လံာ်တၢ်ဘူၣ်ထီၣ်ဘါထီၣ် 22:4 - Sgaw Karen Common Bible

⁴ စီၤအၤဟရိၣ်အစၢၤအသွဲၣ်လၢအအိၣ်ဒီးတၢ်ဆါအၢမ့တမ့ၢ်တၢ်ယွၤ လီၤလၢအဆံၣ်ကျိၤတဂၤလၢ်လၢ်န့ၣ်တဘၣ်အီၣ်တၢ်လုၢ်စီဆှံတုၤလီၤ လၢအဝဲကဆှီထီၣ်က့ၤဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးနီ တဂၤဘၣ်. ပှၤလုၢ်တၢ်အခိၣ်တဂၤလၢ်လၢ်ကဲထီၣ်ပှၤတကဆှီဘၣ်ခီဖျိတၢ်ထိးဘၣ် တၢ်သံစိၣ်မ့ၢ်ဂ့ၤ, အနီၢ်ကစၢ်ဒၣ်ဝဲအိၣ်ဒီးတၢ်ယွၤလီၤလၢအဆံၣ်ကျိၤမ့ၢ်ဂ့ၤ,

လံာ်တၢ်ဘူၣ်ထီၣ်ဘါထီၣ် 22:4 Iomraidhean Croise

လံာ်တၢ်ဘူၣ်ထီၣ်ဘါထီၣ် 11:39

ဒီးဆၣ်ဖိကီၢ်ဖိလၢတၢ်အီၣ်အီၤသ့မ့ၢ်သံဒီး, ပှၤတဂၤလၢ်လၢ်လၢအထိးဘၣ်အီၤန့ၣ်ကကဲထီၣ်တၢ်တကဆှီတုၤမုၢ်ဟါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 15:17

ဒီးပိာ်ခွါအချံဘၣ်ဃးဒီးအမံဃုာ်တၢ်န့ၣ်မ့ၢ်လီၤဘၣ်လၢ ကယဲၢ်တၢ်လၢအဘၣ်တၢ်မၤအီၤလၢတၢ်ကံးညၣ်မ့ၢ်ဂ့ၤ, တၢ်ဖံးမ့ၢ်ဂ့ၤအလိၤန့ၣ်, ကဘၣ်တၢ်သ့စီကွံာ်အီၤ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:10

ဒီးတၢ်အိၣ်လီၤတဲာ်လၢတၢ်လုၢ်မၤဘူၣ်န့ၣ်ဘၣ်ဃးဒီးပှၤလုၢ်တၢ် အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီတၢ်ဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤဆူယွၤ အအိၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:3

တၢ်အိၣ်လီၤတဲာ်လၢတၢ်လုၢ်ဘုဧိၤဟုဧိၤန့ၣ်ဘၣ်ဃးဒီးပှၤလုၢ် တၢ်အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤအကျါ အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:1

ဒီးယွၤမၤလိာ်စီၤမိၤၡ့လၢကတဲဘၣ်ပှၤလုၢ်တၢ်အခိၣ်တဖၣ်လၢအလီၤစၢၤလၢစီၤအၤဟရိၣ်လၢ, “ပှၤလုၢ်တၢ်အခိၣ်တဘၣ်မၤတကဆှီအသးနီတဂၤဒ်တၢ်ဘူၣ်တၢ် ဘါအလုၢ်အလၢ်အိၣ်ဝဲအသိးလၢတၢ်မၤတၢ်တမံၤမံၤဖဲအဘူး အတံၢ်တဂၤအတၢ်သံအမူးအပူၤ,

လံာ်တၢ်ဘူၣ်ထီၣ်ဘါထီၣ် 21:22

ဒီးအဝဲကအီၣ်ဘၣ်တၢ်အီၣ်လၢအဘၣ်တၢ်လုၢ်ထီၣ်အီၤဆူယအိၣ်, တၢ်အီၣ်လၢအစီအဆှံဒီးအစီဆှံကတၢၢ်န့ၣ်လီၤ.

