လံာ်တၢ်ဘူၣ်ထီၣ်ဘါထီၣ် 21:6 - Sgaw Karen Common Bible

⁶ ဒီးကဘၣ်စီဆှံဝဲဒီးတဘၣ်မၤတရီတပါယမံၤဘၣ်. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်အဃိ ဒီးအဝဲကဘၣ်စီဆှံဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:6 Iomraidhean Croise

လံာ်စီၤဧ့စြၤ 8:28

ယစံးဘၣ်အဝဲသ့ၣ်, “သုစီဆှံလၢယွၤ, သုမိၢ်ပၢ်ဖံဖုလၢ ပျၢၤအကစၢ်ယွၤအဂီၢ်, ဒီးဒ်န့ၣ်အသိးသုတၢ်သးအိၣ်အတၢ်မၤဘူၣ်တဖၣ်လၢအမ့ၢ်ကယဲၢ်စ့ ဒီးထူအဃၢၤအဃိၢ်လၢတၢ်ဟဲစိာ်ဆူအအိၣ်တဖၣ်စ့ၢ်ကီးန့ၣ်လီၤ.

လံာ်တၢ်ဟးထီၣ်ကွံာ် 19:22

ပှၤလုၢ်တၢ်အခိၣ်တဖၣ်ဒၣ်လဲာ်လၢအဟဲဘူးဒီးယၤန့ၣ်ကဘၣ်မၤကဆှီ အသးလီၤ. မ့တမ့ၢ်ဘၣ်ဒီးယကစံၣ်ညီၣ်အဝဲသ့ၣ်လီၤ.”

လံာ်တၢ်ဟးထီၣ်ကွံာ် 28:36

ဒီးမၤတၢ်ကယၢကယဲတမံၤလၢထူစီဒီးစိးပျၤတၢ်ကွဲးအသးအလိၤ, ‘တၢ်ပာ်စီဆှံဆူယွၤ’ န့ၣ်တက့ၢ်.

လံာ်တၢ်ဟးထီၣ်ကွံာ် 29:44

ယကမၤစီဆှံယွၤအဒဲစီဆှံ, တၢ်လုၢ်လီၢ်စီဆှံ, ဒီးယကပာ်လီၤဆီ စီၤအၤဟရိၣ်ဒီးအဖိခွါတဖၣ်လၢကမၤယတၢ်မၤဒ်ပှၤလုၢ်တၢ်အခိၣ်တဖၣ်အသိးန့ၣ်လီၤ.

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်ယဃ့းစက့လး 44:7

အဝဲသ့ၣ်မၤဘၣ်အၢဘၣ်သီကွံာ်ယတၢ်လုၢ်ဟံၣ်ခီဖျိပျဲပှၤတခီဘီမုၢ် ဖိတဖၣ်လၢအတဒိးဘၣ်တၢ်ကူးတရံး, ပှၤဂီၢ်မုၢ်တဖၣ်လၢအတစူၢ် ဘၣ်ယၤလဲၤနုာ်ဆူယွၤအတၢ်လုၢ်ဟံၣ်အပူၤဖဲတၢ်လုၢ်တၢ်ပာ်တဖၣ် အသိဒီးအသွံၣ်ဘၣ်တၢ်လုၢ်ထီၣ်ဆူယအိၣ်အခါန့ၣ်လီၤ. လၢတၢ် န့ၣ်အဃိယပှၤဂီၢ်မုၢ်ဘိးဃၣ်ကွံာ်ယတၢ်အၢၣ်လီၤအီလီၤခီဖျိ တၢ်လီၤသးဘၣ်အၢအတၢ်မၤတဖၣ်လၢအဝဲသ့ၣ်မၤတ့ၢ်ဝဲခဲလၢာ် န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 18:21

ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:12

တၢ်အၢၣ်လီၤအီလီၤလၢသုမၤလၢပှဲၤအီၤတန့ၢ်န့ၣ်အၢၣ်လီၤအီ လီၤလၢယမံၤအပူၤတဂ့ၤ. တၢ်န့ၣ်မ့ၢ်တၢ်မၤမဲာ်ဆှးယမံၤန့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:3

ကယဲၢ်ပှၤတဂၤလၢ်လၢ်လၢအဟ့ၣ်လီၤအဖိတဂၤဂၤဆူကစၢ်မိလးဒီးမၤ တကဆှီယလီၢ်စီဆှံဒီးမၤဘၣ်အၢယမံၤစီဆှံန့ၣ်ယ ကထီဒါအီၤဒီးကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤ ဂီၢ်မုၢ်အကျါလၢၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:21

ပှၤလုၢ်တၢ်အခိၣ်စီၤအၤဟရိၣ်အစၢၤအသွဲၣ်လၢအအိၣ်ဒီးနီၢ်ခိ အက့ၢ်အဂီၤအတၢ်လီၤတူာ်လီၤကာ်တဖၣ်န့ၣ်တဘၣ်လုၢ်ထီၣ်တၢ်လုၢ်မ့ၣ်အူဘၣ်.

လံာ်တၢ်ဘူၣ်ထီၣ်ဘါထီၣ် 21:23

ဘၣ်ဆၣ်ဒီးမ့ၢ်လၢအအိၣ်ဒီးနီၢ်ခိက့ၢ်ဂီၤအတၢ်လီၤတူာ် လီၤကာ်အဃိဒီး, အဝဲတဘၣ်ဟဲဘူးဆူယၣ်ဘျးတဒၢစီဆှံမ့ၢ်ဂ့ၤ, တၢ်လုၢ်လီၢ်မ့ၢ်ဂ့ၤန့ၣ်ဘၣ်. အဝဲတဘၣ်မၤဘၣ်အၢတၢ်စီဆှံတဖၣ်အံၤဘၣ်. အဂ့ၢ်ဒ်အံၤ, ယမ့ၢ်ယွၤ, ဒီးယမၤစီဆှံတၢ်တဖၣ်အံၤလီၤ.”

လံာ်တၢ်ဘူၣ်ထီၣ်ဘါထီၣ် 21:8

ပှၤဂီၢ်မုၢ်ကဘၣ်ပာ်ပှၤလုၢ်တၢ်အခိၣ်ဒ်အမ့ၢ်ပှၤစီဆှံလီၤ. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်လီၤ. ယမ့ၢ်ယွၤ, ယစီဆှံယဲဒီးယမၤစီဆှံယပှၤဂီၢ်မုၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:11

ဒီးပှၤလုၢ်တၢ်အခိၣ်ကဆိၣ်ကဲၤထီၣ်ကွံာ်ခဲလၢာ်လၢတၢ်လုၢ်လီၢ် အဖီခိၣ်ဒ်တၢ်အီၣ်အတၢ်လုၢ်မၤဘူၣ်န့ၣ်လီၤ.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.