လံာ်တၢ်ဘူၣ်ထီၣ်ဘါထီၣ် 19:7 - Sgaw Karen Common Bible

⁷ အဂ့ၢ်ဒ်အံၤ, မ့ၢ်တၢ်တကဆှီဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိး, ဒီးပှၤတဂၤလၢ်လၢ်မ့ၢ်အီၣ်ဘၣ်အီၤန့ၣ်, ယတတူၢ်လိာ်အတၢ်လုၢ်မၤဘူၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 19:7 Iomraidhean Croise

လံာ်ယၡါယၤ 1:13

သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.

လံာ်ယၡါယၤ 65:4

လၢမုၢ်နၤခီအဆၢကတီၢ်န့ၣ်အဝဲသ့ၣ်လဲၤဆူလၢၢ်ကအိပူၤတဖၣ် ဒီးတၢ်သွၣ်ခိၣ်ပူၤတဖၣ်ဒ်သိးကဃ့တၢ်ဟ့ၣ်ကူၣ်လၢပှၤသံအကလၤ တဖၣ်အအိၣ်န့ၣ်လီၤ. အဝဲသ့ၣ်အီၣ်ထိးညၣ်, ဒီးအီကသူထံလၢအဘၣ်တၢ်ဖီအီၤလၢ တၢ်ညၣ်လၢအဘၣ်တၢ်လုၢ်ထီၣ်တ့ၢ်အီၤလၢပှၤတစူၢ်တနာ်ယွၤ အတၢ်လုၢ်တၢ်ပာ်တဖၣ်အပူၤန့ၣ်လီၤ.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 19:6

ဆၣ်ဖိကီၢ်ဖိလၢအဘၣ်တၢ်လုၢ်ထီၣ်အီၤ, အဖံးအညၣ်န့ၣ်ကဘၣ်တၢ်အီၣ်အီၤတနံၤဃီလၢအဘၣ် တၢ်မၤသံအီၤအနံၤမ့ၢ်ဂ့ၤလၢမုၢ်ဆ့ၣ်ထီၣ်တနံၤမ့ၢ်ဂ့ၤန့ၣ်လီၤ. တၢ်ဖံးတၢ်ညၣ်လၢအအိၣ်လီၤတဲာ်လၢသၢသီတသီန့ၣ်ကဘၣ်တၢ်ဆူးကဲၤ ထီၣ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:8

ပှၤတဂၤလၢ်လၢ်လၢအအီၣ်တၢ်ဖံးတၢ်ညၣ်လၢအအိၣ်လီၤတဲာ်န့ၣ်မ့ၢ် အမၤဘၣ်အၢတၢ်လုၢ်စီဆှံလၢအဘၣ်တၢ်လုၢ်ထီၣ်အီၤဆူယွၤအအိၣ်, ဒီးအဝဲဒၣ်တဘၣ်တၢ်ပာ်လၢၤအီၤဒ် ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:23

ဒ်တၢ်သးဆူၣ်အတၢ်လုၢ်တၢ်ပာ်အသိး, ဆၣ်ဖိကီၢ်ဖိလၢအ နီၢ်ခိက့ၢ်ဂီၤတဘၣ်လိာ်ဘၣ်စးတဖၣ်န့ၣ်သုလုၢ်ထီၣ်အီၤသ့လီၤ. ဘၣ်ဆၣ်ဒီးတဘၣ်တၢ်တူၢ်လိာ်အီၤဒ်တၢ်မၤလၢထီၣ်ပှဲၤထီၣ်တၢ်အၢၣ် လီၤအီလီၤအသိးဘၣ်.

လံာ်တၢ်ဘူၣ်ထီၣ်ဘါထီၣ် 22:25

ဆၣ်ဖိကီၢ်ဖိလၢတၢ်ပှ့ၤန့ၢ်အီၤလၢ ပှၤတခီဘီမုၢ်ဖိတဖၣ်အအိၣ်န့ၣ်လုၢ်ထီၣ်အီၤဆူယွၤအအိၣ်တဂ့ၤ. ဆၣ်ဖိကီၢ်ဖိဒ်န့ၣ်သိးတဖၣ်န့ၣ်ဘၣ်တၢ်ပာ်အီၤဒ်ဆၣ်ဖိကီၢ်ဖိလၢ အအိၣ်ဒီးတၢ်လီၤတူာ်လီၤကာ်ဒီးတဘၣ်တၢ်တူၢ်လိာ်ဘၣ်အီၤဘၣ်.