လံာ်တၢ်ဘူၣ်ထီၣ်ဘါထီၣ် 23:23 - Sgaw Karen Common Bible

^23-24 ဒီးယွၤစံးဘၣ်စီၤမိၤၡ့, “စံးဘၣ်ပှၤအံၣ်စရ့လးဖိ, လၢနွံလါတလါအခီၣ်ထံးတသီန့ၣ်သုဘၣ်တိၢ်န့ၢ်မုၢ်နံၤ လီၤဆီတနံၤလၢတၢ်အိၣ်ဘှံးအဂီၢ်ဒီးဟဲသကိးလၢတၢ်ဘူၣ်ထီၣ်ဘါ ထီၣ်ယွၤအဂီၢ်ဖဲကွဲၤသီၣ်ထီၣ်အကတီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 23:23 Iomraidhean Croise

လံာ်တၢ်ဘူၣ်ထီၣ်ဘါထီၣ် 23:22

ဖဲသုကူးဘုအကတီၢ်န့ၣ်ကူးအီၤတုၤလၢသုစံၣ်အသနၢၣ်တဖၣ် န့ၣ်တဂ့ၤ. ဒီးက့ၤကဒါက့ၤလၢတၢ်ကူးက့ၤဘုစဲၤအိၣ်လီၤတဲာ်တဖၣ်အဂီၢ်န့ၣ်တဂ့ၤ. ပာ်လီၤတဲာ်အီၤလၢပှၤဖှီၣ်ဖိယာ်ဖိဒီးပှၤတခီဘီမုၢ်ဖိတဖၣ်အဂီၢ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဂံၢ် 15:3

ဂီၤဖံးဖါတဒု, သိဖါတဒု, သိတဒု, မ့တမ့ၢ်မဲာ်တဲးလဲးတ ဒုကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ်တၢ်လုၢ်တၢ်ပာ်တမံၤလၢတၢ်မၤ လၢထီၣ်ပှဲၤထီၣ်တၢ်ဆိၣ်တမံၤမ့ၢ်ဂ့ၤ, တၢ်သူၣ်အိၣ်သးအိၣ်အတၢ်ဟ့ၣ်တမံၤမ့ၢ်ဂ့ၤ, ဒ်တၢ်လုၢ်တၢ်ပာ်လၢသု ညီနုၢ်မၤအီၤဖဲတၢ်ဘူၣ်တၢ်ဘါအမူးတဖၣ်အကတီၢ်မ့ၢ်ဂ့ၤ အသိးန့ၣ်လီၤ. တၢ်အီၣ်အတၢ်လုၢ်တၢ်ပာ်တဖၣ်အံၤအတၢ်နၢမူန့ၣ် မ့ၢ်တၢ်လၢအဘၣ်ယွၤအသးန့ၣ်လီၤ.

လံာ်တၢ်ဂံၢ် 29:1

လၢနွံလါတလါထီၣ်အခီၣ်ထံးကတၢၢ်တသီန့ၣ်, သုကဘၣ်ပာ်ဖှိၣ်ထီၣ် သုသးလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးတၢ်မၤတဘၣ် တၢ်မၤအီၤနီတမံၤဘၣ်. လၢနံၤအဝဲန့ၣ်, န့ၣ်ကွဲၤတဖၣ်ကဘၣ်တၢ်အူထီၣ်အီၤလီၤ.