လံာ်တၢ်ဘူၣ်ထီၣ်ဘါထီၣ် 22:22 - Sgaw Karen Common Bible

²² လုၢ်ထီၣ်ဆၣ်ဖိကီၢ်ဖိလၢအမဲာ်ဘျီၣ်မ့ၢ်ဂ့ၤ, အစုတဂ့ၤခီၣ်တဂ့ၤမ့ၢ်ဂ့ၤ, အက့ၢ်အဂီၤဟးဂီၤမ့ၢ်ဂ့ၤ, အပူၤလီၢ်အဖံယွၤလီၤမ့ၢ်ဂ့ၤ, တၢ်သးဃ့အီၣ်အီၤမ့ၢ်ဂ့ၤန့ၣ်ဆူယွၤအအိၣ်တဂ့ၤ. ဆၣ်ဖိကီၢ်ဖိဒ်န့ၣ်အသိးတဖၣ်န့ၣ်လုၢ်ထီၣ်အီၤ လၢတၢ်လုၢ်လီၢ်ဖီခိၣ်ဒ်တၢ်လုၢ်မ့ၣ်အူဆူယွၤအအိၣ်န့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 22:22 Iomraidhean Croise

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:20

နမ့ၢ်လုၢ်ထီၣ်ဆၣ်ဖိကီၢ်ဖိအိၣ်ဒီးအနီၢ်ခိအတၢ်လီၤတူာ်လီၤကာ်န့ၣ်ယွၤတတူၢ်လိာ်ဘၣ်အီၤဘၣ်.

လံာ်တၢ်ဘူၣ်ထီၣ်ဘါထီၣ် 22:21

ဖဲဒၣ်ပှၤလၢအလုၢ်ထီၣ်တၢ်လုၢ်မၤဃူမၤဖိးဆူယွၤအအိၣ်, လၢတၢ်မၤလၢထီၣ်ပှဲၤထီၣ်တၢ်အၢၣ်လီၤအီလီၤအဂီၢ်မ့ၢ်ဂ့ၤ, လၢအတၢ်သးဆူၣ်ဒၣ်ဝဲအဃိမ့ၢ်ဂ့ၤ, ဒ်သိးကဘၣ်တၢ်တူၢ်လိာ်အီၤ န့ၣ်ကဘၣ်မ့ၢ်ဆၣ်ဖိကီၢ်ဖိလၢအတအိၣ်ဘၣ်ဒီးနီၢ်ခိအတၢ်လီၤတူာ် လီၤကာ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:23

ဒ်တၢ်သးဆူၣ်အတၢ်လုၢ်တၢ်ပာ်အသိး, ဆၣ်ဖိကီၢ်ဖိလၢအ နီၢ်ခိက့ၢ်ဂီၤတဘၣ်လိာ်ဘၣ်စးတဖၣ်န့ၣ်သုလုၢ်ထီၣ်အီၤသ့လီၤ. ဘၣ်ဆၣ်ဒီးတဘၣ်တၢ်တူၢ်လိာ်အီၤဒ်တၢ်မၤလၢထီၣ်ပှဲၤထီၣ်တၢ်အၢၣ် လီၤအီလီၤအသိးဘၣ်.

လံာ်တၢ်ဘူၣ်ထီၣ်ဘါထီၣ် 3:3

ဒီးလုၢ်ထီၣ်တၢ်အသိလၢအအိၣ်လၢအပှံာ်ဒီးအကဖုအလိၤခဲလၢာ်,

လံာ်တၢ်ဘူၣ်ထီၣ်ဘါထီၣ် 3:5

အန့ၣ်ဒီးပှၤလုၢ်တၢ်အခိၣ်တဖၣ်ကဆိၣ်ကဲၤထီၣ်ကွံာ်အီၤခဲလၢာ်ဃုာ် ဒီးတၢ်လုၢ်မ့ၣ်အူတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်မၤလကံ 1:8

တုၤသုဟဲစိာ်ဆၣ်ဖိကီၢ်ဖိလၢအမဲာ်ဘျီၣ်မ့ၢ်ဂ့ၤ, တဆူၣ်တချ့မ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ, ဒ်သိးသုကလုၢ်ထီၣ်ဆူယၤဒီး, မ့ၢ်သုဆိကမိၣ်လၢတၢ်န့ၣ်တမ့ၢ်တၢ်လီၤသးဘၣ်အၢဘၣ်န့ၣ်ဧါ. ဟ့ၣ်ဆၣ်ဖိကီၢ်ဖိဒ်န့ၣ်သိးဆူပဒိၣ်ဖးဒိၣ်အအိၣ်တက့ၢ်. မ့ၢ်အဝဲကဘၣ်အသးလၢနၤစ့ၢ်ကီးဧါ. ဒီးကကွၢ်မဲာ်နၤတမံၤမံၤစ့ၢ်ကီးဧါ.