လံာ်တၢ်ဘူၣ်ထီၣ်ဘါထီၣ် 23:33 - Sgaw Karen Common Bible

^33-34 ဒီးယွၤစံးဘၣ်စီၤမိၤၡ့, “စံးဘၣ်ပှၤအံၣ်စရ့လးဖိတဖၣ် လၢလါနွံလါတလါထီၣ်စးထီၣ်လၢတဆံယဲၢ်နံၤတနံၤ ဒီးလၢနွံနံၤအတီၢ်ပူၤန့ၣ်မ့ၢ်ဘူၣ်ဒဲလၢယွၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 23:33 Iomraidhean Croise

လံာ်စီၤပၤအခီၣ်ထံးတဘ့ၣ် 12:32

စီၤယၤရၤဘၣ်ဒုးအိၣ်ထီၣ်စ့ၢ်ကီးတၢ်ဘူၣ်တၢ်ဘါအမူးတမူးလၢ လါဃိးလါတလါထီၣ်တဆံယဲၢ်သီတသီအနံၤ, ဒ်မူးလၢကီၢ်ယူဒၤအပူၤအသိးန့ၣ်လီၤ. လၢတၢ်လုၢ်လီၢ်လၢဝ့ၢ်ဘ့ၤသ့လးအဖီခိၣ်န့ၣ်, အဝဲလုၢ်ထီၣ်တၢ်လုၢ်တၢ်ပာ်တဖၣ်ဆူဂီၤဖံးဖါထူတဖၣ်လၢ အဝဲမၤထီၣ်တ့ၢ်ဝဲ, ဒီးဖဲန့ၣ်, လၢဝ့ၢ်ဘ့ၤသ့လးအပူၤန့ၣ်, အဝဲဃုထၢထီၣ်ပှၤလုၢ်တၢ်အခိၣ်တဖၣ်လၢကမၤ တၢ်ဖဲတၢ်ဘူၣ်ထီၣ်ဘါထီၣ်အလီၢ်လၢအဝဲဘှီထီၣ်ဝဲန့ၣ်လီၤ.

လံာ်စီၤဧ့စြၤ 3:4

အဝဲသ့ၣ်, သ့ၣ်နီၣ်မၤလၤကပီၤဘူၣ်ဒဲဒ်တၢ်သိၣ်တၢ်သီတဖၣ်အိၣ်ဝဲ အသိးဒီးကိးမုၢ်နံၤဒဲးန့ၣ်အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဒ်မုၢ်တနံၤန့ၣ်အတၢ်အိၣ်ဝဲအသိး,

လံာ်ယဃ့းစက့လး 45:25

လၢဘူၣ်ဒဲအမူးလၢအဘၣ်တၢ်စးထီၣ်မၢအီၤလၢလါနွံလါတလါ ထီၣ်တဆံယဲၢ်သီတသီအဂီၢ်န့ၣ်ကိးမုၢ်နံၤဒဲးနွံသီအတီၢ်ပူၤ, စီၤပၤ ဖိခွါကဘၣ်လုၢ်တၢ်လုၢ်တမံၤဃီတဖၣ်လၢတၢ်ဒဲးဘးအဂီၢ်, တၢ်လုၢ်တမံၤဃီတဖၣ်လၢတၢ်ကဆိၣ်ကဲၤအီၤဒီဒုအဂီၢ်, ဒီးတၢ်လုၢ် မၤဘူၣ်တၤဖၣ်လၢဘုဧိၤဟုဧိၤဒီးသ့ၣ်စၤယံးအသိန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 23:32

စးထီၣ်လၢခွံနံၤတနံၤမုၢ်ဟါလီၤတုၤလီၤလၢတဆံနံၤတနံၤ မုၢ်ဟါလီၤန့ၣ်သုကဘၣ်တိၢ်န့ၢ်အီၤဒ်မုၢ်နံၤလီၤဆီတနံၤလၢတၢ်အိၣ်ဘှံး အဂီၢ်ဒီးသုတဘၣ်အီၣ်တၢ်နီတမံၤဘၣ်.”

လံာ်စကၤရယၤ 14:16

အန့ၣ်တစု, ကယဲၢ်ပှၤလၢအအိၣ်လီၤတဲာ်လၢပှၤကလုာ်ခဲလၢာ်လၢ အဟဲထီဒါဝ့ၢ်ယရူၤၡလ့ၣ်အကျါန့ၣ်, ကိးနံၣ်ဒဲးကလဲၤဆူ ဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်သ့တၢ်လၢာ်အယွၤဒ်စီၤပၤ အသိးဒီးသ့ၣ်နီၣ်မၤလၤကပီၤဘူၣ်ဒဲအဂီၢ်န့ၣ်လီၤ.

လံာ်တၢ်ဂံၢ် 29:12

လၢလါနွံလါတလါထီၣ်တဆံယဲၢ်သီန့ၣ်ပာ်ဖှိၣ်ထီၣ်သုသးလၢတၢ် ဘူၣ်ထီၣ်ဘါထီၣ်ယွၤအဂီၢ်တက့ၢ်. မၤမူးဖးဒိၣ်အံၤလၢတၢ်မၤလၤကပီၤယွၤအဂီၢ်လၢနွံသီအတီၢ် ပူၤဒီးမၤတၢ်မၤနီတမံၤတဂ့ၤ.