လံာ်တၢ်ဘူၣ်ထီၣ်ဘါထီၣ် 19:28 - Sgaw Karen Common Bible

²⁸ သုတဂဲာ်သုညၣ်လၢပှၤသံအဃိတဂ့ၤ. ဒီးသုတဆဲးတၢ်ပနီၣ်လၢသုလိၤတဂ့ၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 19:28 Iomraidhean Croise

လံာ်စီၤပၤအခီၣ်ထံးတဘ့ၣ် 18:28

လၢတၢ်န့ၣ်အဃိဘဧၤလးအဝံတဖၣ်ဘါထုကဖၣ်ဒိၣ်ထီၣ်, ဒီးဂဲာ်လီၤအသးလၢဃဲာ်တဖၣ်ဒီးဒီတဖၣ်ဒ်အဝဲသ့ၣ်အလုၢ်အလၢ်အိၣ် ဝဲအသိး, တုၤအသွံၣ်ဟဲယွၤလီၤဝဲန့ၣ်လီၤ.

လံာ်ယံးရမံယၤ 16:6

ပှၤထူးပှၤတီၤဒီးပှၤဖှီၣ်ဖိယာ်ဖိကသံလၢထံကီၢ်အံၤအပူၤ, ဘၣ်ဆၣ် ပှၤတခူၣ်လီၤအဝဲသ့ၣ်မ့ၢ်ဂ့ၤ, ဟီၣ်တၢ်ယၢၤတၢ်လၢအဝဲသ့ၣ်အဂီၢ် မ့ၢ်ဂ့ၤနီတဂၤဘၣ်. ပှၤတဂဲာ်လီၤအသးမ့ၢ်ဂ့ၤ, လူၤအခိၣ်လၢတၢ်ဒုးနဲၣ်အတၢ်သးအုးအဃိမ့ၢ်ဂ့ၤနီတဂၤဘၣ်.

လံာ်ယံးရမံယၤ 48:37

အဝဲသ့ၣ်ခဲလၢာ်န့ၣ်, လူၤကွံာ်အခိၣ်တဖၣ်ဒီး တံာ်ကွံာ်အခၣ်ဆူၣ်တဖၣ်လံ. အဝဲသ့ၣ်ခဲလၢာ်ဂဲာ်လီၤအစုတဖၣ်ဒီး ပှၤကိးဂၤဒဲးကူကၤ ထၢၣ်တၢ်ကံးယာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:27

သုတတံာ်ကဝီၤသုခိၣ်သူအထိးနါတဂ့ၤမ့တမ့ၢ်သု တတံာ်တဲာ်သုခၣ်ဆူၣ်အထိးနါတဂ့ၤ.

လံာ်တၢ်ဘူၣ်ထီၣ်ဘါထီၣ် 19:29

သုတမၤဟးဂီၤသုဖိမုၣ်တဖၣ်လၢကကဲထီၣ်ဃဲသဲမုၣ်လၢတၢ်လုၢ်ဟံၣ်အပူၤတဂ့ၤ. သုမ့ၢ်မၤဒ်န့ၣ်ဒီးသုကကဲထီၣ်ပှၤဃၣ်အသးဆူကစၢ်အဂၤတဖၣ်အအိၣ် ဒီးကီၢ်အံၤကပှဲၤဒီးတၢ်အၢတၢ်သီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:1

ဒီးယွၤမၤလိာ်စီၤမိၤၡ့လၢကတဲဘၣ်ပှၤလုၢ်တၢ်အခိၣ်တဖၣ်လၢအလီၤစၢၤလၢစီၤအၤဟရိၣ်လၢ, “ပှၤလုၢ်တၢ်အခိၣ်တဘၣ်မၤတကဆှီအသးနီတဂၤဒ်တၢ်ဘူၣ်တၢ် ဘါအလုၢ်အလၢ်အိၣ်ဝဲအသိးလၢတၢ်မၤတၢ်တမံၤမံၤဖဲအဘူး အတံၢ်တဂၤအတၢ်သံအမူးအပူၤ,

