူၣ်တ့ၢ်အဒဲအလီၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ပျဲအတၢ်အီၣ်အမူးတဖၣ်ဒီးအဘူၣ်တဖၣ်မၤအသး လၢနံၣ်ကဟဲကဒီးတနံၣ်မ့တမ့ၢ်ခံနံၣ်အတီၢ်ပူၤန့ၣ်တက့ၢ်.

လံာ်ယဃ့းစက့လး 44:24

တုၤမ့ၢ်တၢ်လိာ်ဘၢလိာ်ကွီၢ်တမံၤအိၣ်ထီၣ်ဝဲန့ၣ်, ပှၤလုၢ်တၢ်အခိၣ် တဖၣ်ကဘၣ်စံၣ်ညီၣ်ကွီၢ်န့ၣ်, ဒ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အသိးန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်တၢ်ဘူၣ် တၢ်ဘါအမူးတဖၣ်ဒ်ယတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢ တၢ်ကဘၣ်မၤထွဲအီၤအသိး, ဒီးအဝဲသ့ၣ်ကဘၣ်ပာ်စီဆှံ ယမုၢ်အိၣ်ဘှံးနံၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:21

ဒီးလၢမုၢ်တနံၤဃီဒၣ်ဝဲန့ၣ်အပူၤမၤမုၢ်ဆ့ၣ်မုၢ်ဂီၤအတၢ်မၤနီ တမံၤတဂ့ၤ. မ့မ့ၢ်ပာ်ဖှိၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. သုစၢၤသုသွဲၣ်တဖၣ်ကဘၣ်တိၢ်န့ၢ်တၢ်သိၣ်တၢ်ဘျၢအံၤတဘိ ယူၢ်ဃီဖဲအအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:37

တၢ်အံၤမ့ၢ်တၢ်ဘူၣ်တၢ်ဘါအမူးတဖၣ်လၢသုဘၣ်မၤလၤက ပီၤယွၤခီဖျိသုတၢ်ပာ်ဖှိၣ်ထီၣ်သုသးလၢတၢ်ဘူၣ်ထီၣ်ဘါထီၣ် ယွၤအဂီၢ်ဒီးလုၢ်ထီၣ်ယွၤလၢတၢ်ဆိၣ်ကဲၤမ့ၣ်အူလၢအမ့ၢ်, တၢ်လုၢ်မ့ၣ်အူတဖၣ်, တၢ်လုၢ်ဘုဧိၤဟုဧိၤတဖၣ်, တၢ်လုၢ်တၢ်ပာ်တဖၣ်ဒီးတၢ်လုၢ်စပံးထံတဖၣ်ဒ်အနံၤဒၣ်ဝဲအသိးန့ၣ်လီၤ.

လံာ်နၤဃူၣ် 1:15

ကွၢ်ကွၢ်, ပှၤစိာ်တၢ်ကစီၣ်ဟဲလၢကစၢၢ်ကလိအဒီခိၣ်အိၣ်ဒီးတၢ် ကစီၣ်အမုာ်န့ၣ်လီၤ. အဝဲဟဲဝဲလံဒ်သိးကဘိးဘၣ်သ့ၣ်ညါတၢ်မၤနၢၤအကစီၣ်န့ၣ်လီၤ. ကီၢ်ယူဒၤအပှၤဂီၢ်မုၢ်ဧၢ, မၤသုဘူၣ်တဖၣ်အမူးဖးဒိၣ်ဒီးဟ့ၣ်ကစၢ်ယွၤလၢတၢ်လၢသု အၢၣ်လီၤတ့ၢ်သညူးသပှၢ်ဒီးအီၤန့ၣ်တက့ၢ်. ပှၤအၢပှၤသီတနုာ်လီၤဒုးကဒီးသုထံသုကီၢ်နီတဘျီလၢၤဘၣ်. အဝဲသ့ၣ်ဘၣ်တၢ်မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.