လံာ်တၢ်ဘူၣ်ထီၣ်ဘါထီၣ် 19:5 - Sgaw Karen Common Bible

⁵ ဒီးဖဲသုမၤသံဆၣ်ဖိကီၢ်ဖိတဒုလၢတၢ်လုၢ်မၤဃူမၤဖိး အဂီၢ်န့ၣ်တိၢ်န့ၢ်တၢ်သိၣ်တၢ်သီလၢယဟ့ၣ်လီၤသု, ဒီးယကတူၢ်လိာ်သုတၢ်လုၢ်မၤဘူၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:2

စီၤပၤယဃံးစကံၤယၤဒုးအိၣ်ထီၣ်ကဒါက့ၤတၢ်ကရၢကရိ ဘၣ်ထွဲဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, လၢအဝဲသ့ၣ်တဂၤဘၣ်တဂၤစုာ်စုာ်အိၣ်ဒီးအမူအဒါလီၤတံၢ်လီၤဆဲးန့ၣ် လီၤ. မူဒါတဖၣ်အံၤအိၣ်စ့ၢ်ကီးဒီးတၢ်ဆူးကဲၤထီၣ်တၢ်လုၢ်မ့ၣ်အူ, တၢ်လုၢ်ထီၣ်တၢ်လုၢ်မၤဃူမၤဖိးတဖၣ်, တၢ်ဟံးန့ၢ်မူဒါလၢယွၤ အတၢ်လုၢ်ဟံၣ်အတၢ်ဘူၣ်တၢ်ဘါအပူၤ, တၢ်ဟ့ၣ်ထီၣ်တၢ်စံၣ်ထီၣ်ပတြၢၤဒီးတၢ်စံးဘျုးတဖၣ်လၢယွၤအတၢ် လုၢ်ဟံၣ်အလီၢ်တတီၤဘၣ်တတီၤအပူၤန့ၣ်လီၤ.

လံာ်တၢ်ဟးထီၣ်ကွံာ် 24:5

အန့ၣ်ဝံၤဒီးအဝဲမၢလီၤပိာ်ခွါသးစၢ်တဖၣ်ဒီးအဝဲသ့ၣ်ဆူး ကဲၤထီၣ်တၢ်လုၢ်တၢ်ပာ်တဖၣ်ဆူယွၤအအိၣ်ဒီးလုၢ်ထီၣ်ပာ်ထီၣ်ဂီၤ ဘုၣ်ဂီၤဖံးတနီၤဒ်တၢ်လုၢ်မၤဃူမၤဖိးတဖၣ်အသိးန့ၣ်လီၤ.

လံာ်ယဃ့းစက့လး 46:12

ဖဲပှၤပၢတၢ်စီၤပၤဖိခွါအဲၣ်ဒိးမၤဘူၣ်တၢ်သးအိၣ်အတၢ်လုၢ်မၤဘူၣ် တမံၤလၢတၢ်ကဆိၣ်ကဲၤအီၤဒီဒုမ့ၢ်ဂ့ၤ, တၢ်လုၢ်မၤဃူမၤဖိးတ မံၤမ့ၢ်ဂ့ၤန့ၣ်, မုၢ်ထီၣ်အတြဲၤဖးဒိၣ်လၢတၢ်လဲၤနုာ်ဆူတၢ်လုၢ်ဟံၣ် အဂၢၤလၢတၢ်အိပူၤ, ကဘၣ်တၢ်အိးထီၣ်အီၤလၢအဝဲအဂီၢ်န့ၣ်လီၤ. အဝဲကဘၣ်မၤဘူၣ်တၢ်ဒ်အမၤဝဲတမံၤဃီလၢမုၢ်အိၣ်ဘှံးနံၤ အသိးဒီးတြဲၤဖးဒိၣ်န့ၣ်ကဘၣ်တၢ်ကးတံာ်က့ၤအီၤ ဖဲအဝဲဟးထီၣ်ကွံာ်ဝဲန့ၣ်လီၤ. ”

လံာ်ယဃ့းစက့လး 46:2

စီၤပၤဖိခွါလၢအပၢတၢ်ကလဲၤတၢ်လၢတၢ်လုၢ်ဟံၣ်အဂၢၤလၢ တၢ်ပျီပူၤဒီးလဲၤနုာ်ဆူကျဲစၢၤထံးအဒၢးပူၤခီဖျိကျဲစၢၤကျိၤထံး ဒီးဆၢထၢၣ်ဖဲတြဲၤဖးဒိၣ်အထူၣ်တဖၣ်အကပၤဖဲပှၤလုၢ်တၢ်အခိၣ် တဖၣ်ဆိၣ်ကဲၤထီၣ်အဝဲအတၢ်လုၢ်တၢ်ပာ်တဖၣ်ဒီတဒုညါဒီးလုၢ်ထီၣ် အဝဲအတၢ်လုၢ်မၤဃူမၤဖိးတဖၣ်အခါန့ၣ်လီၤ. ဖဲတြဲၤဖးဒိၣ် န့ၣ်အဝဲကဘူၣ်ထီၣ်ဘါထီၣ်တၢ်ဝံၤဒီးဟးထီၣ်ကွံာ်ကဒါက့ၤဆူ တၢ်ချၢန့ၣ်လီၤ. တချုးလၢမုၢ်ဟါလီၤဒံးဘၣ်န့ၣ်တၢ်တဘၣ် ကးတံာ်ဃာ်တြဲၤဖးဒိၣ်ဘၣ်.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:4

