လံာ်တၢ်ဘူၣ်ထီၣ်ဘါထီၣ် 23:39 - Sgaw Karen Common Bible

³⁹ ဖဲသုကူးဘုဝံၤဝဲအကတီၢ်န့ၣ်မၤမူးအံၤနွံနံၤ, စးထီၣ်လၢလါနွံလါတလါတဆံယဲၢ်နံၤတနံၤ န့ၣ်တက့ၢ်. မုၢ်ခီၣ်ထံးအနံၤဒီးဃိးနံၤတနံၤန့ၣ်မ့ၢ်မုၢ်အိၣ်ဘှံးအနံၤလီၤ.

လံာ်တၢ်ဘူၣ်ထီၣ်ဘါထီၣ် 23:39 Iomraidhean Croise

လံာ်တၢ်ဟးထီၣ်ကွံာ် 23:16

ဖဲသုစးထီၣ်ကူးက့ၤသုတၢ်မုၢ်တၢ်ဘိတဖၣ်န့ၣ်မၤတၢ်ကူးက့ၤ တၢ်အဘူၣ်တက့ၢ်. မၤဘူၣ်ဒဲတဖၣ်အမူးဖဲတၢ်ကိၢ်ခါလၢာ်ဝဲဒီး ဖဲသုပာ်ဖှိၣ်သုတၤသူ တၤသၣ်လၢသုစပံးလီၢ်ဒီးတၤသၣ်လီၢ်တဖၣ်အကတီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 23:36

သုဘၣ်လုၢ်ယွၤလၢတၢ်လုၢ်မ့ၣ်အူလၢနွံနံၤလီၤ. ဒီးလၢဃိးနံၤတနံၤန့ၣ်ဟဲသကိးကဒီး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးလုၢ်ထီၣ်တၢ်လုၢ်မ့ၣ်အူ တက့ၢ်. မ့ၢ်မုၢ်နံၤတနံၤလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးသုတဘၣ်မၤ တၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 23:38

ဒီးမူးတဖၣ်အံၤမ့ၢ်မူးတဖၣ်လၢပှၤအံၣ်စရ့လးဖိညီနုၢ်မၤအီၤလၢအမ့ၢ်မုၢ်အိၣ်ဘှံးနံၤတဖၣ်, တၢ်မၤဘူၣ်တဖၣ်, ဒီးတၢ်မၤဘူၣ်ဘၣ်ဃးဒီးတၢ်ဆိၣ်တၢ်တဖၣ်, ဒီးတၢ်မၤဘူၣ်ဒၣ်တၢ် တဖၣ်အမဲာ်ညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:40

ဒီးလၢမုၢ်ခီၣ်ထံးအနံၤန့ၣ်သုဘၣ်ဟံးန့ၢ်သ့ၣ်အဃံအလၤအတၤသၣ်, သ့ၣ်စူၣ်ပလိၣ်အဒ့, သ့ၣ်ခဲအဒ့ဒီးထံကျိအပံၢ်သလီလီၤ. ဒီးသုဘၣ်သူၣ်ခုသးခုလၢယွၤသုကစၢ်အမဲာ်ညါန့ၣ်လီၤ.

လံာ်သိၣ်လီၤသီလီၤတၢ် 16:13

တုၤသုယီၢ်သုဘုဧိၤဟုဧိၤခဲလၢာ်ဒီးသုစံၢ်လီၤသုစပံးသၣ် တဖၣ်ဝံၤခဲလၢာ်န့ၣ်မၤဘူၣ်ဒဲလၢနွံသီအတီၢ်ပူၤတက့ၢ်.