လံာ်တၢ်ဘူၣ်ထီၣ်ဘါထီၣ် 23:16 - Sgaw Karen Common Bible

¹⁶ တုၤနွံအိၣ်ဘှံးနံၤပူၤကွံာ်တနံၤ, မုၢ်နံၤ ယဲၢ်ဆံနံၤတနံၤန့ၣ်သုဘၣ်လုၢ်ထီၣ်ကဒီးတၢ်လုၢ်ဘုဧိၤဟုဧိၤ အသီတဘျီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:16 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:7

တၢ်ဟ့ၣ်တဖၣ်စးထီၣ်ဟဲတုၤဝဲလၢလါသၢလါတလါအပူၤဒီးပာ်ဖှိၣ် ပူၣ်ထီၣ်ထွဲဒံးအသးလၢဆူညါလွံၢ်လါအတီၢ်ပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:17

ဒူၣ်ဖိထၢဖိတဒူၣ်စုာ်စုာ်ကဘၣ်ဟဲစိာ်ကိၣ် ခံလိၣ်ဒီးလုၢ်ထီၣ်အီၤဆူယွၤအအိၣ်ဒ်တၢ်ဟ့ၣ်လီၤဆီတမံၤအသိး န့ၣ်လီၤ. ကိၣ်တလိၣ်စုာ်စုာ်ကဘၣ်တၢ်မၤအီၤလၢကိၣ်ကမူၣ်လီၤတယၢၢ်ခံအ့ စရိၣ်ဒီးကုၢ်အီၤလၢကိၣ်မံၣ်, ဒီးလုၢ်ထီၣ်အီၤဆူယွၤအအိၣ်ဒ်တၤသၣ်ဆိအသိးန့ၣ်လီၤ.

လံာ်တၢ်ဂံၢ် 28:26

လၢတၢ်ကူးဘုမူးဖးဒိၣ်အကတီၢ်အဆိကတၢၢ်တသီဖဲ သုဟ့ၣ်ထီၣ်ဘုဧိၤဟုဧိၤအသီဆူယွၤအအိၣ်န့ၣ်, သုကဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်, ဒီးပှၤတဘၣ်မၤတၢ်မၤနီတဂၤဘၣ်.

မၤတၢ် 2:1

ဖဲဘူၣ်ယဲၢ်ဆံအမုၢ်နံၤတုၤဃီၤဝဲန့ၣ်, ပှၤစူၢ်က့ၤနာ်က့ၤတၢ်ခဲလၢာ်ပာ်ဖှိၣ်ထီၣ်အသးလၢတၢ်လီၢ် တပူၤဃီန့ၣ်လီၤ.