လံာ်တၢ်ဘူၣ်ထီၣ်ဘါထီၣ် 23:14 - Sgaw Karen Common Bible

¹⁴ ဒီးတချုးလၢသုဟဲစိာ်တၢ်လုၢ်မၤဘူၣ်အံၤဆူကစၢ်ယွၤအအိၣ်န့ၣ်, ကိၣ်ဂ့ၤ, ဘုဝဲာ်လၢမ့ၣ်အူဂ့ၤ, ဘုအစဲၤအသံကစဲာ်ဂ့ၤအီၣ်အီၤတဂ့ၤ. အအံၤမ့ၢ်တၢ်သိၣ်တၢ်ဘျၢလၢသုစၢၤသုသွဲၣ်ဘၣ်တိၢ်န့ၢ်မၤထွဲ အီၤအစိၤစိၤအဃၣ်ဃၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:14 Iomraidhean Croise

လံာ်စီၤနဃ့မယၤ 9:14

နသိၣ်လိတ့ၢ်အဝဲသ့ၣ်လၢကတိၢ်န့ၢ်ဖံးဃာ်တၢ်ပာ်စီဆှံမုၢ်အိၣ် ဘှံးနံၤ, ဒီးနဟ့ၣ်လီၤအဝဲသ့ၣ်လၢနတၢ်သိၣ်တၢ်သီတဖၣ်ခီဖျိနခ့နပှၤစီၤမိၤၡ့န့ၣ်လီၤ.

စံးထီၣ်ပတြၢၤ 19:8

ယွၤအကလုၢ်ကထါန့ၣ်တီဝဲလိၤဝဲ, ဒီးမၤခုထီၣ်က့ၤပသးလီၤ. ယွၤအတၢ်မၤလိာ်န့ၣ်ကဆှီဝဲ ဒီးမၤကပီၤထီၣ်က့ၤပမဲာ်လီၤ.

လံာ်တၢ်ဟးထီၣ်ကွံာ် 27:21

စီၤအၤဟရိၣ်ဒီးအဖိခွါတဖၣ်ကဘၣ်ဒွဲၣ်ကပီၤထီၣ်မ့ၣ်အူဒၢလၢယ အိၣ်ယဆိးအဒဲစီဆှံပူၤဖဲယၣ်ဘျးသဒၢအချၢလၢအအိၣ်လၢတၢ်အၢၣ် လီၤအီလီၤတလါစီဆှံအမဲာ်ညါန့ၣ်လီၤ. ဖဲန့ၣ်ဖဲယအိၣ်ယဆိးအလီၢ်န့ၣ်မ့ၣ်အူဒၢကဘၣ်ဒွဲၣ်ကပီၤထီၣ်အီၤ စးထီၣ်လၢမုၢ်ဟါတုၤမုၢ်ဂီၤန့ၣ်လီၤ. တၢ်မၤလိာ်အံၤကဘၣ်တၢ်တိၢ်န့ၢ်ဖံးဃာ်အီၤလီၤထူလီၤယိာ်လၢပှၤ အံၣ်စရ့လးဖိတဖၣ်ဒီးအစၢၤအသွဲၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 34:26

ဟဲစိာ်ထီၣ်တၤသၣ်ဆိလၢသုကူးအီၤန့ၣ်ဆူယွၤအဟံၣ်, ကိးနံၣ်ဒဲးတက့ၢ်. သိဖိမ့ၢ်ဂ့ၤမဲာ်တဲးလဲးဖိမ့ၢ်ဂ့ၤဖဲအအီအမိၢ်အနုၢ်ထံအကတီၢ်န့ၣ်ဖီအီၣ်အညၣ်တဂ့ၤ.”

လံာ်တၢ်ဘူၣ်ထီၣ်ဘါထီၣ် 10:11

ဒီးသုကဘၣ်သိၣ်လိသီလိပှၤအံၣ်စရ့လးဖိလၢကယဲၢ်တၢ်သိၣ်တၢ် သီလၢယဟ့ၣ်လီၤသုခီဖျိစီၤမိၤၡ့န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 2:14

ဒီးပှၤမ့ၢ်ဟဲစိာ်တၤသၣ်ဆိအတၢ်လုၢ်မၤဘူၣ်ဆူယွၤအအိၣ်န့ၣ် ကဘၣ်ဟဲစိာ်ဘုဆိလၢအဘၣ်တၢ်ဝဲာ်မံအီၤမ့တမ့ၢ်ဘၣ်တၢ်တိၢ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:31

တၢ်သိၣ်တၢ်ဘျၢအံၤမ့ၢ်လၢသုစၢၤသုသွဲၣ်တဖၣ်အဂီၢ်ဖဲအအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:41

ဒီးသုဘၣ်မၤမူးအံၤလၢယွၤအဂီၢ်တနံၣ်န့ၣ်နွံနံၤလီၤ. တၢ်အံၤမ့ၢ်တၢ်သိၣ်တၢ်ဘျၢလၢသုစၢၤသုသွဲၣ်အစိၤစိၤအဃၣ်ဃၣ် တဖၣ်အဂီၢ်လၢသုဘၣ်မၤမူးအံၤလၢလါနွံလါတလါအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:17

တၢ်အသိမ့ၢ်ဂ့ၤ, တၢ်အသွံၣ်မ့ၢ်ဂ့ၤ, သုသုတအီၣ်အီၤတဂ့ၤ. အအံၤမ့ၢ်တၢ်မၤလိာ်လၢသုဘၣ်တိၢ်န့ၢ်အီၤအစိၤစိၤအဃၣ်ဃၣ်ဖဲ သုအိၣ်တပူၤလၢ်လၢ်န့ၣ်လီၤ.

လံာ်သိၣ်လီၤသီလီၤတၢ် 16:12

မၤလီၤတံၢ်လၢသုစူၢ်တၢ်မၤလိာ်တဖၣ်အံၤတက့ၢ်. သးပ့ၤနီၣ်လၢသုမ့ၢ်တ့ၢ်ကုၢ်တဖၣ်လၢကီၢ်အဲၤကူပတူးအပူၤန့ၣ် တဂ့ၤ.