လံာ်တၢ်ဘူၣ်ထီၣ်ဘါထီၣ် 2:10 - Sgaw Karen Common Bible

¹⁰ ဒီးတၢ်အိၣ်လီၤတဲာ်လၢတၢ်လုၢ်မၤဘူၣ်န့ၣ်ဘၣ်ဃးဒီးပှၤလုၢ်တၢ် အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီတၢ်ဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤဆူယွၤ အအိၣ်အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:10 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:14

ပှၤလ့ၤဝံဖိတဂၤလၢအမ့ၢ်စီၤယံးမနၤအဖိခွါစီၤကိၤရ့, ပှၤပၢၤတၢ်အခိၣ်အဒိၣ်ကတၢၢ်လၢယွၤအတၢ်လုၢ်ဟံၣ်အတြဲၤမုၢ်ထီၣ် တကပၤန့ၣ်, ဘၣ်ကွၢ်ထွဲတၢ်တူၢ်လိာ်တၢ်ဟ့ၣ်တဖၣ်လၢတၢ် လုၢ်ထီၣ်အီၤဆူယွၤဒီးနီၤဟ့ၣ်လီၤတၢ်ဟ့ၣ်တဖၣ်န့ၣ်စ့ၢ်ကီးလီၤ.

လံာ်စီၤဧ့စြၤ 2:63

ကီၢ်ယူဒၤအပဒိၣ်ဖးဒိၣ်တဲဘၣ်တ့ၢ်အဝဲသ့ၣ်လၢအဝဲသ့ၣ်အီၣ်တၢ် အီၣ်လၢအဘၣ်တၢ်လုၢ်ထီၣ်အီၤဆူကစၢ်ယွၤအအိၣ်တသ့ဘၣ်, တချုးလၢအဝဲသ့ၣ်အိၣ်ဒံးဒီးပှၤလုၢ်တၢ်အခိၣ်တဂၤလၢအသူ အူရံၣ်ဒီးတူမံၣ်သ့န့ၣ်ဘၣ်လီၤ.

လံာ်ယဃ့းစက့လး 44:29

တၢ်လုၢ်ဘုဧိၤဟုဧိၤ, တၢ်လုၢ်တၢ်ဒဲးဘးဒီးတၢ်လုၢ်တၢ်ကမၣ်တဖၣ်က မ့ၢ်ပှၤလုၢ်တၢ်အခိၣ်တဖၣ်အတၢ်အီၣ်ဒီးအဝဲသ့ၣ်ကဒိးန့ၢ် ဘၣ်တၢ်ခဲလၢာ်လၢကီၢ်အံၣ်စရ့လးအပူၤလၢတၢ်ပာ်လီၤဆီအီၤလၢ ယဂီၢ်န့ၣ်လီၤ.

လံာ်ယဃ့းစက့လး 46:20

ဒီးစံးဝဲဒၣ်, “အအံၤမ့ၢ်တၢ်လီၢ်လၢပှၤလုၢ်တၢ်အခိၣ်တဖၣ်ကဘၣ်ချီတၢ် ညၣ်လၢအဘၣ်တၢ်လုၢ်ထီၣ်အီၤဒ်တၢ်လုၢ်တၢ်ပာ်တဖၣ် အသိးလၢတၢ်လုၢ်တၢ်ကမၣ်အဂီၢ်မ့ၢ်ဂ့ၤ, တၢ်လုၢ်တၢ်ဒဲးဘး အဂီၢ်မ့ၢ်ဂ့ၤ, ဒီးလၢကကုၢ်တၢ်လုၢ်မၤဘူၣ်ကိၣ်ကမူၣ်အဂီၢ်, မ့ၢ်ဒ်သိးတၢ်လၢအစီဆှံတမံၤလၢ်လၢ်န့ၣ်သုတဘၣ်တၢ်စိာ်ထီၣ်အီၤ ဆူတၢ်လုၢ်ဟံၣ်အဂၢၤလၢတၢ်ချၢနီတမံၤဖဲအကမၤဆါပှၤဂီၢ်မုၢ် န့ၣ်တဂ့ၤ.”

