လံာ်တၢ်ဘူၣ်ထီၣ်ဘါထီၣ် 22:16 - Sgaw Karen Common Bible

¹⁶ ခီဖျိအပျဲပှၤလၢအတကြၢးဝဲဘၣ်ဝဲတဖၣ်အီၣ်ဘၣ်တၢ်လုၢ်တၢ်ပာ်စီ ဆှံတဖၣ်န့ၣ်ဘၣ်. တၢ်အံၤကဒုးကဲထီၣ်တၢ်ကမၣ်ဒီးတၢ်စံၣ်ညီၣ်လၢပှၤလၢအအီၣ်ဘၣ် တဂၤအလိၤန့ၣ်လီၤ. ယဲဒၣ်အံၤယမ့ၢ်ယွၤဒီးယမၤစီဆှံတၢ်လုၢ်တၢ်ပာ်တဖၣ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 22:16 Iomraidhean Croise

စံးထီၣ်ပတြၢၤ 38:4

ယတၢ်ဒဲးဘးလုၣ်ဘၢကွံာ်ယၤ ဒီးမ့ၢ်တၢ်ဝံတၢ်ယိးလၢအဃၢကဲၣ်ဆိးလၢ ယကယိးအီၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 28:38

စီၤအၤဟရိၣ်ကဘၣ်ဖၢၣ်ထီၣ်အီၤဖဲအခိၣ်တိသၣ်ဒ်သိးယၤ, ယွၤကတူၢ်လိာ်တၢ်လုၢ်ထီၣ်မၤဘူၣ်ခဲလၢာ်လၢပှၤအံၣ်စရ့လးဖိ တဖၣ်ပာ်စီဆှံထီၣ်အီၤဆူယအိၣ်, ဖဲပှၤဂီၢ်မုၢ်မၤတ့ၢ်တၢ်ကမူၤ ကမၣ်တနီၤနီၤလၢအတၢ်လုၢ်ထီၣ်ပာ်ထီၣ်အပူၤဒၣ်လဲာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:17

“ဘၣ်မနုၤလၢသုတအီၣ်တၢ်လုၢ်တၢ်ပျၢ်တၢ်ဒဲးဘးလၢတၢ်လီၢ်စီ ဆှံန့ၣ်လဲၣ်. တၢ်အံၤမ့ၢ်တၢ်လၢအစီဆှံဝဲဒိၣ်မးဒီးယွၤဟ့ၣ်လီၤသုဒ်သိး တၢ်ကစိာ်ကွံာ်ပှၤဂီၢ်မုၢ်အတၢ်ဒဲးဘးအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 20:8

သုဘၣ်တိၢ်န့ၢ်ယတၢ်သိၣ်တၢ်သီတဖၣ်န့ၣ်လီၤ. အဂ့ၢ်ဒ်အံၤ, ယမ့ၢ်ယွၤလၢအမၤစီဆှံသုလီၤ.

လံာ်တၢ်ဘူၣ်ထီၣ်ဘါထီၣ် 21:15

မ့တမ့ၢ်ဘၣ်န့ၣ်, အဝဲအဖိတဖၣ်လၢကြၢးမ့ၢ်တၢ်စီတၢ်ဆှံ, ကတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးလီၤ. ယမ့ၢ်ယွၤဒီးယပာ်လီၤဆီအီၤဒ်ပှၤလုၢ်တၢ်အခိၣ်အဒိၣ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 21:23

ဘၣ်ဆၣ်ဒီးမ့ၢ်လၢအအိၣ်ဒီးနီၢ်ခိက့ၢ်ဂီၤအတၢ်လီၤတူာ် လီၤကာ်အဃိဒီး, အဝဲတဘၣ်ဟဲဘူးဆူယၣ်ဘျးတဒၢစီဆှံမ့ၢ်ဂ့ၤ, တၢ်လုၢ်လီၢ်မ့ၢ်ဂ့ၤန့ၣ်ဘၣ်. အဝဲတဘၣ်မၤဘၣ်အၢတၢ်စီဆှံတဖၣ်အံၤဘၣ်. အဂ့ၢ်ဒ်အံၤ, ယမ့ၢ်ယွၤ, ဒီးယမၤစီဆှံတၢ်တဖၣ်အံၤလီၤ.”

လံာ်တၢ်ဘူၣ်ထီၣ်ဘါထီၣ် 21:8

ပှၤဂီၢ်မုၢ်ကဘၣ်ပာ်ပှၤလုၢ်တၢ်အခိၣ်ဒ်အမ့ၢ်ပှၤစီဆှံလီၤ. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်လီၤ. ယမ့ၢ်ယွၤ, ယစီဆှံယဲဒီးယမၤစီဆှံယပှၤဂီၢ်မုၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:17

ယွၤမၤလိာ်စီၤမိၤၡ့လၢကဟ့ၣ်လီၤစီၤအၤဟရိၣ်ဒီးအဖိခွါတဖၣ်, ဒီးအံၣ်စရ့လးအပှၤဂီၢ်မုၢ်လၢတၢ်သိၣ်တၢ်ဘျၢတဖၣ် ဒ်လၢလာ်အံၤအသိးန့ၣ်လီၤ. ဖဲဒၣ်ပှၤလၢပှၤအံၣ်စရ့လးဖိအကျါမ့ၢ်ဂ့ၤ, ပှၤတခီဘီမုၢ်ဖိအိၣ်လၢပှၤအံၣ်စရ့လးအကီၢ်ပူၤအကျါမ့ၢ်ဂ့ၤ, မ့ၢ်လုၢ်ထီၣ်တၢ်လုၢ်မ့ၣ်အူလၢတၢ်မၤလၢပှဲၤအတၢ်အၢၣ်လီၤအီလီၤအဂီၢ်မ့ၢ်ဂ့ၤ, လၢအတၢ်သးဆူၣ်ဒၣ်ဝဲအဃိမ့ၢ်ဂ့ၤ, ဆၣ်ဖိကီၢ်ဖိလၢအကလုၢ်ထီၣ်ဝဲန့ၣ်အနီၢ်ခိအတၢ်လီၤတူာ်လီၤကာ် တဘၣ်အိၣ်ဘၣ်.

