လံာ်တၢ်ဘူၣ်ထီၣ်ဘါထီၣ် 2:2 - Sgaw Karen Common Bible

² ဒီးဘၣ်ဟဲစိာ်အီၤဆူပှၤလုၢ်တၢ်အခိၣ်လၢအလီၤစၢၤလၢစီၤအၤဟ ရိၣ်အအိၣ်လီၤ. ပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဟံးန့ၢ်ကိၣ်ကမူၣ်တစှီၤ, ဒီးသိ, ဒီးတၢ်နၢမူခဲလၢာ်, ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်ဒ်တၢ်ပနီၣ်လၢအဘၣ် တၢ်လုၢ်ထီၣ်တ့ၢ်လံအီၤခဲလၢာ်ဆူယွၤအသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:2 Iomraidhean Croise

လံာ်စီၤနဃ့မယၤ 13:14

ယကစၢ်ယွၤဧၢ, သ့ၣ်နီၣ်ထီၣ်က့ၤကယဲၢ်တၢ်ခဲလၢာ်လၢယမၤတ့ၢ်ယဲလၢ နတၢ်လုၢ်ဟံၣ်ဒီးအတၢ်ဘူၣ်ထီၣ်ဘါထီၣ်နၤအဂီၢ်န့ၣ်တက့ၢ်.

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်တၢ်ဟးထီၣ်ကွံာ် 30:16

ထၢဖှိၣ်စ့တဖၣ်အံၤလၢကီၢ်အံၣ်စရ့လးအပှၤဂီၢ်မုၢ်အအိၣ်ဒီးသူ အီၤလၢတၢ်ကွၢ်ထွဲဒဲစီဆှံလၢယအိၣ်ယဆိးန့ၣ်အဂီၢ်တက့ၢ်. တၢ်အခိအသွဲအံၤကဘၣ်မ့ၢ်တၢ်ဟ့ၣ်တၢ်အပှ့ၤလၢအဝဲသ့ၣ်အသးသမူအဂီၢ်, ဒီးယကသ့ၣ်နီၣ်ထီၣ်လၢယကဒီဒၣ်အိၣ်ပှိၤအဝဲသ့ၣ်အဂီၢ်န့ၣ်လီၤ.”

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:13

မ့မ့ၢ်ပှၤလၢအကလုၢ်တၢ်တဂၤန့ၣ်ကဘၣ်သ့စီကွံာ်တၢ်အပှံာ်ဒီးတၢ် အခီၣ်တဖၣ်ဒီးပှၤလုၢ်တၢ်အခိၣ်ကဘၣ်ပာ်ထီၣ်တၢ်လုၢ်ဆူ ယွၤအအိၣ်ဒီးဆိၣ်ကဲၤထီၣ်အီၤခဲလၢာ်လၢတၢ်လုၢ်လီၢ်အဖီ ခိၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:17

ဒီးကဘၣ်ဖီၣ်ဝဲလၢအဒံးဆ့ဒီးဖှီသ့ၣ်ဖးအီၤဘၣ်ဆၣ်, တဘၣ်မၤတဲာ်ကွံာ်အဒံးဆ့ဘၣ်. ဒီးကဘၣ်ဆိၣ်ကဲၤထီၣ်အီၤခဲလၢာ် လၢတၢ်လုၢ်လီၢ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:9

မ့မ့ၢ်, ပှၤလၢအကလုၢ်တၢ်တဂၤန့ၣ်, ကဘၣ်သ့စီကွံာ်တၢ်အပှံာ်တဖၣ် ဒီးတၢ်အခီၣ်တဖၣ်န့ၣ်လီၤ. ဒီးပှၤလုၢ်တၢ်အခိၣ်လၢအဘၣ်မူဘၣ်ဒါတဂၤန့ၣ်, ကဆိၣ်ကဲၤထီၣ်တၢ်လုၢ်ခဲလၢာ်လၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:16

ဒီးပှၤလုၢ်တၢ်အခိၣ်ကဆိၣ်ကဲၤထီၣ်တၢ်အီၣ်တနီၤဒီးသိ, ဃုာ်ဒီးတၢ်နၢမူလီၢ်ဘၣ်ခဲလၢာ်ဒ်တၢ်သ့ၣ်နီၣ်ထီၣ်က့ၤတၢ်အဂီၢ်အသိးန့ၣ်လီၤ. တၢ်အံၤန့ၣ်မ့ၢ်တၢ်လုၢ်မ့ၣ်အူဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:9

ဒီးပှၤလုၢ်တၢ်အခိၣ်ကဟံးန့ၢ်ကိၣ်တနီၤဒ်တၢ်သ့ၣ်နီၣ်ထီၣ်က့ၤ အတၢ်လုၢ်လၢတၢ်အံၤအဂီၢ်ဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်န့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:7

နဘၣ်ပာ်လီၤတၢ်နၢမူလီၢ်ဘၣ်လၢကိၣ်တဂ့ၢ်ဘၣ်တဂ့ၢ် အဖီခိၣ်ဒ်အမ့ၢ်တၢ်ပနီၣ်လၢတၢ်အီၣ်အတၢ်လုၢ်ဆူယွၤအအိၣ်လၢကိၣ်တဖၣ်အလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:31

