လံာ်တၢ်ဘူၣ်ထီၣ်ဘါထီၣ် 23:36 - Sgaw Karen Common Bible

³⁶ သုဘၣ်လုၢ်ယွၤလၢတၢ်လုၢ်မ့ၣ်အူလၢနွံနံၤလီၤ. ဒီးလၢဃိးနံၤတနံၤန့ၣ်ဟဲသကိးကဒီး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးလုၢ်ထီၣ်တၢ်လုၢ်မ့ၣ်အူ တက့ၢ်. မ့ၢ်မုၢ်နံၤတနံၤလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးသုတဘၣ်မၤ တၢ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 23:36 Iomraidhean Croise

လံာ်စီၤနဃ့မယၤ 8:18

စးထီၣ်လၢမူးအခီၣ်ထံးတနံၤတုၤလီၤလၢအကတၢၢ်တနံၤန့ၣ်, ကိးနံၤဒဲးအဝဲသ့ၣ်ဖးကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်တပတီၢ်ဘၣ်တပတီၢ်န့ၣ်လီၤ. အဝဲသ့ၣ်မၤမူးန့ၣ်နွံသီဒီးလၢဃိးသီတသီန့ၣ်မ့ၢ်ဝဲတၢ်မၤ ကတၢၢ်ကွံာ်မူးဒ်ယူဒၤအတၢ်သိၣ်တၢ်သီပာ်ဖျါဝဲအသိးန့ၣ်လီၤ.

လံာ်ယိၤအ့လး 1:14

ဘိးဘၣ်သ့ၣ်ညါလၢတၢ်ဒုၣ်တၢ်အီၣ်တၢ်အီအဂီၢ်, ကိးတၢ်အိၣ်ဖှိၣ်ရိဖှိၣ်, ကိးဖှိၣ်ပှၤခိၣ်ပှၤနၢ်တဖၣ် ဒီးယူဒၤအပှၤဂီၢ်မုၢ်ခဲလၢာ် ဆူယွၤအတၢ်လုၢ်ဟံၣ်အပူၤဒီးကိးထီၣ်ဆူ ယွၤအအိၣ်တက့ၢ်.

လံာ်ယိၤအ့လး 2:15

အူထီၣ်ကွဲၤလၢကစၢၢ်စံယိၣ်အလိၤဘိးဘၣ်သ့ၣ်ညါ လၢတၢ်ဒုၣ်တၢ်အီၣ်တၢ်အီတမံၤအဂီၢ်ဒီးကိးတၢ်အိၣ်ဖှိၣ်ရိဖှိၣ် တခါတက့ၢ်.

လံာ်တၢ်ဘူၣ်ထီၣ်ဘါထီၣ် 23:7

မုၢ်ခီၣ်ထံးတနံၤန့ၣ်သုဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါ အဂီၢ်ဒီးသုတဘၣ်မၤသုတၢ်မၤနီတမံၤဘၣ်.

လံာ်ယိၤဟၣ် 7:37

ဒီးလၢဘူၣ်လၢခံကတၢၢ်တနံၤ ဒီးအကါဒိၣ်ကတၢၢ်တနံၤ န့ၣ်, ယ့ၣ်ၡူးဆၢထၢၣ်ဒီးကတိၤတၢ်လၢအကလုၢ်ဖးဒိၣ်ဒီးစံးဝဲ, “ပှၤတဂၤလၢ်လၢ်လၢတၢ်သူအသးလၢထံန့ၣ်မ် အဟဲဆူယအိၣ်ဒီးအီထံတက့ၢ်.”

လံာ်သိၣ်လီၤသီလီၤတၢ် 16:8

မၤကဒီးဆူညါဃုသီန့ၣ်သုဘၣ်အီၣ်ကိၣ်လၢတဘၣ်တၢ်မၤအီၤဒီး ကိၣ်မံၣ်ဘၣ်န့ၣ်လီၤ. ဒီးလၢနွံသီတသီန့ၣ်အိၣ်ဖှိၣ်ရိဖှိၣ်လၢတၢ်ဘူၣ်ထီၣ်ဘါထီၣ် ယွၤသုကစၢ်ယွၤအဂီၢ်, ဒီးတၢ်လၢမုၢ်နံၤအဝဲန့ၣ်မၤတၢ်နီတမံၤတဂ့ၤ.