လံာ်တၢ်ဘူၣ်ထီၣ်ဘါထီၣ် 19:9 - Sgaw Karen Common Bible

⁹ ဖဲသုကူးက့ၤသုဘုလၢစံာ် ပျီပူၤန့ၣ်သုတဘၣ်ကူးတုၤလၢအသနၢၣ်န့ၣ်ဘၣ်. ဒီးသုတဘၣ်က့ၤကဒါက့ၤဆူသုလီၢ်ခံဒီးကူးက့ၤဘုစဲၤလၢ အအိၣ်လီၤတဲာ်တဖၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 19:9 Iomraidhean Croise

လံာ်တၢ်ဘူၣ်ထီၣ်ဘါထီၣ် 19:10

ဒဲးစပံးသၣ်လၢသုစပံးလီၢ်တုၤအလၢာ်တဂ့ၤ. ထၢထီၣ်စပံးသၣ်လၢအလီၤဆှုတဖၣ်လၢသုစပံးလီၢ်ပူၤတုၤ အလၢာ်တဂ့ၤ. သုကဘၣ်ပာ်တီၢ်အီၤလၢပှၤဖှီၣ်ဖိယာ်ဖိဒီးပှၤတ ခီဘီမုၢ်ဖိတဖၣ်အဂီၢ်န့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:8

ပှၤတဂၤလၢ်လၢ်လၢအအီၣ်တၢ်ဖံးတၢ်ညၣ်လၢအအိၣ်လီၤတဲာ်န့ၣ်မ့ၢ် အမၤဘၣ်အၢတၢ်လုၢ်စီဆှံလၢအဘၣ်တၢ်လုၢ်ထီၣ်အီၤဆူယွၤအအိၣ်, ဒီးအဝဲဒၣ်တဘၣ်တၢ်ပာ်လၢၤအီၤဒ် ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:22

ဖဲသုကူးဘုအကတီၢ်န့ၣ်ကူးအီၤတုၤလၢသုစံၣ်အသနၢၣ်တဖၣ် န့ၣ်တဂ့ၤ. ဒီးက့ၤကဒါက့ၤလၢတၢ်ကူးက့ၤဘုစဲၤအိၣ်လီၤတဲာ်တဖၣ်အဂီၢ်န့ၣ်တဂ့ၤ. ပာ်လီၤတဲာ်အီၤလၢပှၤဖှီၣ်ဖိယာ်ဖိဒီးပှၤတခီဘီမုၢ်ဖိတဖၣ်အဂီၢ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:29

ကယဲၢ်ပှၤတဂၤလၢ်လၢ်လၢအအီၣ်တၢ်တမံၤလၢ်လၢ်လၢမုၢ်နံၤအဝဲန့ၣ် န့ၣ်, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢကစၢ်ယွၤအပှၤဂီၢ်မုၢ် အကျါလၢၤဘၣ်န့ၣ်လီၤ.

လံာ်နီၢ်ရူၤသး 2:15

တုၤအဝဲဂဲၤထၢၣ်ဒီးလဲၤဝဲဒ်သိးအကထၢဖှိၣ်ဘုစဲၤတဖၣ်န့ၣ်, စီၤဘိၤဧးမၤလိာ်အခ့အပှၤတဖၣ်ဒီးစံးဝဲ, “ပျဲအထၢဖှိၣ်ဘု အစဲၤတဖၣ်လၢဘုကဒိၣ်အကျါဒၣ်လဲာ်ဒီးဒုၣ်ဒွဲၣ်အီၤတဂ့ၤ.

လံာ်နီၢ်ရူၤသး 2:2

ပှၤမိၤအးမုၣ်ဖိနီၢ်ရူၤသးစံးဘၣ်နီၢ်နၤဧမံ, “ပျဲယလဲၤဆူစံာ်ပျီတဖၣ်အပူၤဒ်သိးယကထၢဖှိၣ်ဘုအစဲၤတဖၣ် လၢပှၤကူးဘုတဖၣ်ပာ်လီၤတဲာ်န့ၣ်တက့ၢ်. ယနာ်လၢယကထံၣ်န့ၢ်ပှၤတဂၤဂၤလၢအကပျဲ ယမၤတၢ်အံၤန့ၣ်လီၤ.” ဒီးနီၢ်နၤဧမံစံးဆၢဝဲ, “ယဖိမုၣ်ဧၢ, လဲၤတက့ၢ်.”

လံာ်နီၢ်ရူၤသး 2:8

တုၤနုၤတစုစီၤဘိၤဧးစံးဘၣ်နီၢ်ရူၤသး, “ပိာ်မုၣ်သးစၢ်ဧၢ, ပျဲယဟ့ၣ်ကူၣ်နၤဒ်အံၤ, လဲၤထၢဖှိၣ်ဘုစဲၤလၢစံာ်ပျီအဂၤအပူၤန့ၣ်တဂ့ၤ. မ့မ့ၢ်မၤဒၣ်တၢ်ဒီးပိာ်မုၣ်ဖဲအံၤတဖၣ်န့ၣ်တက့ၢ်.