ဒီးတၢ်အသိခဲလၢာ်န့ၣ်ကဘၣ်ဟံးထီၣ်ကွံာ်ဝဲဒ်ဆၣ်ဖိကီၢ်ဖိတဖၣ် လၢအဘၣ်တၢ်မၤသံကွံာ်အီၤလၢတၢ်လုၢ်မၤဘူၣ်တၢ်မၤဃူမၤဖိးတၢ် အဂီၢ်အသိဘၣ်တၢ်ဟံးန့ၢ်အီၤအသိးဒီးကဘၣ်ဆိၣ်ကဲၤထီၣ်အီၤလၢ တၢ်လုၢ်လီၢ်အဖီခိၣ်ဒ်တၢ်နၢမူမၤမုာ်ယွၤအသးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤတဂၤ န့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 5:11

ဘၣ်ဆၣ်ဒီးလုၢ်ထီၣ်ဝဲထိၣ်လွံၢ်ဘုၣ်ခံဘ့ၣ်မ့ၢ်ဂ့ၤ, ထိၣ်ကးက့ၣ်ခံဘ့ၣ်မ့ၢ်ဂ့ၤမ့ၢ်တန့ၢ်ဘၣ်ဒီးကဘၣ်ဟဲစိာ်ဝဲကိၣ် ကမူၣ်လၢအဂ့ၤတအ့ဖးဆံဆဲၣ်ပူတပူလၢတၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်လီၤ. တဘၣ်ဒၢနုာ်ဝဲသိမ့ၢ်ဂ့ၤ, တၢ်နၢမူမ့ၢ်ဂ့ၤဘၣ်, မ့ၢ်လၢအမ့ၢ်တၢ်လုၢ်တၢ်ပျၢ်တၢ်ဒဲးဘးဒီးတမ့ၢ်တၢ်လုၢ်ဘုဧိၤ ဟုဧိၤအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:12

ဒီးကဘၣ်ဟဲစိာ်ဝဲဆူပှၤလုၢ်တၢ်အခိၣ်အအိၣ်လၢအကဟံးန့ၢ်ကိၣ် တစှီၤဒ်တၢ်ပနီၣ်လၢအဘၣ်တၢ်လုၢ်ထီၣ်တ့ၢ်လံအီၤခဲလၢာ်ဆူယွၤ အသိးဒီးဆိၣ်ကဲၤထီၣ်အီၤလၢတၢ်လုၢ်လီၢ်အဖီခိၣ်န့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ဒဲးဘးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:15

ဒီးအဝဲကဘၣ်ဟံးန့ၢ်ကိၣ်ကမူၣ်တစှီၤဒီးသိ, ဒီးတၢ်နၢမူအိၣ်လၢအလိၤဒီးဆိၣ်ကဲၤထီၣ်အီၤလၢတၢ်လုၢ်လီၢ် အဖီခိၣ်ဒ်တၢ်ပနီၣ်လၢအဘၣ်တၢ်လုၢ်ထီၣ်တ့ၢ်လံအီၤခဲလၢာ်ဆူယွၤ အသိးန့ၣ်လီၤ. တၢ်လုၢ်အတၢ်နၢမူအံၤမၤမုာ်ယွၤအသးန့ၣ်လီၤ.

လံာ်တၢ်ဂံၢ် 5:18

ဒီးအဝဲကဘ့ၣ်လီၤပိာ်မုၣ်န့ၣ်အခိၣ်သူဒီးဒၢနုာ်လီၤတၢ်လုၢ် မၤဘူၣ်အကိၣ်ကမူၣ်န့ၣ်ဆူပိာ်မုၣ်အစုပူၤန့ၣ်လီၤ. ပှၤလုၢ်တၢ်အခိၣ်န့ၣ်ကဘၣ်ဟံးဃးလီခီလၢတၢ်ဒၢနုာ်ဃးတၢ်ခၣ်ထံ လၢအဟဲစိာ်တၢ်ဆိၣ်အၢတမံၤလၢအစုပူၤလီၤ.

လံာ်တၢ်ဂံၢ် 5:26

ဝံၤဒီးပှၤလုၢ်တၢ်အခိၣ်ကဟံးထီၣ်ကိၣ်ကမူၣ်တစှီၤဒ်တၢ်လုၢ်တၢ် ပာ်အပနီၣ်တမံၤဒီးဆိၣ်ကဲၤအီၤလၢတၢ်လုၢ်လီၢ်အဖီခိၣ်န့ၣ်လီၤ. လၢခံကတၢၢ်အဝဲကမၢပိာ်မုၣ်အီထံန့ၣ်လီၤ.

မၤတၢ် 10:4

အဝဲဒၣ်ကွၢ်ထံကလူးလၢတၢ်ပျံၤတၢ်ဖုးအပူၤဒီးစံးဝဲ, “ကစၢ်ဧၢ, မ့ၢ်မနုၤလဲၣ်.” ကလူးစံးဆၢတၢ်ဒီးစံးဝဲ, “ကစၢ်ယွၤတူၢ်လိာ်လံနတၢ်ထုကဖၣ်ဒီးနတၢ်ဟ့ၣ်သးကညီၤ တၢ်တဖၣ်, ဒီးကစံးဆၢက့ၤနၤလီၤ.