ဃၣ်ကွံာ်သုသးလၢယၤဒီးဘါထီၣ်တၢ်ဂီၤတၢ်ဖီၣ်တဂ့ၤ. တ့တၢ်ဂီၤလၢတိၢ်ဘီဃါဃုာ်ဒီးထူ, စ့ဒီးဘါထီၣ်အီၤတဂ့ၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:6

ဆၣ်ဖိကီၢ်ဖိလၢအဘၣ်တၢ်လုၢ်ထီၣ်အီၤ, အဖံးအညၣ်န့ၣ်ကဘၣ်တၢ်အီၣ်အီၤတနံၤဃီလၢအဘၣ် တၢ်မၤသံအီၤအနံၤမ့ၢ်ဂ့ၤလၢမုၢ်ဆ့ၣ်ထီၣ်တနံၤမ့ၢ်ဂ့ၤန့ၣ်လီၤ. တၢ်ဖံးတၢ်ညၣ်လၢအအိၣ်လီၤတဲာ်လၢသၢသီတသီန့ၣ်ကဘၣ်တၢ်ဆူးကဲၤ ထီၣ်ကွံာ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:19

ဒ်သိးအကဘၣ်တၢ်တူၢ်လိာ်အီၤအဂီၢ်န့ၣ်ကဘၣ်မ့ၢ်ဆၣ်ဖိကီၢ်ဖိအဖါ တဒုလၢအတအိၣ်ဒီးအနီၢ်ခိအတၢ်လီၤတူာ်လီၤကာ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:21

ဖဲဒၣ်ပှၤလၢအလုၢ်ထီၣ်တၢ်လုၢ်မၤဃူမၤဖိးဆူယွၤအအိၣ်, လၢတၢ်မၤလၢထီၣ်ပှဲၤထီၣ်တၢ်အၢၣ်လီၤအီလီၤအဂီၢ်မ့ၢ်ဂ့ၤ, လၢအတၢ်သးဆူၣ်ဒၣ်ဝဲအဃိမ့ၢ်ဂ့ၤ, ဒ်သိးကဘၣ်တၢ်တူၢ်လိာ်အီၤ န့ၣ်ကဘၣ်မ့ၢ်ဆၣ်ဖိကီၢ်ဖိလၢအတအိၣ်ဘၣ်ဒီးနီၢ်ခိအတၢ်လီၤတူာ် လီၤကာ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:23

ဒ်တၢ်သးဆူၣ်အတၢ်လုၢ်တၢ်ပာ်အသိး, ဆၣ်ဖိကီၢ်ဖိလၢအ နီၢ်ခိက့ၢ်ဂီၤတဘၣ်လိာ်ဘၣ်စးတဖၣ်န့ၣ်သုလုၢ်ထီၣ်အီၤသ့လီၤ. ဘၣ်ဆၣ်ဒီးတဘၣ်တၢ်တူၢ်လိာ်အီၤဒ်တၢ်မၤလၢထီၣ်ပှဲၤထီၣ်တၢ်အၢၣ် လီၤအီလီၤအသိးဘၣ်.

လံာ်တၢ်ဘူၣ်ထီၣ်ဘါထီၣ် 22:29

ဒီးတုၤသုလုၢ်ထီၣ်တၢ်လုၢ်စံးထီၣ်ပတြၢၤဆူယွၤအအိၣ်န့ၣ်, မၤအီၤဒ်တၢ်မၤလိာ်အသိးလၢသုကဘၣ်တၢ်တူၢ်လိာ်သုအဂီၢ်န့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 7:16

ဘၣ်ဆၣ်ဒီးပှၤတဂၤမ့ၢ်ဟဲစိာ်အတၢ်လုၢ်မၤဃူမၤဖိးလၢအက မၤလၢပှဲၤအတၢ်အၢၣ်လီၤအီလီၤတမံၤမ့ၢ်ဂ့ၤ, လၢအသးအိၣ်မၤဒၣ်ဝဲအဃိမ့ၢ်ဂ့ၤန့ၣ်, တဘၣ်အီၣ်လၢာ်ဝဲလၢတၢ် လုၢ်ထီၣ်အီၤအနံၤန့ၣ်ဘၣ်. မ့မ့ၢ်တၢ်အိၣ်လီၤတဲာ်န့ၣ်, အီၣ်ကဒီးဝဲလၢမုၢ်ဆ့ၣ်ထီၣ်တနံၤသ့စ့ၢ်ကီးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:18

ဒီးတၢ်မ့ၢ်အီၣ်အီၤလၢသၢသီတသီန့ၣ်, ယွၤတတူၢ်လိာ်ပှၤတဂၤန့ၣ်အတၢ်လုၢ်ဘၣ်. တၢ်လုၢ်န့ၣ်တဘၣ်တၢ်ပာ်အီၤဒ်တၢ်လၢအဘျုးအိၣ်အသိးန့ၣ်ဘၣ်. မ့မ့ၢ်ကဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ. ဒီးပှၤတဂၤလၢ်လၢ်လၢအအီၣ်ဘၣ်ဝဲန့ၣ်ကတူၢ်ဘၣ်အတၢ်ဒဲးဘးဒၣ်ဝဲန့ၣ်လီၤ.