လံာ်တၢ်ဘူၣ်ထီၣ်ဘါထီၣ် 2:14 - Sgaw Karen Common Bible

¹⁴ ဒီးပှၤမ့ၢ်ဟဲစိာ်တၤသၣ်ဆိအတၢ်လုၢ်မၤဘူၣ်ဆူယွၤအအိၣ်န့ၣ် ကဘၣ်ဟဲစိာ်ဘုဆိလၢအဘၣ်တၢ်ဝဲာ်မံအီၤမ့တမ့ၢ်ဘၣ်တၢ်တိၢ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:14 Iomraidhean Croise

လံာ်တၢ်ကဲထီၣ်အခီၣ်ထံး 4:3

လၢခံတယံာ်ဘၣ်ဒီးစီၤကၤယံၣ်ဟဲစိာ်အဘုဧိၤဟုဧိၤတနီၤဒီး ဟ့ၣ်ထီၣ်တၢ်န့ၣ်ဒ်တၢ်လုၢ်တၢ်ပာ်တမံၤအသိးဆူယွၤအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:42

မၤကဒီးအဂၤတဘျီန့ၣ်, ပှၤတဂၤဟဲဝဲလၢဘဧၤလးၡလံၡၤ, ဟဲစိာ်န့ၢ်စီၤအလံၤၡါလၢကိၣ်အလိၣ်ခံဆံ, လၢအဘၣ်တၢ်မၤအီၤလၢဘုမုယီၤလၢတၢ်ကူးအီၤအဆိကတၢၢ်ဖဲနံၣ် အဝဲန့ၣ်ဒီးဘုစဲၤလၢတၢ်ကူးအီၤသီသီတနီၤန့ၣ်လီၤ. စီၤအလံၤၡါတဲဘၣ်အခ့အပှၤလၢကဒုးအီၣ်ဝံတဖုအံၤလၢတၢ်သ့ၣ် တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:15

ဒီးကဘၣ်လူလီၤသ့ၣ်စၤယံးအသိ, ဒီးပာ်တၢ်နၢမူလီၢ်ဘၣ်လၢအလိၤလီၤ. ဒီးတၢ်အံၤမ့ၢ်တၢ်လုၢ်မၤဘူၣ်ဘုဧိၤဟုဧိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:16

ဒီးပှၤလုၢ်တၢ်အခိၣ်ကဆိၣ်ကဲၤထီၣ်တၢ်အီၣ်တနီၤဒီးသိ, ဃုာ်ဒီးတၢ်နၢမူလီၢ်ဘၣ်ခဲလၢာ်ဒ်တၢ်သ့ၣ်နီၣ်ထီၣ်က့ၤတၢ်အဂီၢ်အသိးန့ၣ်လီၤ. တၢ်အံၤန့ၣ်မ့ၢ်တၢ်လုၢ်မ့ၣ်အူဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:29

ဒီးတုၤသုလုၢ်ထီၣ်တၢ်လုၢ်စံးထီၣ်ပတြၢၤဆူယွၤအအိၣ်န့ၣ်, မၤအီၤဒ်တၢ်မၤလိာ်အသိးလၢသုကဘၣ်တၢ်တူၢ်လိာ်သုအဂီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 23:13

ဃုာ်ဒီးတၢ်န့ၣ်သုကဘၣ်လုၢ်ထီၣ်ကိၣ်ကမူၣ်အဃၢလီၤတယၢၢ် ခံအ့စရိၣ်ဃါဃုာ်ဒီးသ့ၣ်စၤယံးအသိးဒ်တၢ်လုၢ်တၢ်မၤဘူၣ်ကိၣ်တမံၤ, တၢ်နၢမူလၢအဘၣ်ယွၤအသးန့ၣ်လီၤ. သုကဘၣ်လုၢ်ထီၣ်ဃုာ်စပံးထံတဟံၣ်လွံၢ်ပူတပူန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:20

ပှၤလုၢ်တၢ်အခိၣ်ကဘၣ်လုၢ်ထီၣ်ကိၣ်ဃုာ်ဒီး သိဖိခံဒုဒ်တၢ်လုၢ်လီၤဆီဆူယွၤအအိၣ်လၢပှၤလုၢ်တၢ်အခိၣ်တဖၣ်အဂီၢ်န့ၣ်လီၤ. တၢ်လုၢ်တဖၣ်အံၤစီဆှံဝဲလီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

လံာ်သိၣ်လီၤသီလီၤတၢ် 26:2

သုဝဲကိးဂၤဒဲးသုကဘၣ်ဒၢနုာ်သုတၤသူတၤသၣ်လၢသုထၢဖှိၣ် က့ၤအီၤအခီၣ်ထံးတပူန့ၣ်ဆူနာ်တဖျၢၣ်အပူၤဒီးလဲၤစိာ်အီၤဆူ တၢ်ဘူၣ်ထီၣ်ဘါထီၣ်အလီၢ်တတီၤန့ၣ်လီၤ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.