လံာ်တၢ်ဘူၣ်ထီၣ်ဘါထီၣ် 21:9 - Sgaw Karen Common Bible

⁹ ဒီးပှၤလုၢ်တၢ်အခိၣ်တဂၤအဖိမုၣ်မ့ၢ်ကဲထီၣ်ဃဲသဲမုၣ်န့ၣ်ဒီးမ့ၢ်အ မၤမဲာ်ဆှးအပၢ်လီၤ. ဒီးကဘၣ်တၢ်ဆိၣ်ထီၣ်ကွံာ်အီၤလၢမ့ၣ်အူန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:9 Iomraidhean Croise

လံာ်တၢ်ကဲထီၣ်အခီၣ်ထံး 38:24

သၢလါဝံၤအလီၢ်ခံန့ၣ်, ပှၤတဂၤစံးဘၣ်စီၤယူဒၤ, “နဒဲၣ်မုၣ်နီၢ်တၤမၢ်မၤအသးဒ်ပှၤဃဲသဲမုၣ်တဂၤအသိးဒီးခဲ ကနံၣ်အံၤဒၢထီၣ်ဝဲလံ.” စီၤယူဒၤဟ့ၣ်လီၤအကလုၢ်, “ဟံးထီၣ်အီၤဒီးဒွဲၣ်သံကွံာ် အီၤလၢမ့ၣ်အူတက့ၢ်.”

လံာ်တၢ်ဟးထီၣ်ကွံာ် 31:14

သုဘၣ်ပာ်စီဆှံမုၢ်အိၣ်ဘှံးအနံၤလီၤ. အဂ့ၢ်ဒ်အံၤ, စီဆှံဝဲလီၤ. ပှၤတဂၤလၢ်လၢ်လၢအတပာ်စီဆှံအီၤ, ဒီးမၤတၢ်လၢမုၢ်တနံၤန့ၣ်, ကဘၣ်တၢ်မၤသံအီၤန့ၣ်လီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယဃ့းစက့လး 9:6

မၤသံပှၤပိာ်ခွါသးပှၢ်တဖၣ်, ပိာ်ခွါသးစၢ်တဖၣ်, ပိာ်မုၣ်သးစၢ်တဖၣ်, ပိာ်မုၣ်သးပှၢ်တဖၣ်ဒီးဖိသၣ်တဖၣ်တက့ၢ်. ဘၣ်ဆၣ်ဒီး, ထိးဘူးပှၤလၢအအိၣ်ဒီးတၢ်ပနီၣ်လၢအခိၣ်တိသၣ်အလိၤနီတဂၤတ ဂ့ၤ. စးထီၣ်မၤအီၤဖဲယတၢ်လုၢ်ဟံၣ်အံၤတက့ၢ်.” လၢတၢ်န့ၣ်အဃိဒီး, အဝဲသ့ၣ်စးထီၣ်မၤသံပှၤခိၣ်ပှၤနၢ်တဖၣ်လၢအဆၢထၢၣ် ဖဲယွၤအတၢ်လုၢ်ဟံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:29

သုတမၤဟးဂီၤသုဖိမုၣ်တဖၣ်လၢကကဲထီၣ်ဃဲသဲမုၣ်လၢတၢ်လုၢ်ဟံၣ်အပူၤတဂ့ၤ. သုမ့ၢ်မၤဒ်န့ၣ်ဒီးသုကကဲထီၣ်ပှၤဃၣ်အသးဆူကစၢ်အဂၤတဖၣ်အအိၣ် ဒီးကီၢ်အံၤကပှဲၤဒီးတၢ်အၢတၢ်သီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:14

ပှၤလၢအဟံးန့ၢ်ပိာ်မုၣ်တဂၤဒီးပိာ်မုၣ်န့ၣ်အမိၢ်ဒ်အမါအသိးန့ၣ်, မၤတ့ၢ်ဝဲတၢ်မဲာ်ဆှးလီၤ. ပှၤသၢဂၤလိာ်အံၤကဘၣ်တၢ်ဆိၣ်ကဲၤကွံာ်အီၤလၢမ့ၣ်အူဒ်သိးတၢ် အၢတၢ်သီအသုတအိၣ်လၢသုကျါတဂ့ၤလီၤ.

လံာ်မၤလကံ 2:3

ယကသိၣ်ဃီၣ်သုဖိတဖၣ်ဒီးမၤဘၣ်အၢသုမဲာ်လၢဆၣ်ဖိကီၢ် ဖိလၢသုလုၢ်ထီၣ်အအ့ၣ်, ဒီးသုကဘၣ်တၢ်စိာ်ကွံာ်သုဆူတၢ်အ့ၣ်အပူၣ်န့ၣ်လီၤ.