လံာ်တၢ်ဘူၣ်ထီၣ်ဘါထီၣ် 21:11

ဒီးတဘၣ်လဲၤဆူတၢ်သံစိၣ်အဃၢၤမ့ၢ်ဂ့ၤ, တဘၣ်မၤဘၣ်အၢအသးလၢ အပၢ်မ့ၢ်ဂ့ၤအမိၢ်မ့ၢ်ဂ့ၤအဃိဒၣ်လဲာ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 21:5

ပှၤလုၢ်တၢ်အခိၣ်မ်အသုတလူၤအခိၣ်မ့ၢ်ဂ့ၤ, တံာ်တဲာ်အခၣ်ဆူၣ်မ့ၢ်ဂ့ၤ, ဂဲာ်အဖံးအညၣ်မ့ၢ်ဂ့ၤလၢကပာ်ဖျါတၢ်သးအုးအပနီၣ်နီတဂၤန့ၣ်တဂ့ၤ.

လံာ်မၢ်ကူး 5:5

လၢမုၢ်နၤဒီးမုၢ်ဆါန့ၣ်, အဝဲဟးဝ့ၤဝီၤလၢပှၤသွၣ်ခိၣ်အပူၤတဖၣ်ဒီးတၢ်လူၢ်ဖိတဖၣ် အကျါ, ကိးပသူကိးပသီထီၣ်ဝဲဒီးဂဲာ်လီၤအသးလၢ လၢၢ်အက့အခီတဖၣ်လီၤ.

လံာ်ယိၤဟၣ် 20:25

လၢတၢ်န့ၣ်အဃိ, အပျဲၢ်အဘီၣ်အဂၤတဖၣ်စံးဘၣ်အီၤ, “ပထံၣ်ဘၣ်လံကစၢ်လံ.” စီၤသိၤမါစံးဘၣ်အဝဲသ့ၣ်, “မ့တမ့ၢ်ဘၣ်လၢယထံၣ်ဘၣ်ထးဆဲးဖျိအလီၢ်လၢ အစုလိၤဒီးကလၢၢ်ဘၣ်တၢ်ပူၤလီၢ်တဖၣ်န့ၣ်လၢယစုနၢ, ဒီးကလၢၢ်ဘၣ်အကပၤလၢယစုဘၣ်ဒီးယတနာ်ဘၣ်.”

လံာ်သိၣ်လီၤသီလီၤတၢ် 14:1

သုမ့ၢ်ယွၤသုကစၢ်ယွၤအပှၤဂီၢ်မုၢ်န့ၣ်လီၤ. လၢတၢ်န့ၣ်အဃိဖဲသုသူၣ်အုးသးအုးလၢတၢ်သံအဃိန့ၣ်, ဂဲာ်လီၤသုသးမ့ၢ်ဂ့ၤမၤလ့ၤသုခိၣ်တိသၣ်မ့ၢ်ဂ့ၤဒ်ပှၤဂီၢ် မုၢ်အဂၤမၤဝဲအသိးန့ၣ်တဂ့ၤ.

လံာ်လီၣ်ဖျါ 14:11

မ့ၣ်အူလၢအမၤအၢမၤနးအဝဲသ့ၣ်တဖၣ်န့ၣ်, အလုၢ်ခုၣ်ထီၣ်ဝဲလီၤ စိၤလီၤဃၣ်လီၤ. ပှၤသ့ၣ်တဖၣ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤဒီးအက့ၢ် အဂီၤ, ပှၤတဂၤဂ့ၤတဂၤဂ့ၤလၢအအိၣ်ဒီးတၢ်ပနီၣ်ဘၣ်ဃးတၢ်ဒူ တၢ်ဃိၤအမံၤ, ပှၤသ့ၣ်တဖၣ်အံၤအဂီၢ်န့ၣ်, လၢမုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤတၢ်အိၣ်ဘှံးအိၣ်သါ တအိၣ်ဝဲဘၣ်.”