လံာ်ဃးကဲ 2:13

ဒီးစီၤဃးကဲသံကွၢ်ဝဲ, “ပစံးဒၣ်ကလိာ်, ပှၤတဂၤကဲထီၣ်ကွံာ်ပှၤတကဆှီဘၣ်မ့ၢ်လၢအထိး ဘၣ်ပှၤသံစိၣ်တဂၤအဃိလီၤ. အဝဲမ့ၢ်ထိးဘၣ်တၢ်အီၣ်တဖၣ်အံၤတမံၤမံၤန့ၣ်, တၢ်န့ၣ်ကဒုးကဲထီၣ်တၢ်အီၣ်တဖၣ်န့ၣ်လၢတၢ်တကဆှီဘၣ်စ့ၢ်ကီးဧါ.” ပှၤလုၢ်တၢ်အခိၣ်တဖၣ်စံးဆၢဝဲ, “မ့ၢ်လီၤ.”

လံာ်တၢ်ဂံၢ် 18:19

ကယဲၢ်တၢ်မၤဘူၣ်လီၤဆီလၢပှၤအံၣ်စရ့လးဖိတဖၣ်ဟ့ၣ်ထီၣ်ဆူ ယအိၣ်န့ၣ်ယဟ့ၣ်လီၤနၤ, နဖိခွါတဖၣ်ဒီးနဖိမုၣ်တဖၣ်အစိၤစိၤ အဃၣ်ဃၣ်လီၤ. တၢ်အံၤမ့ၢ်တၢ်အၢၣ်လီၤအီလီၤတမံၤလၢ တၢ်မၤဟးဂီၤကွံာ်အီၤတသ့ဘၣ်လၢယမၤတ့ၢ်ဒီးနစၢၤနသွဲၣ်တဖၣ် န့ၣ်လီၤ.”

လံာ်တၢ်ဂံၢ် 18:9

လၢတၢ်လုၢ်စီဆှံကတၢၢ်တဖၣ်လၢတၢ်တဆိၣ်ကဲၤဘၣ်အီၤလၢတၢ်လုၢ် လီၢ်အဖီခိၣ်အကျါန့ၣ်, တၢ်လၢလာ်တဖၣ်အံၤဘၣ်ဃးဒီးနၤလီၤ. တၢ်လုၢ်ဘုဧိၤဟုဧိၤတဖၣ်, တၢ်လုၢ်တၢ်ပျၢ်တၢ်ဒဲးဘးတဖၣ်, ဒီးတၢ်လိးက့ၤအတၢ်လုၢ်တဖၣ်န့ၣ်လီၤ. တၢ်ကိးမံၤဒဲးလၢအဘၣ်တၢ်ဟ့ၣ်ထီၣ်ဆူ ယအိၣ်ဒ်တၢ်လုၢ်စီဆှံတဖၣ်န့ၣ်ဘၣ်ဃးဒီးနၤဒီးနဖိခွါတဖၣ်လီၤ.

လံာ်တၢ်ဂံၢ် 19:20

ပှၤတဂၤလၢ်လၢ်လၢအကဲထီၣ်တၢ်တကဆှီဘၣ်ဒ်တၢ်ဘူၣ်တၢ်ဘါ အလုၢ်အလၢ်အသိးမ့ၢ်တမၤကဆှီဘၣ်အသးဒၣ်ဝဲန့ၣ်ကမ့ၢ်ဒံးဒၣ်တၢ် တကဆှီဘၣ်, မ့ၢ်လၢထံမၤကဆှီတၢ်န့ၣ်တဘၣ်တၢ်လူလီၤ အီၤလၢအဖီခိၣ်ဒံးဘၣ်အဃိလီၤ. အဝဲမၤဘၣ်အၢယွၤအဒဲစီဆှံဒီးတဘၣ်တၢ်ပာ်လၢၤအီၤဒ်ပှၤတဂၤ လၢယွၤအပှၤဂီၢ်မုၢ်အကျါနီတစုလၢၤဘၣ်န့ၣ်လီၤ.