လံာ်တၢ်ဘူၣ်ထီၣ်ဘါထီၣ် 10:12

ဒီးစီၤမိၤၡ့စံးဘၣ်စီၤအၤဟရိၣ်ဒီးအဖိခွါအိၣ်လီၤတဲာ်ခံဂၤလၢ အမ့ၢ်စီၤအလၤဧစၢ်ဒီးစီၤအံသမၢ်, “ဟံးန့ၢ်တၢ်လုၢ်ဘုဧိၤဟုဧိၤလၢအအိၣ်လီၤတဲာ်လၢတၢ်လုၢ်မၤ ဘူၣ်တၢ်အီၣ်ဆူယွၤအအိၣ်ဒီးမၤကိၣ်လၢကိၣ်မံၣ်တအိၣ်ဘၣ်. ဒီးအီၣ်အီဖဲတၢ်လုၢ်လီၢ်အကပၤန့ၣ်တက့ၢ်. မ့ၢ်လၢတၢ်လုၢ်အံၤစီဆှံဝဲဒိၣ်မးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:13

ဒီးကဘၣ်မၤသံသိဖါတဒုန့ၣ်လၢတၢ်လီၢ်စီဆှံဖဲတၢ်မၤသံဆၣ်ဖိ ကီၢ်ဖိလၢတၢ်ပျၢ်တၢ်ဒဲးဘးအဂီၢ်ဒီးတၢ်လုၢ်မ့ၣ်အူအဂီၢ် န့ၣ်လီၤ. ကဘၣ်မၤဝဲတၢ်အံၤန့ၣ်မ့ၢ်လၢတၢ်ဟ့ၣ်ဆၢက့ၤတၢ်လုၢ်တၢ်ပျၢ်တၢ် ကမၣ်န့ၣ်, ဘၣ်ဃးဒီးပှၤလုၢ်တၢ်အခိၣ်ဒီးမ့ၢ်တၢ်စီဆှံဒိၣ်မးဒ်တၢ်လုၢ် တၢ်ပျၢ်တၢ်ဒဲးဘးအသိးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 2:3

တၢ်အိၣ်လီၤတဲာ်လၢတၢ်လုၢ်ဘုဧိၤဟုဧိၤန့ၣ်ဘၣ်ဃးဒီးပှၤလုၢ် တၢ်အခိၣ်တဖၣ်န့ၣ်လီၤ. ဒီးတၢ်န့ၣ်မ့ၢ်တၢ်စီဆှံကတၢၢ်, မ့ၢ်လၢအဘၣ်တၢ်ဟံးန့ၢ်အီၤလၢတၢ်အီၣ်လၢအဘၣ်တၢ်လုၢ်အီၤအကျါ အဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:22

ဒီးအဝဲကအီၣ်ဘၣ်တၢ်အီၣ်လၢအဘၣ်တၢ်လုၢ်ထီၣ်အီၤဆူယအိၣ်, တၢ်အီၣ်လၢအစီအဆှံဒီးအစီဆှံကတၢၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 5:13

ပှၤလုၢ်တၢ်အခိၣ်ကလုၢ်ထီၣ်တၢ်ဒ်သိးအံၤလၢတၢ်လုၢ်တၢ်ပျၢ်တၢ်ဒဲး ဘးလၢပှၤတဂၤအံၤအတၢ်ဒဲးဘးအဂီၢ်, ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤန့ၣ်လီၤ. ဒီးကိၣ်ကမူၣ်လၢအအိၣ်လီၤတဲာ်န့ၣ်မ့ၢ်ပှၤလုၢ်တၢ်အခိၣ်အတၢ်ဒ်တၢ် အိၣ်လီၤတဲာ်လၢတၢ်လုၢ်ဘုဧိၤဟုဧိၤအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:16

ဒီးတၢ်အိၣ်လီၤတဲာ်တဖၣ်န့ၣ်ပှၤလုၢ်တၢ်အခိၣ်တဖၣ်ကအီၣ်ဝဲလီၤ. ကဘၣ်ကုၢ်ဝဲကိၣ်လၢတအိၣ်ဘၣ်ဒီးကိၣ်မံၣ်ဒီးကဘၣ်အီၣ်ဝဲလၢတၢ် လီၢ်စီဆှံ, လၢအမ့ၢ်တၢ်ဘူၣ်ထီၣ်ဘါထီၣ်ယွၤအဒဲအဂၢၤပူၤလီၤ.

