လံာ်တၢ်ဘူၣ်ထီၣ်ဘါထီၣ် 19:35 - Sgaw Karen Common Bible

³⁵ သုတမၤတၢ်တတီတလိၤလၢပှၤနီတဂၤလၢနီၣ်ထိၣ်မ့ၢ်ဂ့ၤ, စီၤပီၢ်မ့ၢ်ဂ့ၤ, ဒီးနီၣ်ဃီၣ်တၢ်မ့ၢ်ဂ့ၤန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 19:35 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:29

ဒ်သိးကဟံးန့ၢ်မူဒါလၢကိၣ်လၢကဘၣ်တၢ်လုၢ်ထီၣ်အီၤဆူ ကစၢ်ယွၤအအိၣ်, ကိၣ်ကမူၣ်လၢအဘၣ်တၢ်သူအီၤလၢတၢ်လုၢ်မၤဘူၣ် တဖၣ်အဂီၢ်, ကိၣ်ဘ့ၣ်ဘၣ်တဖၣ်လၢတအိၣ်ဒီးကိၣ်မံၣ်အဂီၢ်, တၢ်လုၢ်မၤဘူၣ်တဖၣ်လၢတၢ်ကုၢ်အီၤအဂီၢ်ဒီးကိၣ်ကမူၣ်လၢအဘၣ်တၢ် ဃါဃုာ်အီၤဒီးသ့ၣ်စၤယံးအသိအဂီၢ်, လၢတၢ်စီၤဒီးတၢ်ထိၣ်မ့ၢ်ဂ့ၤဃီၣ်မ့ၢ်ဂ့ၤတၢ်ဟ့ၣ်ဆူအတၢ်လုၢ် တၢ်ပာ်တဖၣ်အဂီၢ်,

တၢ်ကတိၤဒိ. 11:1

ယွၤသးဟ့ပှၤလၢအသူစီၤပီၢ်လီတၢ်တဖၣ်လီၤ. မ့မ့ၢ်စီၤပီၢ်သၣ်အတီတဖၣ်န့ၣ်, မ့ၢ်အတၢ်သးခုလီၤ.

တၢ်ကတိၤဒိ. 16:11

ယွၤအဲၣ်ဒိးစီၤပီၢ်သၣ်ဒီးနီၣ်ဃီၣ်တၢ်တဖၣ်ကတီဝဲလိၤဝဲ, ဒီးကယဲၢ်တၢ်ဆါတၢ်ပှ့ၤကိးမံၤကအိၣ်ဒီးတၢ်စံၣ်ညီၣ်တီလီၤ.

တၢ်ကတိၤဒိ. 20:10

ယွၤသးဘၣ်အၢပှၤတဖၣ်လၢအသူစီၤပီၢ်သၣ်ဒီးနီၣ်ထိၣ်တၢ်လၢ အတတီတလိၤတဖၣ်န့ၣ်လီၤ.

လံာ်ယဃ့းစက့လး 45:10

ပှၤကိးဂၤဒဲးကဘၣ်သူစီၤပီၢ်တဖၣ်ဒီးနီၣ်ဃီၣ်တၢ်ဒီးနီၣ်ထိၣ် တဖၣ်လၢအတီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:15

လၢတၢ်စံၣ်ညီၣ်အပူၤန့ၣ်မၤတၢ်တတီတလိၤတဂ့ၤ. ကွၢ်မဲာ်ပှၤဖှီၣ်ဖိဒီးပျံၤပှၤထူးပှၤတီၤတဂ့ၤ. သုဘၣ်စံၣ်ညီၣ်ပှၤလၢသုဃၢၤတီတီလိၤလိၤလီၤ.

လံာ်မံကၤ 6:1

ကနၣ်ယွၤအကွီၢ်ထီဒါကီၢ်အံၣ်စရ့လးတက့ၢ်. ဂဲၤထၢၣ်, ယွၤဧၢ, ပာ်ဖျါထီၣ်နကွီၢ်, ဒီးပျဲကစၢၢ်တဖၣ်ဒီးတၢ်လုၢ်တဖၣ်နၢ်ဟူတၢ်လၢနစံးတက့ၢ်.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်သိၣ်လီၤသီလီၤတၢ် 25:13

အိၣ်ဒီးတၢ်လီတၢ်ဝ့ၤ, ဖဲသုသူစီၤပီၤသၣ်တဖၣ်ဒီးနီၣ်ဃီၣ်တၢ်တဖၣ်အခါန့ၣ်တဂ့ၤ.

လံာ်သိၣ်လီၤသီလီၤတၢ် 25:15

သူစီၤပီၢ်သၣ်တဖၣ်ဒီးနီၣ်ဃီၣ်တၢ်တဖၣ်လၢအတီအလိၤဒ်သိး သုကအိၣ်ဘၣ်ဆိးဘၣ်ဖးယံာ်ဖးထၢလၢကီၢ်လၢယွၤသုကစၢ်ယွၤဟ့ၣ်လီၤ သုအပူၤန့ၣ်တက့ၢ်.