လံာ်တၢ်ဘူၣ်ထီၣ်ဘါထီၣ် 23:21 - Sgaw Karen Common Bible

²¹ ဒီးလၢမုၢ်တနံၤဃီဒၣ်ဝဲန့ၣ်အပူၤမၤမုၢ်ဆ့ၣ်မုၢ်ဂီၤအတၢ်မၤနီ တမံၤတဂ့ၤ. မ့မ့ၢ်ပာ်ဖှိၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. သုစၢၤသုသွဲၣ်တဖၣ်ကဘၣ်တိၢ်န့ၢ်တၢ်သိၣ်တၢ်ဘျၢအံၤတဘိ ယူၢ်ဃီဖဲအအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:21 Iomraidhean Croise

လံာ်တၢ်ကဲထီၣ်အခီၣ်ထံး 17:7

ယကဟံးဃာ်ယတၢ်အၢၣ်လီၤအီလီၤဒီးနၤ, ဒီးနစၢၤနသွဲၣ်လၢခါဆူညါအစိၤသ့ၣ်တဖၣ်ဒ်တၢ်အၢၣ်လီၤအီလီၤ အထူအယိာ်တမံၤအသိးန့ၣ်လီၤ. ယမ့ၢ်နကစၢ်ယွၤဒီးပှၤလီၤစၢၤလီၤသွဲၣ်လၢနၤတဖၣ်အကစၢ်ယွၤန့ၣ် လီၤ.

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:14

ဒီးတချုးလၢသုဟဲစိာ်တၢ်လုၢ်မၤဘူၣ်အံၤဆူကစၢ်ယွၤအအိၣ်န့ၣ်, ကိၣ်ဂ့ၤ, ဘုဝဲာ်လၢမ့ၣ်အူဂ့ၤ, ဘုအစဲၤအသံကစဲာ်ဂ့ၤအီၣ်အီၤတဂ့ၤ. အအံၤမ့ၢ်တၢ်သိၣ်တၢ်ဘျၢလၢသုစၢၤသုသွဲၣ်ဘၣ်တိၢ်န့ၢ်မၤထွဲ အီၤအစိၤစိၤအဃၣ်ဃၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:20

ပှၤလုၢ်တၢ်အခိၣ်ကဘၣ်လုၢ်ထီၣ်ကိၣ်ဃုာ်ဒီး သိဖိခံဒုဒ်တၢ်လုၢ်လီၤဆီဆူယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်န့ၣ်လီၤ. တၢ်လုၢ်တဖၣ်အံၤစီဆှံဝဲလီၤ.

လံာ်တၢ်ဘူၣ်ထီၣ်ဘါထီၣ် 23:25

လုၢ်ထီၣ်တၢ်လုၢ်မ့ၣ်အူဆူယွၤအအိၣ်ဒီးသုတမၤမုၢ်ဆ့ၣ်မုၢ်ဂီၤအတၢ်မၤနီတမံၤတဂ့ၤ.”

လံာ်တၢ်ဘူၣ်ထီၣ်ဘါထီၣ် 23:31

တၢ်သိၣ်တၢ်ဘျၢအံၤမ့ၢ်လၢသုစၢၤသုသွဲၣ်တဖၣ်အဂီၢ်ဖဲအအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:4

အအံၤမ့ၢ်တၢ်ဘူၣ်တၢ်ဘါအမူးတဖၣ်လၢသုဘၣ်ဒုးဟူထီသါလီၤအီၤ ဖဲအဆၢကတီၢ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:7

မုၢ်ခီၣ်ထံးတနံၤန့ၣ်သုဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါ အဂီၢ်ဒီးသုတဘၣ်မၤသုတၢ်မၤနီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 3:17

တၢ်အသိမ့ၢ်ဂ့ၤ, တၢ်အသွံၣ်မ့ၢ်ဂ့ၤ, သုသုတအီၣ်အီၤတဂ့ၤ. အအံၤမ့ၢ်တၢ်မၤလိာ်လၢသုဘၣ်တိၢ်န့ၢ်အီၤအစိၤစိၤအဃၣ်ဃၣ်ဖဲ သုအိၣ်တပူၤလၢ်လၢ်န့ၣ်လီၤ.

လံာ်တၢ်ဂံၢ် 18:23

စးထီၣ်လၢမုၢ်မဆါတနံၤအံၤထဲပှၤလ့ၤဝံဖိတဖၣ်ဧိၤကအံးထွဲ ကွၢ်ထွဲဒဲစီဆှံဒီးဟံးန့ၢ်မူဒါလၢလၢပှဲၤပှဲၤလၢဒဲစီဆှံန့ၣ်အဂီၢ်လီၤ. တၢ်အံၤမ့ၢ်တၢ်သိၣ်တၢ်သီအဂၢၢ်အကျၢၤတမံၤလၢအဘၣ်ထွဲ စ့ၢ်ကီးဒီးနစၢၤနသွဲၣ်တဖၣ်န့ၣ်လီၤ. ပှၤလ့ၤဝံဖိတဖၣ်န့ၣ်တဘၣ်အိၣ်ဒီးတၢ်စုလီၢ်ခီၣ်ခိၣ်အဂၢၢ် အကျၢၤနီတမံၤလၢကီၢ်အံၣ်စရ့လးအပူၤဘၣ်.

လံာ်သိၣ်လီၤသီလီၤတၢ် 16:11

သူၣ်ခုသးခုလၢအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတ ဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢသုဝ့ၢ်တဖၣ်ပူၤန့ၣ်တက့ၢ်. မၤတၢ်အံၤဖဲတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တက့ၢ်.