လံာ်တၢ်ဘူၣ်ထီၣ်ဘါထီၣ် 22:23 - Sgaw Karen Common Bible

²³ ဒ်တၢ်သးဆူၣ်အတၢ်လုၢ်တၢ်ပာ်အသိး, ဆၣ်ဖိကီၢ်ဖိလၢအ နီၢ်ခိက့ၢ်ဂီၤတဘၣ်လိာ်ဘၣ်စးတဖၣ်န့ၣ်သုလုၢ်ထီၣ်အီၤသ့လီၤ. ဘၣ်ဆၣ်ဒီးတဘၣ်တၢ်တူၢ်လိာ်အီၤဒ်တၢ်မၤလၢထီၣ်ပှဲၤထီၣ်တၢ်အၢၣ် လီၤအီလီၤအသိးဘၣ်.

လံာ်တၢ်ဘူၣ်ထီၣ်ဘါထီၣ် 22:23 Iomraidhean Croise

လံာ်တၢ်ဟးထီၣ်ကွံာ် 35:29

ကယဲၢ်ကီၢ်အံၣ်စရ့လးအပှၤဂီၢ်မုၢ်လၢအသးအိၣ်ဟဲစိာ်တၢ်လုၢ်မၤ ဘူၣ်ဆူယွၤအအိၣ်လၢတၢ်ဖံးတၢ်မၤအဂီၢ်ဒ်ယွၤမၤလိာ်စီၤမိၤၡ့ လၢကမၤဝဲန့ၣ်, ဟဲစိာ်ဝဲကိးဂၤဒဲးလီၤ.

လံာ်တၢ်ဘူၣ်ထီၣ်ဘါထီၣ် 21:18

အဂ့ၢ်ဒ်အံၤ, ပှၤလၢအိၣ်ဒီးနီၢ်ခိက့ၢ်ဂီၤအတၢ်လီၤတူာ်လီၤကာ်တဖၣ်န့ၣ်တဘၣ်လုၢ်ထီၣ်ပာ်ထီၣ်တၢ်ဘၣ်. ပှၤတဖၣ်အံၤမ့ၢ်ဝဲပှၤမဲာ်ဘျီၣ်, ပှၤလၢအက့ၢ်အဂီၤတလၢပှဲၤ, ပှၤလၢအက့ၢ်အဂီၤတဂ့ၤ,

လံာ်တၢ်ဘူၣ်ထီၣ်ဘါထီၣ် 22:22

လုၢ်ထီၣ်ဆၣ်ဖိကီၢ်ဖိလၢအမဲာ်ဘျီၣ်မ့ၢ်ဂ့ၤ, အစုတဂ့ၤခီၣ်တဂ့ၤမ့ၢ်ဂ့ၤ, အက့ၢ်အဂီၤဟးဂီၤမ့ၢ်ဂ့ၤ, အပူၤလီၢ်အဖံယွၤလီၤမ့ၢ်ဂ့ၤ, တၢ်သးဃ့အီၣ်အီၤမ့ၢ်ဂ့ၤန့ၣ်ဆူယွၤအအိၣ်တဂ့ၤ. ဆၣ်ဖိကီၢ်ဖိဒ်န့ၣ်အသိးတဖၣ်န့ၣ်လုၢ်ထီၣ်အီၤ လၢတၢ်လုၢ်လီၢ်ဖီခိၣ်ဒ်တၢ်လုၢ်မ့ၣ်အူဆူယွၤအအိၣ်န့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 22:24

ဆၣ်ဖိကီၢ်ဖိလၢအဒံၣ်သဘှံးမ့ၢ်ဂ့ၤ, ဘၣ်ဒီၣ်တဲာ်မ့ၢ်ဂ့ၤ, ဘၣ်တၢ်ဂဲာ်မ့ၢ်ဂ့ၤဒီးဘၣ်ကူးဘၣ်ကါမ့ၢ်ဂ့ၤတဖၣ်န့ၣ်လုၢ်ထီၣ် အီၤဆူယွၤအအိၣ်တဂ့ၤ. လုၢ်ထီၣ်ဆၣ်ဖိကီၢ်ဖိဒ်သိးအံၤလၢ သုကီၢ်ပူၤတဂ့ၤ.

လံာ်မၤလကံ 1:8

တုၤသုဟဲစိာ်ဆၣ်ဖိကီၢ်ဖိလၢအမဲာ်ဘျီၣ်မ့ၢ်ဂ့ၤ, တဆူၣ်တချ့မ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ, ဒ်သိးသုကလုၢ်ထီၣ်ဆူယၤဒီး, မ့ၢ်သုဆိကမိၣ်လၢတၢ်န့ၣ်တမ့ၢ်တၢ်လီၤသးဘၣ်အၢဘၣ်န့ၣ်ဧါ. ဟ့ၣ်ဆၣ်ဖိကီၢ်ဖိဒ်န့ၣ်သိးဆူပဒိၣ်ဖးဒိၣ်အအိၣ်တက့ၢ်. မ့ၢ်အဝဲကဘၣ်အသးလၢနၤစ့ၢ်ကီးဧါ. ဒီးကကွၢ်မဲာ်နၤတမံၤမံၤစ့ၢ်ကီးဧါ.

လံာ်သိၣ်လီၤသီလီၤတၢ် 15:21

ဘၣ်ဆၣ်ဒီးတၢ်မ့ၢ်လဲၤကမၣ်အသးတမံၤမံၤဒီးဆၣ်ဖိကီၢ်ဖိတဖၣ် အံၤ, ဒ်ပစံးတၢ်အသိးအခီၣ်မ့ၢ်ဟးဂီၤမ့ၢ်ဂ့ၤ, အမဲာ်ချံမ့ၢ်ဘျီၣ်မ့ၢ်ဂ့ၤ, မ့ၢ်အိၣ်ဒီးတၢ်ဂံၢ်စၢ်ဘါစၢ်အဂၤ ဒိၣ်ဒိၣ်မုၢ်မုၢ်တမံၤမံၤမ့ၢ်ဂ့ၤဒီး, သုတဘၣ်လုၢ်ထီၣ်အီၤဆူယွၤသုကစၢ်ယွၤအအိၣ်ဘၣ်.

လံာ်သိၣ်လီၤသီလီၤတၢ် 17:1

ဂီၤဘုၣ်ဂီၤဖံးမ့ၢ်ဂ့ၤ, သိမ့ၢ်ဂ့ၤလၢအက့ၢ်အဂီၤတလၢတပှဲၤ န့ၣ်လုၢ်ထီၣ်အီၤဆူယွၤ, သုကစၢ်ယွၤအအိၣ်တဂ့ၤ. ယွၤသးဟ့တၢ်အံၤလီၤ.