လံာ်တၢ်ဘူၣ်ထီၣ်ဘါထီၣ် 6:23

တၢ်လုၢ်ဘုဧိၤဟုဧိၤလၢပှၤလုၢ်တၢ်အခိၣ်လုၢ်ထီၣ်ဝဲန့ၣ်တၢ်တဘၣ် အီၣ်အီၤဘၣ်. ဒီးကဘၣ်တၢ်ဆူးကဲၤကွံာ်အီၤခဲလၢာ်လီၤ.

လံာ်တၢ်ဘူၣ်ထီၣ်ဘါထီၣ် 7:7

တၢ်သိၣ်တၢ်ဘျၢအိၣ်ဝဲတဘီလၢတၢ်လုၢ်တၢ်ပျၢ်တၢ်ဒဲးဘးဒီးတၢ် ဟ့ၣ်ဆၢက့ၤအတၢ်လုၢ်တၢ်ပျၢ်တၢ်ကမၣ်အဂီၢ်န့ၣ်, မ့ၢ်ဝဲတၢ်အညၣ်န့ၣ်ဘၣ်ဃးဒီးပှၤလုၢ်တၢ်အခိၣ်လၢအလုၢ်ထီၣ်ပာ် ထီၣ်တၢ်န့ၣ်လီၤ.

လံာ်တၢ်ဂံၢ် 18:9

လၢတၢ်လုၢ်စီဆှံကတၢၢ်တဖၣ်လၢတၢ်တဆိၣ်ကဲၤဘၣ်အီၤလၢတၢ်လုၢ် လီၢ်အဖီခိၣ်အကျါန့ၣ်, တၢ်လၢလာ်တဖၣ်အံၤဘၣ်ဃးဒီးနၤလီၤ. တၢ်လုၢ်ဘုဧိၤဟုဧိၤတဖၣ်, တၢ်လုၢ်တၢ်ပျၢ်တၢ်ဒဲးဘးတဖၣ်, ဒီးတၢ်လိးက့ၤအတၢ်လုၢ်တဖၣ်န့ၣ်လီၤ. တၢ်ကိးမံၤဒဲးလၢအဘၣ်တၢ်ဟ့ၣ်ထီၣ်ဆူ ယအိၣ်ဒ်တၢ်လုၢ်စီဆှံတဖၣ်န့ၣ်ဘၣ်ဃးဒီးနၤဒီးနဖိခွါတဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:28

လၢပှၤအံၣ်စရ့လးဖိအဒူၣ်ခဲလၢာ်အကျါန့ၣ်, ယဃုထၢထီၣ်အဟံၣ်ဖိဃီဖိလၢကကဲထီၣ်ယပှၤလုၢ်တၢ်အခိၣ်တဖၣ်ဒီး မၤယတၢ်မၤလၢတၢ်လုၢ်လီၢ်, လၢကဆူးကဲၤတၢ်နၢမူ, ဒီးကသိးထီၣ်အ့ဖိးဒီးကူၣ်လိာ်တၢ်ဒီး ယၤအဂီၢ်လီၤ. ဒီးယဟ့ၣ်အဝဲသ့ၣ်လၢတၢ်အခွဲးအယာ်တမံၤ လၢအကမၤန့ၢ်အတၢ်နီၤဖးလၢအဂီၢ်တမံၤ လၢတၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤထီၣ်အီၤ လၢတၢ်လုၢ်လီၢ်ဖီခိၣ်အကျါန့ၣ်လီၤ.