လံာ်တၢ်ဘူၣ်ထီၣ်ဘါထီၣ် 22:9 - Sgaw Karen Common Bible

⁹ ပှၤလုၢ်တၢ်အခိၣ်ခဲလၢာ်ကဘၣ်တိၢ်န့ၢ်တၢ်သိၣ်တၢ်ဘျၢလၢယမၤလိာ် တ့ၢ်တဖၣ်န့ၣ်လီၤ. မ့တမ့ၢ်ဘၣ်ဒီးအဝဲသ့ၣ်ကကဲထီၣ်ပှၤလၢအတၢ်ကမၣ်အိၣ်ဒီးကသံဝဲ ဒၣ်လီၤ. အဂ့ၢ်ဒ်အံၤ, မ့ၢ်လၢအဝဲသ့ၣ်တတိၢ်န့ၢ်ဘၣ်တၢ်သိၣ်တၢ်သီစီဆှံတဖၣ်အဃိလီၤ. ယဲဒၣ်အံၤယမ့ၢ်ယွၤဒီးယမၤကဆှီအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:9 Iomraidhean Croise

လံာ်တၢ်ဟးထီၣ်ကွံာ် 28:43

စီၤအၤဟရိၣ်ဒီးအဖိခွါတဖၣ်ကဘၣ်သိးအီၤတဘိယူၢ်ဃီဖဲ အလဲၤနုာ်ဆူယအိၣ်ယဆိးအဒဲစီဆှံအပူၤအခါမ့ၢ်ဂ့ၤ, ဖဲအသုးဘူးဃီၤအသးဆူတၢ်လုၢ်လီၢ်လၢအကမၤတၢ်ဒ်ပှၤလုၢ်တၢ် အခိၣ်ဖဲတၢ်အလီၢ်စီဆှံအပူၤအခါမ့ၢ်ဂ့ၤဒ်သိးအသု တဘၣ်တၢ်မၤသံအီၤလၢအတၢ်မဲာ်ဆှးအိၣ်ဖျါအဃိတဂ့ၤန့ၣ်လီၤ. တၢ်အံၤမ့ၢ်တၢ်သိၣ်တၢ်သီအဂၢၢ်အကျၢၤတမံၤလၢစီၤအၤဟရိၣ်ဒီး အစၢၤအသွဲၣ်တဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:13

ဒီးဘၣ်ပာ်တၢ်နၢမူလၢမ့ၣ်အူဖီခိၣ်လၢယွၤအမဲာ်ညါ, ဒ်သိးတၢ်နၢမူအမ့ၣ်အူလုၣ်ကကျၢၢ်ဘၢတၢ်အၢၣ်လီၤအီလီၤတလါ အဖီခိၣ်ဒ်သိးအသုတထံၣ်အီၤဒီးသံတဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:2

ဒီးယွၤစံးဘၣ်စီၤမိၤၡ့, “စံးဘၣ်နဒီပုၢ်ဝဲၢ်စီၤအၤဟရိၣ်လၢအသုတလဲၤနုာ်ဆူတၢ်လီၢ် စီဆှံကတၢၢ်လၢယၣ်ဘျးသဒၢသးအချၢကိးဆၢကိးကတီၢ်ဒဲးတဂ့ၤ. အဂ့ၢ်ဒ်အံၤ, တၢ်လီၢ်ဝဲန့ၣ်မ့ၢ်ယလီၣ်ဖျါထီၣ်ယသးခီဖျိတၢ်အၢၣ်, လၢတၢ်အၢၣ်လီၤအီလီၤအတလါစီဆှံအဖီခိၣ်န့ၣ်လီၤ. မ့ၢ်တဒိကနၣ်ဝဲဘၣ်ဒီးကဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:30

ဒီးယွၤစံးဝဲဒၣ်, “စူၢ်တၢ်မၤလိာ်လၢယဟ့ၣ်လီၤသုဒီးမၤထွဲပှၤ ကလုာ်လၢအအိၣ်တ့ၢ်ဆိဝဲလၢသုမဲာ်ညါတဖၣ်အလုၢ်အလၢ်တဂ့ၤ. မၤဘၣ်အၢလီၤသုသးလၢတၢ်မၤတဖၣ်အံၤန့ၣ်တဂ့ၤ. ယမ့ၢ်ယွၤ, သုကစၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 22:16

ခီဖျိအပျဲပှၤလၢအတကြၢးဝဲဘၣ်ဝဲတဖၣ်အီၣ်ဘၣ်တၢ်လုၢ်တၢ်ပာ်စီ ဆှံတဖၣ်န့ၣ်ဘၣ်. တၢ်အံၤကဒုးကဲထီၣ်တၢ်ကမၣ်ဒီးတၢ်စံၣ်ညီၣ်လၢပှၤလၢအအီၣ်ဘၣ် တဂၤအလိၤန့ၣ်လီၤ. ယဲဒၣ်အံၤယမ့ၢ်ယွၤဒီးယမၤစီဆှံတၢ်လုၢ်တၢ်ပာ်တဖၣ်န့ၣ်လီၤ.”

လံာ်တၢ်ဂံၢ် 18:22

ပှၤအံၣ်စရ့လးဖိအဂၤတဖၣ်တဘၣ်သုးဘူးအသးဆူဒဲစီဆှံ အအိၣ်နီတစုလၢၤဘၣ်. လၢကျဲဒ်အံၤအဃိန့ၣ်အဝဲသ့ၣ်ကဒုးလီၤဘၣ်တၢ်စံၣ်ညီၣ်သံလၢအဖီ ခိၣ်ဒၣ်ဝဲန့ၣ်လီၤ.

လံာ်တၢ်ဂံၢ် 18:32

ဖဲသုဟ့ၣ်ထီၣ်တၢ်နီၤဖးအဂ့ၤကတၢၢ်ဆူယွၤဝံၤတစုန့ၣ်တုၤသု အီၣ်တၢ်ဒီးတၢ်ကမၣ်တကဲထီၣ်လၢသုဂီၢ်ဘၣ်. ဘၣ်ဆၣ်ဒီးပလီၢ်သုသးလၢသုသုတမၤဘၣ်အၢတၢ်ဟ့ၣ်စီဆှံတဖၣ်လၢ ပှၤအံၣ်စရ့လးဖိတဖၣ်ဟ့ၣ်ဝဲခီဖျိတၢ်အီၣ်တၢ်ဟ့ၣ်တဖၣ်တမံၤ ဂ့ၤတမံၤဂ့ၤ, တချုးဖဲသုလုၢ်ထီၣ်ပာ်ထီၣ်ဘၣ်ဒံးတၢ်နီၤဖးအဂ့ၤ ကတၢၢ်န့ၣ်တဂ့ၤ. သုမ့ၢ်မၤဒီးသုကဘၣ်တၢ်မၤသံကွံာ်သုန့ၣ်လီၤ.”

လံာ်မးသဲ 23:17

ပှၤဟးဂီၤဖိလၢအမဲာ်ဘျီၣ်သ့ၣ်ဧၢ, တၢ်အကါဒိၣ်တက့ၢ်န့ၣ်မ့ၢ်ထူဧါ. မ့တမ့ၢ်ဘၣ်ဒီး, မ့ၢ်တၢ်လုၢ်ဟံၣ်လၢအမၤစီဆှံထူန့ၣ်လဲၣ်.

လံာ်သိၣ်လီၤသီလီၤတၢ် 11:1

အဲၣ်ယွၤ, နကစၢ်ယွၤဒီးစူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ထီဘိတက့ၢ်.