လံာ်တၢ်ဘူၣ်ထီၣ်ဘါထီၣ် 20:25 - Sgaw Karen Common Bible

²⁵ မၤသးဒ်န့ၣ်ဒီး, သုဘၣ်နီၤဖးဆၣ် ဖိကီၢ်ဖိဒီးထိၣ်ဖိလံာ်ဖိလၢအကဆှီဒီးတကဆှီဘၣ်န့ၣ်လီၤ. ဒီးသုတဘၣ်မၤဘၣ်အၢသုသးလၢဆၣ်ဖိကီၢ်ဖိဒီးထိၣ်ဖိ လံာ်ဖိလၢယပာ်လီၤဖးဒီးသုလၢအတကဆှီဘၣ်န့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 20:25 Iomraidhean Croise

လံာ်တၢ်ကဲထီၣ်အခီၣ်ထံး 1:21

မၤသးဒ်န့ၣ်ဒီးကစၢ်ယွၤတ့လီၤပီၣ်လဲၣ်အတၢ်မုၢ်ဃၢ်ဖးဒိၣ်တဖၣ်, ကယဲၢ်တၢ်ဘၣ်တ့လၢအအိၣ်လၢထံကျါဒီးကယဲၢ်ထိၣ်ဧိၤလံာ်ဧိၤတဖၣ် န့ၣ်လီၤ. ဒီးကစၢ်ယွၤအသးမုာ်သးခုဝဲလၢတၢ်လၢအထံၣ်ဝဲဘၣ်ဝဲအဃိလီၤ.

လံာ်တၢ်ဘူၣ်ထီၣ်ဘါထီၣ် 10:10

ဒီးသုကဘၣ်နီၤဖးတၢ်စီဆှံဒီးတၢ်တစီဆှံတဖၣ်, ဒီးတၢ်ကဆှီဒီးတၢ်တကဆှီတဖၣ်အဆၢဒ်တၢ်ဘူၣ် တၢ်ဘါအလုၢ်အလၢ်အိၣ်ဝဲအသိးစ့ၢ်ကီးန့ၣ်လီၤ.

မၤတၢ် 10:28

ဒီးအဝဲဒၣ်စံးဘၣ်အဝဲသ့ၣ်, “သုနီၢ်ကစၢ်ဒၣ်သုဝဲသုသ့ၣ်ညါလၢပှၤယူဒၤဖိတဂၤအတၢ် ဘူၣ်တၢ်ဘါတပျဲအီၤလၢအကလဲၤဒီးရ့လိာ်အသးဒီးပှၤကလုာ် ဂၤမ့ၢ်ဂ့ၤ, ကမၤဘၣ်ထွဲအသးဒီးအီၤမ့ၢ်ဂ့ၤန့ၣ်ဘၣ်. ဘၣ်ဆၣ်ဒီးကစၢ်ယွၤဒုးနဲၣ်တ့ၢ်ယၤလၢယတဘၣ်ပာ်ပှၤနီတဂၤလၢ အတကဆှီမ့ၢ်ဂ့ၤ, တစီတဆှံမ့ၢ်ဂ့ၤန့ၣ်ဘၣ်လီၤ.