လံာ်တၢ်ဘူၣ်ထီၣ်ဘါထီၣ် 2:13 - Sgaw Karen Common Bible

¹³ ဒီးတၢ်လုၢ်မၤဘူၣ်ခဲလၢာ်န့ၣ်ကဘၣ်ပာ်ဃုာ်ဒီးအံသၣ်န့ၣ်လီၤ. အဂ့ၢ်ဒ်အံၤ, အံသၣ်မ့ၢ်တၢ်အၢၣ်လီၤအီလီၤလၢယွၤမၤဒီးသုအဃိန့ၣ်လီၤ. တၢ်လုၢ်မၤဘူၣ်ခဲလၢာ်ကဘၣ်ပၣ်ဃုာ်ဒီးအံသၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:13 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 13:5

မ့ၢ်သုတသ့ၣ်ညါလၢယွၤ, အံၣ်စရ့လးအကစၢ်ယွၤ, မၤတ့ၢ်တၢ်အၢၣ်လီၤအီလီၤလၢတၢ်မၤဟးဂီၤအီၤတန့ၢ်ဘၣ်တမံၤဒီးစီၤဒၤဝံး, ဒီးဟ့ၣ်လီၤအီၤဒီးအစၢၤအသွဲၣ်တဖၣ်လၢစီၤပၤအလီၢ်အလၤ, လၢအံၣ်စရ့လးအဖီခိၣ်လီၤစိၤလီၤထီန့ၣ်ဘၣ်ဧါ.

လံာ်စီၤဧ့စြၤ 7:22

အအါကတၢၢ်တုၤလၢစ့လီၤတယၢၢ်အကံကၢ်တကယၤ, ဘုကၠူၣ်အကိၢ်ယဲၢ်ကယၤ, စပံးထံအဘၤသၤတကယၤ, သ့ၣ်စၤယံးအသိအဘၤသၤတကယၤဒီးအံသၣ်ဒ်အလိၣ်ဘၣ်ဝဲအသိးလီၤ.

လံာ်တၢ်ဟးထီၣ်ကွံာ် 30:35

သူအီၤလၢနကမၤကဲထီၣ်တၢ်နၢမူ, ဃါဃုာ်အသးဒ်ဒီးသိနၢမူ အသိးန့ၣ်တက့ၢ်. ဒၢနုာ်ဃုာ်အံသၣ်လၢတၢ်ပာ်ကဆှီဒီးပာ်စီဆှံအီၤအဂီၢ်တက့ၢ်.

လံာ်ယဃ့းစက့လး 43:24

ဒီးဟဲစိာ်အီၤဆူယအိၣ်တက့ၢ်. ပှၤလုၢ်တၢ်အခိၣ်တဖၣ်ကဖှံလီၤ အံသၣ်လၢအဝဲသ့ၣ်အဖီခိၣ်ဒီးဆိၣ်ကဲၤထီၣ်အီၤဒ်တၢ်လုၢ်တၢ်ပာ် တမံၤအသိးဆူယအိၣ်န့ၣ်လီၤ.

လံာ်တၢ်ဂံၢ် 18:19

ကယဲၢ်တၢ်မၤဘူၣ်လီၤဆီလၢပှၤအံၣ်စရ့လးဖိတဖၣ်ဟ့ၣ်ထီၣ်ဆူ ယအိၣ်န့ၣ်ယဟ့ၣ်လီၤနၤ, နဖိခွါတဖၣ်ဒီးနဖိမုၣ်တဖၣ်အစိၤစိၤ အဃၣ်ဃၣ်လီၤ. တၢ်အံၤမ့ၢ်တၢ်အၢၣ်လီၤအီလီၤတမံၤလၢ တၢ်မၤဟးဂီၤကွံာ်အီၤတသ့ဘၣ်လၢယမၤတ့ၢ်ဒီးနစၢၤနသွဲၣ်တဖၣ် န့ၣ်လီၤ.”

လံာ်မးသဲ 5:13

သုဝဲသ့ၣ်အံၤ သုမ့ၢ်ဒ်အံသၣ်အသိးလၢပှၤဟီၣ်ခိၣ်ဖိခဲလၢာ်အဂီၢ်လီၤ. ဘၣ်ဆၣ်ဒီး အံသၣ်မ့ၢ်တဟီလၢၤဘၣ်ဒီးတၢ်မၤဟီထီၣ်က့ၤအီၤတသ့ဘၣ်. အဘျုးတအိၣ်လၢၤဘၣ်ဒီးဂ့ၤဒၣ်ထဲလၢကဘၣ်တၢ်စူးကွံာ် အီၤလၢကျဲခိၣ်ကျဲလိၤဒီးဘၣ်တၢ်ယီၢ်အီၤခါအီၤအဂီၢ်လီၤ.

ကလီးစဲ 4:6

သုတၢ်စံးတၢ်ကတိၤန့ၣ်, မ်အကမ့ၢ်တၢ်လၢအမုာ်ဝဲဒီးထုးန့ၢ် ပှၤအသးဒီးသုကြၢးသ့ၣ်ညါစံးဆၢက့ၤပှၤကိးဂၤဒဲးသ့သ့ ဘၣ်ဘၣ်န့ၣ်လီၤ.