လံာ်တၢ်ဘူၣ်ထီၣ်ဘါထီၣ် 23:11 - Sgaw Karen Common Bible

¹¹ ဒီးအဝဲဒၣ်ဘၣ်ပာ်ထီၣ်ဘုတကဒိၣ်န့ၣ်ဒ်တၢ်လုၢ်မၤဘူၣ်လီၤဆီ ဆူယွၤအအိၣ်လၢသုကဘၣ်တၢ်တူၢ်လိာ်သုအဂီၢ်န့ၣ်လီၤ. ပှၤလုၢ်တၢ်အခိၣ်ကလုၢ်ထီၣ်အီၤလၢမုၢ်အိၣ်ဘှံးနံၤဝံၤအလီၢ်ခံတနံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:11 Iomraidhean Croise

လံာ်တၢ်ဟးထီၣ်ကွံာ် 28:38

စီၤအၤဟရိၣ်ကဘၣ်ဖၢၣ်ထီၣ်အီၤဖဲအခိၣ်တိသၣ်ဒ်သိးယၤ, ယွၤကတူၢ်လိာ်တၢ်လုၢ်ထီၣ်မၤဘူၣ်ခဲလၢာ်လၢပှၤအံၣ်စရ့လးဖိ တဖၣ်ပာ်စီဆှံထီၣ်အီၤဆူယအိၣ်, ဖဲပှၤဂီၢ်မုၢ်မၤတ့ၢ်တၢ်ကမူၤ ကမၣ်တနီၤနီၤလၢအတၢ်လုၢ်ထီၣ်ပာ်ထီၣ်အပူၤဒၣ်လဲာ်န့ၣ်လီၤ.

လံာ်တၢ်ဟးထီၣ်ကွံာ် 29:24

ဒၢနုာ်တၢ်အီၣ်တဖၣ်အံၤခဲလၢာ်ဆူစီၤအၤဟရိၣ်ဒီးအဖိခွါတဖၣ် အစုပူၤဒီးတဲဘၣ်အဝဲသ့ၣ်လၢကပာ်စီဆှံထီၣ်အီၤဆူယအိၣ်ဒ်တၢ် ဟ့ၣ်လီၤဆီတမံၤအသိးတက့ၢ်.

လံာ်တၢ်ဘူၣ်ထီၣ်ဘါထီၣ် 10:14

မ့မ့ၢ်နၤဒီးနပှၤဟံၣ်ဖိဃီဖိကအီၣ်ဘၣ်တၢ်အသးနါပှၢ်, ဒီးတၢ်အကံၣ်ဒုၣ်လၢအဘၣ်တၢ်လုၢ်ထီၣ်အီၤဒ်တၢ်ဟ့ၣ်လီၤဆီ ဒီးတၢ်မၤဘူၣ်လီၤဆီဆူယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ် လီၤ. သုအီၣ်အီၤသ့ဝဲလၢတၢ်လီၢ်လၢအစီအဆှံဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးတပူၤလၢ်လၢ်န့ၣ်လီၤ. တၢ်လုၢ်မၤဘူၣ်တဖၣ်အံၤဘၣ်တၢ်ဟ့ၣ်လီၤနၤဒီးနဖိနလံၤတဖၣ်ဒ်တၢ် နီၤဖးဘၣ်ဃးဒီးနၤလၢပှၤအံၣ်စရ့လးဖိတဖၣ်အတၢ်လုၢ်မၤဃူမၤဖိးအကျါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:12

မုၢ်တနံၤလၢသုလုၢ်ထီၣ်တၢ်မၤဘူၣ်ဘုဧိၤဟုဧိၤန့ၣ်, သုကဘၣ်လုၢ်ထီၣ်သိဖါတနံၣ်ဖိတဒုလၢအတအိၣ်ဒီးနီၢ်ခိ အတၢ်လီၤတူာ်လီၤကာ်ဒ်တၢ်လုၢ်မ့ၣ်အူအသိးစ့ၢ်ကီးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 9:21

ဒီးလုၢ်ထီၣ်ဝဲအသးနါပှၢ်ဒီးအခီၣ်ထွဲတဖၣ်ဒ်တၢ်ဟ့ၣ်လီၤဆီတမံၤဆူ ယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်, ဒ်စီၤမိၤၡ့မၤလိာ်ဝဲအသိးန့ၣ်လီၤ.

လံာ်နီၢ်ရူၤသး 1:22

တၢ်အံၤမ့ၢ်နီၢ်နၤဧမံအတၢ်ဟဲက့ၤကဒါက့ၤလၢကီၢ်မိၤအး, ဃုာ်ဒီးအဒဲၣ်မုၣ်နီၢ်ရူၤသးလၢအမ့ၢ်ပှၤမိၤအးမုၣ်, ဒ်လဲၣ်န့ၣ်လီၤ. အဝဲသ့ၣ်ဟဲက့ၤတုၤလၢဝ့ၢ်ဘ့ၤသလ့ဃ့ၣ်ဖဲတၢ်ကူးသီဘုမုယီၤအကတီၢ်န့ၣ်လီၤ.