လံာ်လီၣ်ဖျါ 14:9

ကလူးသၢဂၤတဂၤပိာ်ထီၣ်အခီၣ်ထံးခံဂၤန့ၣ်အခံဒီးစံးဝဲလၢ အကလုၢ်ဖးဒိၣ် “ပှၤတဂၤလၢ်လၢ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤ တဒုအံၤဒီးအက့ၢ်အဂီၤဝံၤ, ဒိးန့ၢ်ဘၣ်တၢ်ပနီၣ်လၢအခိၣ်တိသၣ်မ့တမ့ၢ်လၢအစုလိၤန့ၣ်,

လံာ်လီၣ်ဖျါ 15:2

ဒီးယထံၣ်တၢ်လၢအလီၤဂာ်ပီၣ်လဲၣ်ယွၤခၣ်စိးအိၣ်ဃါဃုာ် အသးဒီးမ့ၣ်အူန့ၣ်လီၤ. ယထံၣ်ဘၣ်စ့ၢ်ကီးပှၤတဖၣ်လၢအမၤနၢၤတၢ်ဒူတၢ်ဃိၤဒီး အက့ၢ်အဂီၤ, ဒီးမၤနၢၤပှၤတဂၤလၢအမံၤဘၣ်တၢ်ပာ်ဖျါ အီၤခီဖျိနီၣ်ဂံၢ်တဖျၢၣ်န့ၣ်လီၤ. အဝဲသ့ၣ်အိၣ်ဆၢထၢၣ်လၢပီၣ်လဲၣ်ယွၤခၣ်စိးအကပၤ, ဟံးဃာ်တနၢ်သ့ၣ်တဖၣ်လၢကစၢ်ယွၤဟ့ၣ်အဝဲသ့ၣ်,

လံာ်လီၣ်ဖျါ 16:2

ကလူးတၢတဂၤလဲၤဒီးဂၢ်လီၤအသလၢလၢဟီၣ်ခိၣ်ချၢလီၤ. တၢ်ပူၤလီၢ်ပူၤကျဲလၢအလီၤပျံၤလီၤဖုးဒီးအဆါမးတဖၣ် ဟဲထီၣ်လၢပှၤအိၣ်ဒီးတၢ်ဒူတၢ်ဃိၤအပနီၣ်တဖၣ်အလိၤ, ဒီးလၢပှၤဘါတၢ်ဒူတၢ်ဃိၤအက့ၢ်အဂီၤတဖၣ်အလိၤန့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 20:4

အန့ၣ်ဝံၤဒီးယထံၣ်လီၢ်ပစိာ်တဖၣ်, ဒီးပှၤတဖၣ်လၢအဆ့ၣ်နီၤလၢ အလိၤန့ၣ်ဘၣ်တၢ်ဟ့ၣ်အီၤတၢ်စိကမီၤလၢအကစံၣ်ညီၣ်တၢ် လီၤ. ယထံၣ်ဘၣ်စ့ၢ်ကီးယဲပှၤအသးသမူတဖၣ်လၢအဘၣ် တၢ်မၤသံတ့ၢ်အီၤလၢအအုၣ်အသးလၢယ့ၣ်ၡူးအဂ့ၢ်ဒီး စံၣ်တဲၤတဲလီၤကစၢ်ယွၤအကလုၢ်ကထါတဖၣ်အဃိ န့ၣ်လီၤ. အဝဲသ့ၣ်တဘါထီၣ်တ့ၢ်တၢ်ဒူတၢ်ဃိၤတဒု န့ၣ်မ့ၢ်ဂ့ၤ, အက့ၢ်အဂီၤမ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တဒိးန့ၢ်တၢ်ဒူတၢ်ဃိၤတဒုန့ၣ်အတၢ်ပနီၣ် လၢအဝဲသ့ၣ်အခိၣ်တိသၣ်အလိၤမ့ၢ်ဂ့ၤ, လၢအစု လိၤမ့ၢ်ဂ့ၤန့ၣ်ဘၣ်. အဝဲသ့ၣ်ဂဲၤဆၢထၢၣ်သမူထီၣ်က့ၤ, ဒီးပၢတၢ်ဒ်စီၤပၤတဖၣ်အသိးတပူၤဃီဒီးခရံာ်လၢအနံၣ် တကထိအတီၢ်ပူၤလီၤ.