လံာ်တၢ်ဘူၣ်ထီၣ်ဘါထီၣ် 22:9

ပှၤလုၢ်တၢ်အခိၣ်ခဲလၢာ်ကဘၣ်တိၢ်န့ၢ်တၢ်သိၣ်တၢ်ဘျၢလၢယမၤလိာ် တ့ၢ်တဖၣ်န့ၣ်လီၤ. မ့တမ့ၢ်ဘၣ်ဒီးအဝဲသ့ၣ်ကကဲထီၣ်ပှၤလၢအတၢ်ကမၣ်အိၣ်ဒီးကသံဝဲ ဒၣ်လီၤ. အဂ့ၢ်ဒ်အံၤ, မ့ၢ်လၢအဝဲသ့ၣ်တတိၢ်န့ၢ်ဘၣ်တၢ်သိၣ်တၢ်သီစီဆှံတဖၣ်အဃိလီၤ. ယဲဒၣ်အံၤယမ့ၢ်ယွၤဒီးယမၤကဆှီအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:18

ဒီးတၢ်မ့ၢ်အီၣ်အီၤလၢသၢသီတသီန့ၣ်, ယွၤတတူၢ်လိာ်ပှၤတဂၤန့ၣ်အတၢ်လုၢ်ဘၣ်. တၢ်လုၢ်န့ၣ်တဘၣ်တၢ်ပာ်အီၤဒ်တၢ်လၢအဘျုးအိၣ်အသိးန့ၣ်ဘၣ်. မ့မ့ၢ်ကဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ. ဒီးပှၤတဂၤလၢ်လၢ်လၢအအီၣ်ဘၣ်ဝဲန့ၣ်ကတူၢ်ဘၣ်အတၢ်ဒဲးဘးဒၣ်ဝဲန့ၣ်လီၤ.

လံာ်တၢ်ဂံၢ် 18:1

ယွၤစံးဘၣ်စီၤအၤဟရိၣ်, “နၤဒီးနဖိခွါတဖၣ်, ဒီးပှၤလ့ၤဝံဖိတဖၣ်ကဘၣ်တူၢ်တၢ်ဒ်အကြၢးဝဲဘၣ်ဝဲဒီးတၢ်ကမၣ် တမံၤဂ့ၤတမံၤဂ့ၤလၢအဘၣ်ထွဲဒီးတၢ်မၤတၢ်လၢယအိၣ်ယဆိးအဒဲ စီဆှံအပူၤန့ၣ်လီၤ. ဘၣ်ဆၣ်ဒီးထဲနၤဒီးနဖိခွါတဖၣ်ဧိၤန့ၣ်ကတူၢ်ဘၣ်တၢ်ဒ်အကြၢး ဝဲဘၣ်ဝဲဒီးတၢ်မၤလၢအဘၣ်ထွဲဒီးပှၤလုၢ်တၢ်အခိၣ်န့ၣ်လီၤ.

လံာ်တၢ်ဂံၢ် 18:32

ဖဲသုဟ့ၣ်ထီၣ်တၢ်နီၤဖးအဂ့ၤကတၢၢ်ဆူယွၤဝံၤတစုန့ၣ်တုၤသု အီၣ်တၢ်ဒီးတၢ်ကမၣ်တကဲထီၣ်လၢသုဂီၢ်ဘၣ်. ဘၣ်ဆၣ်ဒီးပလီၢ်သုသးလၢသုသုတမၤဘၣ်အၢတၢ်ဟ့ၣ်စီဆှံတဖၣ်လၢ ပှၤအံၣ်စရ့လးဖိတဖၣ်ဟ့ၣ်ဝဲခီဖျိတၢ်အီၣ်တၢ်ဟ့ၣ်တဖၣ်တမံၤ ဂ့ၤတမံၤဂ့ၤ, တချုးဖဲသုလုၢ်ထီၣ်ပာ်ထီၣ်ဘၣ်ဒံးတၢ်နီၤဖးအဂ့ၤ ကတၢၢ်န့ၣ်တဂ့ၤ. သုမ့ၢ်မၤဒီးသုကဘၣ်တၢ်မၤသံကွံာ်သုန့ၣ်လီၤ.”

လံာ်မးသဲ 23:17

ပှၤဟးဂီၤဖိလၢအမဲာ်ဘျီၣ်သ့ၣ်ဧၢ, တၢ်အကါဒိၣ်တက့ၢ်န့ၣ်မ့ၢ်ထူဧါ. မ့တမ့ၢ်ဘၣ်ဒီး, မ့ၢ်တၢ်လုၢ်ဟံၣ်လၢအမၤစီဆှံထူန့ၣ်လဲၣ်.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).