လံာ်တၢ်ဘူၣ်ထီၣ်ဘါထီၣ် 20:27 - Sgaw Karen Common Bible

²⁷ ဒီးကယဲၢ်ပှၤတဂၤလၢ်လၢ်, ပိာ်မုၣ်မ့ၢ်ဂ့ၤ, ပိာ်ခွါမ့ၢ်ဂ့ၤ, လၢအလဲၤဃ့တၢ်ဟ့ၣ်ကူၣ်ဟ့ၣ်ဖးလၢပှၤသံအကလၤန့ၣ်ကဘၣ်တၢ် ကွံာ်သံအီၤလၢလၢၢ်န့ၣ်လီၤ. ပှၤတဂၤလၢ်လၢ်လၢအမၤတၢ်အံၤန့ၣ်အိၣ်ဒီးတၢ်ကမၣ်လၢကြၢးဘၣ်တၢ် မၤသံအီၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 20:27 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 33:6

အဝဲလုၢ်ထီၣ်တ့ၢ်အဖိခွါတဖၣ်လၢဟံၣ်နိၣ်အတၢ်တြီၤအပူၤဒ်တၢ် လုၢ်မ့ၣ်အူတဖၣ်အသိးန့ၣ်လီၤ. အဝဲမၤတၢ်ဒ်ပှၤနာ်တၢ်ဝံတၢ်ကလၤဒီးတၢ်မၤကဒါမဲာ်ဒီးသံကွၢ် တၢ်လၢပှၤဒွးတၢ်ဟဲဝံဟဲစိာ်ဒီးပှၤအိၣ်ဒီးပှၤသံအကလၤတဖၣ် န့ၣ်လီၤ. အဝဲမၤတၢ်ဒဲးဘးဖးဒိၣ်ထီဒါယွၤဒီးထိၣ်ဂဲၤထီၣ်အတၢ်သးထီၣ် န့ၣ်လီၤ.

လံာ်တၢ်ဟးထီၣ်ကွံာ် 22:18

ပိာ်မုၣ်တဂၤလၢ်လၢ်လၢအမၤတၢ်မၤကဒါမဲာ်န့ၣ်မၤသံကွံာ်အီၤ တက့ၢ်.

လံာ်တၢ်ဘူၣ်ထီၣ်ဘါထီၣ် 19:31

လဲၤဆူပှၤမၤန့ၢ်ပှၤသံအကလၤအအိၣ်ဒီးဟံးန့ၢ်အတၢ်ကူၣ်လိာ်တဂ့ၤ. နမ့ၢ်မၤဒ်န့ၣ်ဒီးနကကဲထီၣ်တၢ်တကဆှီဘၣ်န့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:6

ဒီးကယဲၢ်ပှၤတဂၤဂၤလၢအလဲၤဃ့တၢ်ဟ့ၣ်ကူၣ်ဟ့ၣ်ဖးလၢပှၤကတိၤ တၢ်ဒီးပှၤသံအကလၤတဖၣ်န့ၣ်ယကထီဒါအီၤဒီးယ တပာ်အီၤဒ်ပှၤတဂၤလၢယပှၤဂီၢ်မုၢ်အကျါလၢၤဘၣ်.

လံာ်တၢ်ဂံၢ် 15:35

အန့ၣ်ဒီးယွၤစံးဘၣ်စီၤမိၤၡ့, “ပှၤတဂၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကမျၢၢ်အိၣ်သကိးတပူၤဃီတဖုကဘၣ်ကွံာ်သံအီၤလၢလၢၢ်ဖဲတၢ်သူၣ် ဒဲလီၢ်အချၢန့ၣ်လီၤ.”

မၤတၢ် 16:16

ဘၣ်တနံၤဖဲပလဲၤဃီၤပဝဲဆူတၢ်ထုကဖၣ်အလီၢ်န့ၣ်, ပဘၣ်တၢ်သဂၢၢ်ပှၤလၢကုၢ်ပိာ်မုၣ်သးစၢ်တဂၤလၢအအိၣ်ဒီးတၢ်နါ လၢအဒုးဖးအီၤတၢ်လၢအကမၤအသးလၢခံတဖၣ်န့ၣ်လီၤ. ခီဖျိအဝဲဒၣ်ဖးတၢ်အဃိန့ၣ်, မၤန့ၢ်စ့အါအါဂီၢ်ဂီၢ်လၢအကစၢ် တဖၣ်အဂီၢ်လီၤ.

လံာ်သိၣ်လီၤသီလီၤတၢ် 21:21

ဝံၤဒီးဝ့ၢ်အပှၤကညီတဖၣ်ကဘၣ်ကွံာ်သံအီၤလၢလၢၢ်, ဒီးသုကပူၤဖျဲးလၢတၢ်အၢတၢ်သီအံၤန့ၣ်လီၤ. ပှၤကိးဂၤဒဲးလၢကီၢ်အံၣ်စရ့လးအပူၤကနၢ်ဟူဘၣ်တၢ်မၤတ့ၢ်အသး ဒီးပျံၤတၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:3

ခဲအံၤ, စီၤၡမူၤအ့လးသံဝဲလံ. ဒီးကယဲၢ်ပှၤအံၣ်စရ့လးဖိ ခဲလၢာ်ဟီၣ်တၢ်ယၢၤတၢ်လၢအဂီၢ်ဒီးခူၣ်လီၤကွံာ်အီၤလၢအဟံၣ် အိၣ်အလီၢ်လၢဝ့ၢ်ရၤမါအပူၤလီၤ. စီၤစီလူးမၢဆူၣ်ပှၤဖးတၢ်ဟဲဝံဟဲစိာ်ဒီးပှၤကိးတၢ်အကလၤတဖၣ် လၢကဟးထီၣ်ကွံာ်လၢကီၢ်အံၣ်စရ့လးအပူၤလီၤ.