လံာ်တၢ်ဘူၣ်ထီၣ်ဘါထီၣ် 22:13 - Sgaw Karen Common Bible

¹³ မ့မ့ၢ်ပှၤလုၢ်တၢ်အခိၣ်အဖိမုၣ်မ့မ့ၢ်မုၣ်ကမဲမ့ၢ်ဂ့ၤ, မ့ၢ်လီၤဖှၣ်ဒီးအဝၤလၢအဖိတအိၣ်ဘၣ်နီတဂၤမ့ၢ်ဂ့ၤ, လၢအဟဲက့ၤအိၣ်လၢအပၢ်အဟံၣ်ဒီးသန့ၤသးလၢအီၤတဂၤန့ၣ် ကအီၣ်ဘၣ်တၢ်အီၣ်လၢအပၢ်ဒီးန့ၢ်ဘၣ်ဝဲဒ်ပှၤလုၢ်တၢ်အခိၣ်တဂၤ အသိးန့ၣ်လီၤ. ထဲပှၤလုၢ်တၢ်အခိၣ်အဒူၣ်ဖိထၢဖိတဖၣ်ဧိၤကအီၣ်ဘၣ်တၢ်လုၢ်စီဆှံတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:13 Iomraidhean Croise

လံာ်တၢ်ကဲထီၣ်အခီၣ်ထံး 38:11

ဒီးစီၤယူဒၤစံးဘၣ်အဒဲၣ်မုၣ်နီၢ်တၤမၢ်, “က့ၤကဒါက့ၤဆူ နပၢ်အဟံၣ်ဒီးအိၣ်ဒံးဒ်မုၣ်ကမဲတဂၤအသိးတုၤယဖိခွါစီၤၡ့ လၤဒိၣ်ထီၣ်တက့ၢ်.” အဝဲစံးတၢ်အံၤ, မ့ၢ်လၢအပျံၤဝဲဒၣ်လၢ အဖိခွါစီၤၡ့လၤကဘၣ်တၢ်မၤသံအီၤဒ်အဝဲၢ်သ့ၣ်တဖၣ်အသိးအဃိ န့ၣ်လီၤ. လၢတၢ်န့ၣ်အဃိနီၢ်တၤမၢ်က့ၤကဒါက့ၤဆူအဟံၣ်န့ၣ် လီၤ.

လံာ်စီၤဧ့စြၤ 2:63

ကီၢ်ယူဒၤအပဒိၣ်ဖးဒိၣ်တဲဘၣ်တ့ၢ်အဝဲသ့ၣ်လၢအဝဲသ့ၣ်အီၣ်တၢ် အီၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ်တသ့ဘၣ်, တချုးလၢအဝဲသ့ၣ်အိၣ်ဒံးဒီးပှၤလုၢ်တၢ်အခိၣ်တဂၤလၢအသူ အူရံၣ်ဒီးတူမံၣ်သ့န့ၣ်ဘၣ်လီၤ.

လံာ်တၢ်ဟးထီၣ်ကွံာ် 12:43

ဒီးယွၤစံးဘၣ်စီၤမိၤၡ့ဒီးစီၤအၤဟရိၣ်, “တၢ်တဖၣ်အံၤမ့ၢ်ဘူၣ်လဲၤကပာ်အကတၢ်သိၣ်တၢ်ဘျၢတဖၣ်လီၤ. ပှၤတခီဘီမုၢ်ဖိတဘၣ်အီၣ်ဘူၣ်လဲၤကပာ်အတၢ်အီၣ်နီတဂၤဘၣ်.

လံာ်တၢ်ဟးထီၣ်ကွံာ် 29:33

အဝဲသ့ၣ်ကဘၣ်အီၣ်တၢ်အီၣ်လၢဘၣ်တၢ်သူအီၤဒ်တၢ်ပျၢ်တၢ်ဒဲးဘး အတၢ်ဘူၣ်တၢ်ဘါအလုၢ်အလၢ်, ဖဲတၢ်ဖှူအဝဲသ့ၣ်အကတီၢ်န့ၣ်လီၤ. ထဲပှၤလုၢ်တၢ်အခိၣ်တဖၣ်ဧိၤ ကဘၣ်အီၣ်တၢ်အီၣ်အံၤန့ၣ်လီၤ. အဂ့ၢ်ဒ်အံၤမ့ၢ်ဝဲတၢ်စီဆှံန့ၣ်လီၤ.

