လံာ်တၢ်ဘူၣ်ထီၣ်ဘါထီၣ် 19:3 - Sgaw Karen Common Bible

³ ပှၤကိးဂၤဒဲးကဘၣ်ယူးယီၣ်အမိၢ်ဒီးအပၢ်လီၤ. ဒီးကဘၣ်ပာ်စီဆှံမုၢ်အိၣ်ဘှံးအနံၤဒ်ယမၤလိာ်တ့ၢ်အသိးန့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:3 Iomraidhean Croise

လံာ်တၢ်ကဲထီၣ်အခီၣ်ထံး 48:12

အန့ၣ်ဒီး, စီၤယိၤသးဟံးန့ၢ်အဝဲသ့ၣ်လၢစီၤယၤကိာ်အဟုးလာ် ဒီးသကူးလီၤအသးလၢအမဲာ်ညါ, တုၤအဝဲအမဲာ်သၣ်ကျးလီၤအသးလၢဟီၣ်ခိၣ်လိၤန့ၣ်လီၤ.

လံာ်စီၤနဃ့မယၤ 9:14

နသိၣ်လိတ့ၢ်အဝဲသ့ၣ်လၢကတိၢ်န့ၢ်ဖံးဃာ်တၢ်ပာ်စီဆှံမုၢ်အိၣ် ဘှံးနံၤ, ဒီးနဟ့ၣ်လီၤအဝဲသ့ၣ်လၢနတၢ်သိၣ်တၢ်သီတဖၣ်ခီဖျိနခ့နပှၤစီၤမိၤၡ့န့ၣ်လီၤ.

လံာ်တၢ်ဟးထီၣ်ကွံာ် 16:29

သ့ၣ်နီၣ်ထီၣ်ယၤ, ယွၤအံၤဟ့ၣ်တ့ၢ်သုမုၢ်တနံၤလၢတၢ်အိၣ်ဘှံး အဂီၢ်သတးဒီး, လၢဃုနံၤတနံၤန့ၣ်ယကဟ့ၣ်သုတၢ်အီၣ်, လၢဝဲလၢခံသီအဂီၢ်န့ၣ်လီၤ. ပှၤကိးဂၤဒဲးကဘၣ်အိၣ်, ဖဲအအိၣ်ဝဲအလီၢ်လၢမုၢ်နွံနံၤတနံၤန့ၣ်ဒီးတဘၣ်ဟးထီၣ်လၢ အဟံၣ်ပူၤဘၣ်.”

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 20:8

တိၢ်န့ၢ်ဖံးဃာ်မုၢ်အိၣ်ဘှံးအနံၤဒီးပာ်စီဆှံအီၤတက့ၢ်. သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ.

လံာ်တၢ်ဟးထီၣ်ကွံာ် 21:15

ပှၤတဂၤလၢ်လၢ်လၢအဒိအတီၢ်အပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်ကဘၣ်တၢ် မၤသံကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 21:17

ပှၤတဂၤလၢ်လၢ်လၢအဆိၣ်အၢအပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်ကဘၣ်တၢ် မၤသံကွံာ်အီၤန့ၣ်လီၤ.

တၢ်ကတိၤဒိ. 1:8

ယဖိခွါဧၢ, ကနၣ်နပၢ်အတၢ်သိၣ်တၢ်သီနၤဒီးလဲၤသဒၣ်နမိၢ် အတၢ်သိၣ်လိနဲၣ်လိတဂ့ၤ.

တၢ်ကတိၤဒိ. 23:22

ကနၣ်နပၢ်အကလုၢ်တက့ၢ်. မ့တမ့ၢ်ဘၣ်လၢအီၤဒီး, နကဲထီၣ်ပှၤကညီတသ့ဘၣ်. ဖဲနမိၢ်အသးပှၢ်ထီၣ်ဒီး, ဒုးနဲၣ်အီၤနတၢ်သ့ၣ်ညါတၢ်ဘျုးတၢ်ဖှိၣ်န့ၣ်တက့ၢ်.

တၢ်ကတိၤဒိ. 30:11

ပှၤအိၣ်ဝဲတကလုာ်လၢအဆိၣ်အၢအပၢ်တဖၣ်ဒီးတပာ်ဖျါအတၢ်စံးဘျုး ဆူအမိၢ်တဖၣ်အအိၣ်ဘၣ်န့ၣ်လီၤ.

