လံာ်တၢ်ဘူၣ်ထီၣ်ဘါထီၣ် 21:1 - Sgaw Karen Common Bible

¹ ဒီးယွၤမၤလိာ်စီၤမိၤၡ့လၢကတဲဘၣ်ပှၤလုၢ်တၢ်အခိၣ်တဖၣ်လၢအလီၤစၢၤလၢစီၤအၤဟရိၣ်လၢ, “ပှၤလုၢ်တၢ်အခိၣ်တဘၣ်မၤတကဆှီအသးနီတဂၤဒ်တၢ်ဘူၣ်တၢ် ဘါအလုၢ်အလၢ်အိၣ်ဝဲအသိးလၢတၢ်မၤတၢ်တမံၤမံၤဖဲအဘူး အတံၢ်တဂၤအတၢ်သံအမူးအပူၤ,

လံာ်တၢ်ဘူၣ်ထီၣ်ဘါထီၣ် 21:1 Iomraidhean Croise

လံာ်ယဃ့းစက့လး 44:25

မ့တမ့ၢ်ဘၣ်လၢတၢ်စိၣ်တခါမ့ၢ်အဝဲအမိၢ်အပၢ်မ့ၢ်ဂ့ၤ, အဖိတဖၣ် တဂၤဂၤအကျါမ့ၢ်ဂ့ၤ, အဒီပုၢ်ဝဲၢ်ခွါတဂၤဂၤမ့ၢ်ဂ့ၤ, အဒီပုၢ်ဝဲၢ်မုၣ် တဂၤဂၤလၢတဒိးတ့ဒိးဖျီဒံးဘၣ်အသးမ့ၢ်ဂ့ၤန့ၣ်, ပှၤလုၢ်တၢ်အခိၣ် တဂၤတဘၣ်ထိးဘၣ်တၢ်အစိၣ်တခါ, ဒီးမၤတကဆှီအသးဒ် တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်ဘၣ်.

လံာ်ဟိၤၡ့ 5:1

ကနၣ်တၢ်အံၤတက့ၢ်. သုဝဲပှၤလုၢ်တၢ်အခိၣ်တဖၣ်ဧၢ, ပာ်ကဲတၢ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. သုဝဲသ့ၣ်လၢအမ့ၢ်စီၤပၤအပှၤဟံၣ်ဖိဧၢ, သုကြၢးစံၣ်ညီၣ်တၢ်အိၣ်ဒီးတၢ်စံၣ်ညီၣ်တီလီၤ. လၢတၢ်န့ၣ်အဃိတၢ်စံၣ်ညီၣ်ကလီၤဘၣ်လၢသုလိၤလီၤ. သုကဲထီၣ်တ့ၢ်ပျံၤသကွီၤဖဲကီၢ်မံးစပၤ, ပှာ်တဘ့ၣ်လၢအသလၣ်လီၤအသးလၢကစၢၢ်တၤဘိၣ်အလိၤ,

လံာ်တၢ်ဘူၣ်ထီၣ်ဘါထီၣ် 19:28

သုတဂဲာ်သုညၣ်လၢပှၤသံအဃိတဂ့ၤ. ဒီးသုတဆဲးတၢ်ပနီၣ်လၢသုလိၤတဂ့ၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 21:11

ဒီးတဘၣ်လဲၤဆူတၢ်သံစိၣ်အဃၢၤမ့ၢ်ဂ့ၤ, တဘၣ်မၤဘၣ်အၢအသးလၢ အပၢ်မ့ၢ်ဂ့ၤအမိၢ်မ့ၢ်ဂ့ၤအဃိဒၣ်လဲာ်န့ၣ်ဘၣ်.

လံာ်မၤလကံ 2:1

ယွၤသ့တၢ်လၢာ်စံးဘၣ်ပှၤလုၢ်တၢ်အခိၣ်တဖၣ်, “တၢ်မၤလိာ်အံၤမ့ၢ်လၢသုဂီၢ်လီၤ.

လံာ်မၤလကံ 2:4

တုၤနုၤတစုသု, ကသ့ၣ်ညါလၢယဟ့ၣ်တ့ၢ်သုတၢ်မၤလိာ်အံၤ, ဒ်သိးယတၢ်အၢၣ်လီၤအီလီၤဒီးပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိအစၢၤအသွဲၣ်တဖၣ်အသုတဘၣ် တၢ်မၤဟးဂီၤအီၤတဂ့ၤန့ၣ်လီၤ.

လံာ်တၢ်ဂံၢ် 19:11

ပှၤတဂၤလၢ်လၢ်လၢအထိးဘၣ်တၢ်သံစိၣ်တခါန့ၣ်ကဲထီၣ်တၢ် တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးနွံသီန့ၣ်လီၤ.

လံာ်တၢ်ဂံၢ် 19:14

ပှၤတဂၤမ့ၢ်သံလၢဒဲတဖျၢၣ်အပူၤဒီး, ပှၤတဂၤလၢ်လၢ်လၢအအိၣ်လၢဒဲပူၤဖဲတၢ်သံအဆၢကတီၢ်န့ၣ်မ့ၢ်ဂ့ၤ, ပှၤလၢအဟဲနုာ်ဝဲဆူဒဲပူၤမ့ၢ်ဂ့ၤန့ၣ်ကဲထီၣ်တၢ်တကဆှီဘၣ် ဒ်တၢ်ဘူၣ်တၢ်ဘါအလုၢ်အလၢ်အသိး, နွံသီန့ၣ်လီၤ.

လံာ်တၢ်ဂံၢ် 19:16

ပှၤတဂၤဂၤမ့ၢ်ထိးဘၣ်ပှၤတဂၤလၢတၢ်မၤသံအီၤမ့ၢ်ဂ့ၤသံဒၣ်ဝဲဒ်န့ ဆၢၣ်အသိးလၢဒဲအချၢမ့ၢ်ဂ့ၤ, ပှၤတဂၤဂၤမ့ၢ်ထိးဘၣ်ပှၤကညီတဂၤအဃံမ့ တမ့ၢ်တၢ်သွၣ်ခိၣ်တခါန့ၣ်အဝဲကဲထီၣ်တၢ်တကဆှီဘၣ်နွံသီန့ၣ်လီၤ.

လံာ်တၢ်ဂံၢ် 6:6

အဝဲအခိၣ်သူမ့ၢ်တၢ်ပာ်စီဆှံထီၣ်သးဆူယွၤအအိၣ်အတၢ်ပနီၣ်, ဒီးလၢတၢ်န့ၣ်အဃိ, အဝဲဒၣ်တဘၣ်မၤကဆှီအသးခီဖျိတၢ်လဲၤဘူးဒီးတၢ်သံစိၣ်,