လံာ်ယဃ့းစက့လး 44:8

အဝဲသ့ၣ်တဟံးန့ၢ်ဘၣ်မူဒါလၢတၢ်ဘူၣ်တၢ်ဘါအလုၢ်အလၢ်စီဆှံ တဖၣ်လၢယတၢ်လုၢ်ဟံၣ်ပူၤအဂီၢ်ဘၣ်. အခိၣ်တလိာ်အဝဲသ့ၣ် ပာ်လီၤမူဒါလၢပှၤတခီဘီမုၢ်ဖိတဖၣ်အစုပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:14

မ့မ့ၢ်နၤဒီးနပှၤဟံၣ်ဖိဃီဖိကအီၣ်ဘၣ်တၢ်အသးနါပှၢ်, ဒီးတၢ်အကံၣ်ဒုၣ်လၢအဘၣ်တၢ်လုၢ်ထီၣ်အီၤဒ်တၢ်ဟ့ၣ်လီၤဆီ ဒီးတၢ်မၤဘူၣ်လီၤဆီဆူယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ် လီၤ. သုအီၣ်အီၤသ့ဝဲလၢတၢ်လီၢ်လၢအစီအဆှံဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးတပူၤလၢ်လၢ်န့ၣ်လီၤ. တၢ်လုၢ်မၤဘူၣ်တဖၣ်အံၤဘၣ်တၢ်ဟ့ၣ်လီၤနၤဒီးနဖိနလံၤတဖၣ်ဒ်တၢ် နီၤဖးဘၣ်ဃးဒီးနၤလၢပှၤအံၣ်စရ့လးဖိတဖၣ်အတၢ်လုၢ်မၤဃူမၤဖိးအကျါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:10

ထဲပှၤလုၢ်တၢ်အခိၣ်အဒူၣ်ဖိထၢဖိတဖၣ်ဧိၤကအီၣ်ဘၣ်တၢ်လုၢ်စီဆှံတဖၣ်န့ၣ်လီၤ. မ့မ့ၢ်ပှၤအဂၤလၢအမ့ၢ်ပှၤလၢအအိၣ်ဒီးပှၤလုၢ်တၢ်အခိၣ်တဂၤဂၤမ့ၢ်ဂ့ၤ, ပှၤဘၣ်တၢ်ဒိးလဲအီၤလၢပှၤလုၢ်တၢ်အခိၣ်မ့ၢ်ဂ့ၤတဘၣ်အီၣ်ဝဲဘၣ်.

လံာ်တၢ်ဘူၣ်ထီၣ်ဘါထီၣ် 22:12

ပှၤလုၢ်တၢ်အခိၣ်အဖိမုၣ်လၢအဟံးန့ၢ်ပှၤလၢအတမ့ၢ်ဘၣ်ပှၤလုၢ်တၢ် အခိၣ်န့ၣ်တဘၣ်အီၣ်တၢ်လုၢ်စီဆှံနီတစဲးဘၣ်.

လံာ်သိၣ်လီၤသီလီၤတၢ် 24:2

အန့ၣ်တစုပစံးဒၣ်ကလိာ်ပိာ်မုၣ်န့ၣ်ဖျီအသးဒီးပိာ်ခွါအဂၤ တဂၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:7

(စီၤစီလူးအပှၤကွၢ်ဂီၤဖံးတဖၣ်အခိၣ်စီၤဒိအ့းလၢအမ့ၢ်ပှၤကီၢ်အဒိၣ်ဖိ, လဲၤတုၤဖဲန့ၣ်သတူၢ်ကလာ်လၢအနံၤဝဲန့ၣ်လီၤ. အဂ့ၢ်ဒ်အံၤ, အဝဲကဘၣ်မၤပှဲၤတၢ်ဘူၣ်တၢ်ဘါအမူအဒါအိၣ်ဝဲတမံၤလီၤ.)