လံာ်သိၣ်လီၤသီလီၤတၢ် 22:21

အန့ၣ်တစု, အဝဲသ့ၣ်ကဘၣ်ကိးထီၣ်ကွံာ်အီၤလၢအဝဲအပၢ်အဟံၣ်အကျဲစၢၤ, တၢ်လီၢ်ဖဲအဝဲအဝ့ၢ်အပှၤပိာ်ခွါတဖၣ်ကဘၣ်ကွံာ်သံအီၤလၢလၢၢ် န့ၣ်လီၤ. အဝဲမၤတ့ၢ်တၢ်လီၤမဲာ်ဆှးတမံၤလၢပပှၤဂီၢ်မုၢ်အကျါ ခီဖျိမံဃုာ်အိၣ်ဃုာ်တ့ၢ်ဒီးပှၤပိာ်ခွါတချုးဒံးလၢအဝဲဒိးတ့ဒိးဖျီအသးဘၣ်, ဖဲအဝဲအိၣ်ဆိးဒံးဒၣ်လၢအပၢ်အဟံၣ်အခါအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီအံၤန့ၣ်လီၤ.

တံတူး 1:6

တၢ်အိၣ်ဖှိၣ်သးပှၢ်ကဘၣ်မ့ၢ်ပှၤလၢအတၢ်ကမၣ်တအိၣ် ဘၣ်, အမါကဘၣ်အိၣ်ဒၣ်ထဲတဂၤဧိၤ, ဒီးအဖိတဖၣ်ကဘၣ်မ့ၢ်ပှၤစူၢ်က့ၤနာ်က့ၤတၢ်ဒီးအမံၤ တဘၣ်ဟူထီၣ်သါလီၤလၢအမ့ၢ်ပှၤအအၢအသီ, မ့တမ့ၢ်တဒိကနူၤဒိကနၣ်တၢ်န့ၣ်ဘၣ်.

လံာ်စီၤယိၤၡူ 7:15

ဒီးပှၤလၢအဘၣ်တၢ်ထံၣ်န့ၢ်အီၤဃုာ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်န့ၣ်, အဝဲဒီးတၢ်အိၣ်ဒီးအီၤခဲလၢာ်ကဘၣ်တၢ်ဒွဲၣ်အူအီၤလၢမ့ၣ်အူ, မ့ၢ်လၢအဝဲလုၢ်သ့ၣ်ခါပတာ်ယွၤအ တၢ်အၢၣ်လီၤအီလီၤဒီးမၤတ့ၢ်တၢ်လီၤမဲာ်ဆှးလၢအံၣ်စရ့လး အကျါအဃိန့ၣ်လီၤ.”

လံာ်စီၤယိၤၡူ 7:25

ဒီးစီၤယိၤၡူစံးဝဲဒၣ်, “ဘၣ်မနုၤအဃိနဟဲစိာ်တၢ်ကီတၢ်ခဲလၢပဂီၢ်န့ၣ်လဲၣ်. အခဲအံၤယွၤကဟဲစိာ်တၢ်ကီတၢ်ခဲလၢနဂီၢ်န့ၣ်လီၤ.” အန့ၣ်ဒီးပှၤအံၣ်စရ့လးဖိခဲလၢာ်ကွံာ်သံအီၤလၢလၢၢ်န့ၣ်လီၤ. အဝဲသ့ၣ်ကွံာ်သံဒီးဒွဲၣ်အူထီၣ်ကွံာ်အဒူၣ်ဖိထၢဖိ ဒီးအတၢ်ဖိတၢ်လံၤခဲလၢာ်ခဲဆ့န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:17

စီၤဧ့လံၤအဖိခွါတဖၣ်အတၢ်ဒဲးဘးအံၤမ့ၢ်မးတၢ်အၢတၢ်သီဖး ဒိၣ်လၢယွၤအမဲာ်ညါလီၤ. အဂ့ၢ်ဒ်အံၤ, အဝဲသ့ၣ်မၤတၢ်လုၢ်မၤဘူၣ်တဖၣ်ဆူယွၤအအိၣ်လၢ တၢ်တယူးတယီၣ်ဘၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:34

ဖဲနဖိခွါခံဂၤ, စီၤဃၤဖနံဒီးစီၤဖံၤနဃၣ်သံဝဲလၢတနံၤ ဃီအတီၢ်ပူၤန့ၣ်, တၢ်အံၤကဒုးနဲၣ်နၤလၢတၢ်ကိးမံၤဒဲးလၢယတဲ တ့ၢ်န့ၣ်မ့ၢ်ဝဲတီဝဲအဂ့ၢ်န့ၣ်လီၤ.