တၢ်ကတိၤဒိ. 30:17

ပှၤတဂၤလၢ်လၢ်လၢအမၤကလိာ်ကလာ်အပၢ်ဒီးသးဘၣ်အၢ အမိၢ်ဖဲအသးပှၢ်ထီၣ်အဆၢကတီၢ်န့ၣ်, ကြၢးလီတာ်တဖၣ်အီၣ်အီၤမ့ၢ်ဂ့ၤ, ကြၢးလၢအမဲာ်ချံတဖၣ်ဘၣ်တၢ် အူခွဲးထီၣ်အီၤလၢစိးဝၣ်ဃးအမံၤတဖၣ်မ့ၢ်ဂ့ၤန့ၣ်လီၤ.

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်ယဃ့းစက့လး 20:12

ယဒုးတိၢ်န့ၢ်ဖံးဃာ်အဝဲသ့ၣ်လၢမုၢ်အိၣ်ဘှံးနံၤဒ်အတၢ်ပနီၣ် တမံၤလၢအပာ်ဖျါတၢ်အၢၣ်လီၤအီလီၤလၢပဘၢၣ်စၢၤ, ဒ်သိးကဒုးသ့ၣ်နီၣ်အဝဲသ့ၣ်လၢယၤ, ယွၤမ့ၢ်ပှၤလၢအမၤ စီဆှံအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:44

ယမ့ၢ်ယွၤ, သုကစၢ်, ဒီးသုကဘၣ်ပာ်စီဆှံသုသးလီၤ. အဂ့ၢ်ဒ်အံၤ, ယစီဆှံယဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 19:25

ဒီးယဲၢ်နံၣ်တနံၣ်န့ၣ်သုကအီၣ်အသၣ်ဒ်သိးအကမၤအါထီၣ်တၢ်လၢသု ဂီၢ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:30

သုဘၣ်တိၢ်န့ၢ်မုၢ်အိၣ်ဘှံးအနံၤ, ဒီးယူးယီၣ်တၢ်ဘူၣ်ထီၣ်ဘါထီၣ်ယွၤအလီၢ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 19:31

လဲၤဆူပှၤမၤန့ၢ်ပှၤသံအကလၤအအိၣ်ဒီးဟံးန့ၢ်အတၢ်ကူၣ်လိာ်တဂ့ၤ. နမ့ၢ်မၤဒ်န့ၣ်ဒီးနကကဲထီၣ်တၢ်တကဆှီဘၣ်န့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:34

မၤအီၤဒ်သုမၤဘၣ်ပှၤအံၣ်စရ့လးဖိကဒဲကဒဲအသိးန့ၣ်တက့ၢ်. ဒီးအဲၣ်အီၤဒ်သုအဲၣ်လီၤသုသးအသိးန့ၣ်တက့ၢ်. သ့ၣ်နီၣ်ထီၣ်က့ၤလၢတဘျီသုမ့ၢ်ပှၤတခီဘီမုၢ် ဖိလၢကီၢ်အဲၤကူပတူးအပူၤန့ၣ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:3

သုအိၣ်ဒီးမုၢ်နံၤဃုနံၤလၢသုကမၤသုတၢ်မၤအဂီၢ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢနွံနံၤတနံၤန့ၣ်မ့ၢ်မုၢ် အိၣ်ဘှံးအနံၤတနံၤလၢသုကဘၣ်အိၣ်ဘှံးန့ၣ်လီၤ. သုတဘၣ်မၤတၢ်လၢမုၢ်နံၤအဝဲန့ၣ်ဘၣ်. မ့မ့ၢ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. မုၢ်အိၣ်ဘှံးနံၤန့ၣ်ဘၣ်ဃးဒီးယွၤဖဲသုအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:2

အဂ့ၢ်ဒ်အံၤ, ယဲဒၣ်အံၤယမ့ၢ်ယွၤသုကစၢ်ယွၤန့ၣ်လီၤ. သုဘၣ်တိၢ်န့ၢ်ယမုၢ်အိၣ်ဘှံးနံၤတဖၣ်ဒီးယူးယီၣ်ယလီၢ်စီဆှံလီၤ. ယဲဒၣ်အံၤယမ့ၢ်ယွၤလီၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်သိၣ်လီၤသီလီၤတၢ် 27:16

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်အပၢ်မ့ၢ်ဂ့ၤအမိၢ်မ့ၢ်ဂ့ၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

ဧ့ၤဘြံၤ 12:9

လၢတၢ်န့ၣ်အမဲာ်ညါ, ပအိၣ်ဒီးပပၢ်တဖၣ်လၢဟီၣ်ခိၣ်ချၢအံၤလၢ အသိၣ်ဃီၣ်ပှၤဒီးပယူးယီၣ်ပာ်ကဲအဝဲသ့ၣ်လီၤ. ပဂ့ၤဆီၣ်လီၤပသးလၢပပၢ်အိၣ်လၢမူခိၣ်အဖီလာ်အါန့ၢ် အန့ၣ်တက့ၢ်ဒီးမူပဝဲန့ၣ်လီၤ.