လံာ်တၢ်ဘူၣ်ထီၣ်ဘါထီၣ် 20:17 - Sgaw Karen Common Bible

¹⁷ ပှၤလၢအဟံးန့ၢ်အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့တမ့ၢ်အမိၢ်အဖိ မုၣ်မ့ၢ်ဂ့ၤကဘၣ်တၢ်မၤမဲာ်ဆှးအီၤလၢကမျၢၢ်အမဲာ်ညါဒီးကဘၣ် တၢ်နီၣ်ဟးထီၣ်ကွံာ်အီၤလၢကမျၢၢ်အကျါန့ၣ်လီၤ. မ့ၢ်လၢအမံဃုာ်ဒီးအဒီပုၢ်ဝဲၢ်မုၣ်အဃိကဘၣ် တူၢ်အတၢ်ဒဲးဘးအဘူးအလဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:17 Iomraidhean Croise

လံာ်တၢ်ကဲထီၣ်အခီၣ်ထံး 20:12

နီၢ်စၤရါမ့ၢ်ယဒီပုၢ်ဝဲၢ်မုၣ်နီၢ်နီၢ်လီၤ. အဝဲမ့ၢ်ယပၢ်အဖိမုၣ်ဘၣ်ဆၣ်တမ့ၢ်ယမိၢ်အဖိမုၣ်န့ၣ်ဘၣ်. ဒီးယဒိးတ့ဒိးဖျီယသးဒီးအီၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:12

နီၢ်တၤမၢ်စံးဝဲဒၣ်, “တသ့ဘၣ်. မၤဆူၣ်မၤနၢၤယၤဒ်သိးယကမၤ တၢ်လီၤရၢၢ်လီၤစၢၢ်တမံၤန့ၣ်တဂ့ၤ. တၢ်န့ၣ်မ့ၢ်တၢ်ဒဲးဘးလၢအလီၤပျံၤဒိၣ်မးလီၤ.

လံာ်တၢ်ဟးထီၣ်ကွံာ် 30:33

ပှၤတဂၤလၢ်လၢ်လၢအမၤဒိးအီၤမ့ၢ်ဂ့ၤ, သူအီၤတနီၤနီၤလၢပှၤ လၢတမ့ၢ်ဘၣ်ပှၤလုၢ်တၢ်အခိၣ်အဖီခိၣ်မ့ၢ်ဂ့ၤဒီး, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤဂီၢ်မုၢ်အကျါဘၣ်န့ၣ်လီၤ.”

လံာ်ယဃ့းစက့လး 22:11

အဝဲသ့ၣ်တနီၤမၤတၢ်မၤကမၣ်မုၣ်ကမၣ်ခွါ, ဒီးအဂၤတနီၤ ကလံာ်န့ၢ်အဒဲၣ်မုၣ်ဒၣ်ဝဲမ့ၢ်ဂ့ၤအဒီပုၢ်ဝဲၢ်မုၣ်လၢအမ့ၢ်အပၢ် အဖိမုၣ်ဘၣ်ဆၣ်အမိၢ်တမ့ၢ်တဂၤဃီဒီးအဝဲအမိၢ်ဘၣ်မ့ၢ်ဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:9

နဒီပုၢ်ဝဲၢ်မုၣ်တံၢ်နီၢ်မ့တမ့ၢ်နပၢ်အဖိမုၣ်မ့ တမ့ၢ်နမိၢ်အဖိမုၣ်, နဒီပုၢ်ဝဲၢ်မုၣ်ယၢ်လၢအအိၣ်ဖျဲၣ်ထီၣ်ဒီး နၤတဟံၣ်ဃီမ့ၢ်ဂ့ၤ, လၢအအိၣ်ဖျဲၣ်လၢတၢ်လီၢ်အဂၤမ့ၢ်ဂ့ၤ န့ၣ်သုတမံဃုာ်ဒီးအီၤတဂ့ၤ.

လံာ်တၢ်ဘူၣ်ထီၣ်ဘါထီၣ် 20:16

ပိာ်မုၣ်လၢအမံဃုာ်ဒီးဆၣ်ဖိကီၢ်ဖိတဒုန့ၣ်, အဝဲဒီးဆၣ်ဖိကီၢ်ဖိ တဒုန့ၣ်ကဘၣ်တၢ်မၤသံကွံာ်အီၤန့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်တၢ်ဂံၢ် 5:31

ဝၤတဂၤကဘၣ်တၢ်ပျၢ်ဖျဲးအီၤလၢအတၢ်ကမၣ်, မ့မ့ၢ်ပိာ်မုၣ်တဂၤန့ၣ်, မ့ၢ်မၤကမၣ်တၢ်ဒီး, ကတူၢ်ဘၣ်တၢ်ဒ်အကြၢးဝဲဘၣ်ဝဲဒီးအီၤအသိးန့ၣ်လီၤ.

လံာ်သိၣ်လီၤသီလီၤတၢ် 27:22

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမံဃုာ်ဒီးအဒီပုၢ်ဝဲၢ်မုၣ်ဒၣ်ဝဲမ့ၢ်ဂ့ၤ, အဒီပုၢ်ဝဲၢ်မုၣ်လၢအမ့ၢ်အမိၢ်အဖိမုၣ်မ့တမ့ၢ်အပၢ်အဖိမုၣ်မ့ၢ် ဂ့ၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”