လံာ်တၢ်ဘူၣ်ထီၣ်ဘါထီၣ် 22:20 - Sgaw Karen Common Bible

²⁰ နမ့ၢ်လုၢ်ထီၣ်ဆၣ်ဖိကီၢ်ဖိအိၣ်ဒီးအနီၢ်ခိအတၢ်လီၤတူာ်လီၤကာ်န့ၣ်ယွၤတတူၢ်လိာ်ဘၣ်အီၤဘၣ်.

လံာ်တၢ်ဘူၣ်ထီၣ်ဘါထီၣ် 22:20 Iomraidhean Croise

လံာ်ယဃ့းစက့လး 45:18

ယွၤပၢဘၣ်တၢ်ခဲလၢာ်ကစၢ်စံးဝဲ, “လၢလါအခီၣ်ထံးတလါ ထီၣ်အခီၣ်ထံးတနံၤန့ၣ်နဘၣ်လုၢ်ထီၣ်ဂီၤဖံးဖါဖိလၢအလၢအပှဲၤ တဒုဒီးမၤကဆှီထီၣ်ယွၤအတၢ်လုၢ်ဟံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:24

ဆၣ်ဖိကီၢ်ဖိလၢအဒံၣ်သဘှံးမ့ၢ်ဂ့ၤ, ဘၣ်ဒီၣ်တဲာ်မ့ၢ်ဂ့ၤ, ဘၣ်တၢ်ဂဲာ်မ့ၢ်ဂ့ၤဒီးဘၣ်ကူးဘၣ်ကါမ့ၢ်ဂ့ၤတဖၣ်န့ၣ်လုၢ်ထီၣ် အီၤဆူယွၤအအိၣ်တဂ့ၤ. လုၢ်ထီၣ်ဆၣ်ဖိကီၢ်ဖိဒ်သိးအံၤလၢ သုကီၢ်ပူၤတဂ့ၤ.

လံာ်တၢ်ဘူၣ်ထီၣ်ဘါထီၣ် 22:25

ဆၣ်ဖိကီၢ်ဖိလၢတၢ်ပှ့ၤန့ၢ်အီၤလၢ ပှၤတခီဘီမုၢ်ဖိတဖၣ်အအိၣ်န့ၣ်လုၢ်ထီၣ်အီၤဆူယွၤအအိၣ်တဂ့ၤ. ဆၣ်ဖိကီၢ်ဖိဒ်န့ၣ်သိးတဖၣ်န့ၣ်ဘၣ်တၢ်ပာ်အီၤဒ်ဆၣ်ဖိကီၢ်ဖိလၢ အအိၣ်ဒီးတၢ်လီၤတူာ်လီၤကာ်ဒီးတဘၣ်တၢ်တူၢ်လိာ်ဘၣ်အီၤဘၣ်.

လံာ်တၢ်ဘူၣ်ထီၣ်ဘါထီၣ် 3:1

ပှၤတဂၤလၢ်လၢ်မ့ၢ်လုၢ်ထီၣ်အဂီၤဖံးဒ်တၢ်လုၢ်မၤဃူမၤဖိးအသိးန့ၣ်, ကဘၣ်မ့ၢ်ဂီၤဖံးအဖါတဒုမ့တမ့ၢ်အမိၢ်တဒုလၢအတအိၣ်ဒီးမဲၣ်သူ မဲၣ်ဂီၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:6

ဒီးတၢ်လုၢ်ထီၣ်သိမ့တမ့ၢ်မဲာ်တဲးလဲးလၢတၢ်လုၢ်မၤဃူမၤဖိး တၢ်အဂီၢ်န့ၣ်, ကဘၣ်မ့ၢ်အဖါမ့တမ့ၢ်အမိၢ်လၢအတအိၣ်ဒီး မဲၣ်သူမဲၣ်ဂီၤဘၣ်န့ၣ်လီၤ.

လံာ်မၤလကံ 1:8

တုၤသုဟဲစိာ်ဆၣ်ဖိကီၢ်ဖိလၢအမဲာ်ဘျီၣ်မ့ၢ်ဂ့ၤ, တဆူၣ်တချ့မ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ, ဒ်သိးသုကလုၢ်ထီၣ်ဆူယၤဒီး, မ့ၢ်သုဆိကမိၣ်လၢတၢ်န့ၣ်တမ့ၢ်တၢ်လီၤသးဘၣ်အၢဘၣ်န့ၣ်ဧါ. ဟ့ၣ်ဆၣ်ဖိကီၢ်ဖိဒ်န့ၣ်သိးဆူပဒိၣ်ဖးဒိၣ်အအိၣ်တက့ၢ်. မ့ၢ်အဝဲကဘၣ်အသးလၢနၤစ့ၢ်ကီးဧါ. ဒီးကကွၢ်မဲာ်နၤတမံၤမံၤစ့ၢ်ကီးဧါ.

လံာ်တၢ်ဂံၢ် 29:8

လုၢ်ထီၣ်တၢ်လုၢ်မ့ၣ်အူတမံၤဆူယွၤအအိၣ်, တၢ်နၢမူတမံၤလၢ အဘၣ်ယွၤအသးလၢအမ့ၢ်ကျီၢ်ဖါသးစၢ်တဒု, သိဖါတဒုဒီးသိဖါ ဖိအသးအိၣ်တနံၣ်န့ၣ်နွံဒုတက့ၢ်. ဒီးကဘၣ်ပူၤဖျဲးဒီးတၢ်လီၤတူာ်လီၤကာ်ခဲလၢာ်လီၤ.

လံာ်သိၣ်လီၤသီလီၤတၢ် 15:21

ဘၣ်ဆၣ်ဒီးတၢ်မ့ၢ်လဲၤကမၣ်အသးတမံၤမံၤဒီးဆၣ်ဖိကီၢ်ဖိတဖၣ် အံၤ, ဒ်ပစံးတၢ်အသိးအခီၣ်မ့ၢ်ဟးဂီၤမ့ၢ်ဂ့ၤ, အမဲာ်ချံမ့ၢ်ဘျီၣ်မ့ၢ်ဂ့ၤ, မ့ၢ်အိၣ်ဒီးတၢ်ဂံၢ်စၢ်ဘါစၢ်အဂၤ ဒိၣ်ဒိၣ်မုၢ်မုၢ်တမံၤမံၤမ့ၢ်ဂ့ၤဒီး, သုတဘၣ်လုၢ်ထီၣ်အီၤဆူယွၤသုကစၢ်ယွၤအအိၣ်ဘၣ်.

လံာ်သိၣ်လီၤသီလီၤတၢ် 17:1

ဂီၤဘုၣ်ဂီၤဖံးမ့ၢ်ဂ့ၤ, သိမ့ၢ်ဂ့ၤလၢအက့ၢ်အဂီၤတလၢတပှဲၤ န့ၣ်လုၢ်ထီၣ်အီၤဆူယွၤ, သုကစၢ်ယွၤအအိၣ်တဂ့ၤ. ယွၤသးဟ့တၢ်အံၤလီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

၁ ပ့းတရူး 1:19

မ့မ့ၢ်, မ့ၢ်တၢ်လုၢ်ထီၣ်ခရံာ်ဒ်အမ့ၢ်တၢ်လုၢ်ဒိၣ်ပှ့ၤဒိၣ်လၢအလီၤ ဂာ်ဒီးသိဖိတဒုလၢအတသံၣ်သူမီၢ်ကျာ်ဒီးအတၢ်မဲၣ်သူမဲၣ်ဂီၤ တအိၣ်ဘၣ်အသိးန့ၣ်လီၤ.