လံာ်တၢ်ဘူၣ်ထီၣ်ဘါထီၣ် 19:37 - Sgaw Karen Common Bible

³⁷ ဒီးသုဘၣ်တိၢ်န့ၢ်ယတၢ်မၤလိာ်ဒီးယတၢ်သိၣ်တၢ်သီတဖၣ်န့ၣ်လီၤ. ယဲဒၣ်အံၤယမ့ၢ်ယွၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 19:37 Iomraidhean Croise

လံာ်စီၤပၤခံဘ့ၣ်တဘ့ၣ် 17:37

ထီဘိသုကဘၣ်စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤ လိာ်တဖၣ်လၢယကွဲးန့ၢ်တ့ၢ်သုန့ၣ်လီၤ. သုတဘၣ်စူၢ်ကစၢ်အဂုၤအဂၤတဖၣ်,

စံးထီၣ်ပတြၢၤ 119:34

ဟ့ၣ်လၢ်ယၤတၢ်နၢ်ပၢၢ်ဒ်သိး ယကတိၢ်န့ၢ်ဟံးဃာ်နတၢ်သိၣ်တၢ်သီ ဒီးမၤထွဲအီၤလၢယသးဒီဖျၢၣ်ညါန့ၣ်တက့ၢ်.

စံးထီၣ်ပတြၢၤ 119:4

နမၤလိာ်တ့ၢ်ပှၤလၢ ပဘၣ်တိၢ်န့ၢ်ဟံးဃာ် နတၢ်သိၣ်တၢ်သီထံထံဆးဆးလီၤ.

လံာ်တၢ်ဘူၣ်ထီၣ်ဘါထီၣ် 19:19

တိၢ်န့ၢ်ယတၢ်မၤလိာ်တဖၣ်တက့ၢ်. ဒုးဒၢထီၣ်သုဆၣ်ဖိကီၢ်ဖိလၢအကလုာ်လီၤဆီလိာ်အသးန့ၣ်တဂ့ၤ. ဖှံလီၤတၢ်ချံခံမံၤလၢအလီၤဆီလိာ်အသးလၢသုစံာ်ပူၤတဂ့ၤ. ဒီးကူထီၣ်သိးထီၣ်တၢ်ကူတၢ်သိးလၢအဘၣ်တၢ်မၤအီၤလၢလုၣ်လီၤ ဆီလိာ်အသးခံမံၤန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 19:36

သုဘၣ်အိၣ်ဒီးနီၣ်ထိၣ်အတီအလိၤ, စီၤပီၢ်အတီအလိၤဒီးနီၣ်ဃီၣ်အတီအလိၤလီၤ. ယဲဒၣ်အံၤယမ့ၢ်ယွၤ, သုကစၢ်ယွၤလၢအထုးထီၣ်သုလၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:1

ဒီးယွၤစံးဘၣ်စီၤမိၤၡ့, လၢကစံးဘၣ်ပှၤအံၣ်စရ့လးဖိတဖၣ်, “ကယဲၢ်ပှၤတဂၤဂၤလၢသုကျါမ့ၢ်ဂ့ၤ, ပှၤတခီဘီမုၢ်ဖိအိၣ်လၢသုကျါမ့ၢ်ဂ့ၤ, လၢအဟ့ၣ်လီၤအဖိအလံၤတဂၤဂၤလၢတၢ်ဘူၣ်ထီၣ်ဘါထီၣ်ကစၢ်မိလးန့ၣ် ကဘၣ်တၢ်ကွံာ်သံအီၤလၢလၢၢ်လၢပှၤဂီၢ်မုၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:31

ဒီးသုဘၣ်တိၢ်န့ၢ်ယတၢ်မၤလိာ်တဖၣ်ဒီးမၤအီၤလီၤ. ယဲဒၣ်အံၤယမ့ၢ်ယွၤလီၤ.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်သိၣ်လီၤသီလီၤတၢ် 8:1

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤ အံၤလၢတၢ်သူၣ်တီသးရၤအပူၤဒ်သိးသုကမူ, အါထီၣ်လၢနီၣ်ဂံၢ်ဒီးမၤန့ၢ်ကီၢ်တဘ့ၣ်လၢယွၤအၢၣ်လီၤတ့ၢ်လၢ ကဟ့ၣ်လီၤဝဲဆူသုမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.