လံာ်တၢ်ဘူၣ်ထီၣ်ဘါထီၣ် 19:27 - Sgaw Karen Common Bible

²⁷ သုတတံာ်ကဝီၤသုခိၣ်သူအထိးနါတဂ့ၤမ့တမ့ၢ်သု တတံာ်တဲာ်သုခၣ်ဆူၣ်အထိးနါတဂ့ၤ.

လံာ်တၢ်ဘူၣ်ထီၣ်ဘါထီၣ် 19:27 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 19:4

စီၤဃၤနူၣ်ဖီၣ်န့ၢ်စီၤဒၤဝံးအပှၤစိာ်တၢ်ကစီၣ်တဖၣ်, ဒီးလူၤကွံာ်အဝဲသ့ၣ်အခၣ်ဆူၣ်, ဒီးကူးတဲာ်အဝဲသ့ၣ်အဆ့လၢအဖး ဖီဖဲအခံကိၢ်ဒီးပျၢ်ကွံာ်ဝဲဒၣ်လီၤ.

လံာ်ယၡါယၤ 15:2

ပှၤဒံးဘိၣ်ဖိတဖၣ်လဲၤထီၣ်ကစၢၢ်လၢကဟီၣ်ဝဲယၢၤဝဲဖဲတၢ်ဘူၣ် တၢ်ဘါအလီၢ်အိၣ်ဝဲန့ၣ်လီၤ. ပှၤမိၤအးဖိတဖၣ်ဟီၣ်ဝဲယၢၤဝဲလၢ တၢ်သူၣ်အုးသးအုးအပူၤလၢဝ့ၢ်နဘိဒီးဝ့ၢ်မ့ဒဘၤတဖၣ်အဃိလီၤ. အဝဲသ့ၣ်လူၤကွံာ်အခိၣ်တဖၣ်ဒီးအခၣ်ဆူၣ်တဖၣ်လၢတၢ်သူၣ်အုး သးအုးအပူၤလီၤ.

လံာ်ယံးရမံယၤ 16:6

ပှၤထူးပှၤတီၤဒီးပှၤဖှီၣ်ဖိယာ်ဖိကသံလၢထံကီၢ်အံၤအပူၤ, ဘၣ်ဆၣ် ပှၤတခူၣ်လီၤအဝဲသ့ၣ်မ့ၢ်ဂ့ၤ, ဟီၣ်တၢ်ယၢၤတၢ်လၢအဝဲသ့ၣ်အဂီၢ် မ့ၢ်ဂ့ၤနီတဂၤဘၣ်. ပှၤတဂဲာ်လီၤအသးမ့ၢ်ဂ့ၤ, လူၤအခိၣ်လၢတၢ်ဒုးနဲၣ်အတၢ်သးအုးအဃိမ့ၢ်ဂ့ၤနီတဂၤဘၣ်.

လံာ်ယံးရမံယၤ 41:5

ပှၤအဂၤဃိးဆံဟဲတုၤဝဲလၢ ဝ့ၢ်ၡက့ၣ်, ဝ့ၢ်ၡံလိၤ, ဒီးဝ့ၢ်ၡၤမရံလီၤ. အဝဲသ့ၣ် လူၤကွံာ်အခၣ်ဆူၣ်, ဖှီယာ်အကူအသိးတဖၣ်, ဒီးဂဲာ်လီၤအသးန့ၣ်လီၤ. အဝဲသ့ၣ်လဲၤစိာ်ဘုခ့ဒီး တၢ်နၢမူလၢ ကလုၢ်ထီၣ်တၢ်လၢ ယွၤအတၢ်လုၢ်ဟံၣ်ပူၤအဂီၢ်လီၤ.

လံာ်ယံးရမံယၤ 48:37

အဝဲသ့ၣ်ခဲလၢာ်န့ၣ်, လူၤကွံာ်အခိၣ်တဖၣ်ဒီး တံာ်ကွံာ်အခၣ်ဆူၣ်တဖၣ်လံ. အဝဲသ့ၣ်ခဲလၢာ်ဂဲာ်လီၤအစုတဖၣ်ဒီး ပှၤကိးဂၤဒဲးကူကၤ ထၢၣ်တၢ်ကံးယာ်န့ၣ်လီၤ.

လံာ်ယံးရမံယၤ 9:25

ယွၤစံးဝဲဒၣ်, “တၢ်ဆၢကတီၢ်ဟဲလံဝဲဖဲယကစံၣ်ညီၣ်ယပှၤဂီၢ်မုၢ် တဖၣ်လၢကီၢ်အဲၤကူပတူး, ကီၢ်ယူဒၤ, ကီၢ်အဒိၣ်, ကီၢ်ဧၤမိၣ်, ကီၢ်မိၤအးအပူၤ, ဒီးမဲးမုၢ်ခိၣ်အပှၤဂီၢ်မုၢ်လၢအတံာ်ဖုၣ်အခိၣ်သူ န့ၣ်လီၤ.

လံာ်ယဃ့းစက့လး 44:20

ပှၤလုၢ်တၢ်အခိၣ်တဖၣ်တဘၣ်လူၤအခိၣ်မ့ၢ်ဂ့ၤ, တဘၣ်ပာ်ထီအခိၣ်သူမ့ၢ်ဂ့ၤန့ၣ်ဘၣ်. အဝဲသ့ၣ်ကပာ်ဒၣ်အီၤထီဖဲအကြၢးဝဲဘၣ်ဝဲန့ၣ်လီၤ.

လံာ်ယဃ့းစက့လး 7:18

အဝဲသ့ၣ်ကကူထီၣ်ကၤထီၣ်ထၢၣ်တၢ်ကံးယာ်ဒီးအဝဲသ့ၣ်ကကနိး ကစုာ်ဝဲဒီဂၤညါန့ၣ်လီၤ. အခိၣ်တဖၣ်ကဘၣ်တၢ်လူၤကွံာ်အီၤ, ဒီးအဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:28

သုတဂဲာ်သုညၣ်လၢပှၤသံအဃိတဂ့ၤ. ဒီးသုတဆဲးတၢ်ပနီၣ်လၢသုလိၤတဂ့ၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 21:5

ပှၤလုၢ်တၢ်အခိၣ်မ်အသုတလူၤအခိၣ်မ့ၢ်ဂ့ၤ, တံာ်တဲာ်အခၣ်ဆူၣ်မ့ၢ်ဂ့ၤ, ဂဲာ်အဖံးအညၣ်မ့ၢ်ဂ့ၤလၢကပာ်ဖျါတၢ်သးအုးအပနီၣ်နီတဂၤန့ၣ်တဂ့ၤ.

လံာ်သိၣ်လီၤသီလီၤတၢ် 14:1

သုမ့ၢ်ယွၤသုကစၢ်ယွၤအပှၤဂီၢ်မုၢ်န့ၣ်လီၤ. လၢတၢ်န့ၣ်အဃိဖဲသုသူၣ်အုးသးအုးလၢတၢ်သံအဃိန့ၣ်, ဂဲာ်လီၤသုသးမ့ၢ်ဂ့ၤမၤလ့ၤသုခိၣ်တိသၣ်မ့ၢ်ဂ့ၤဒ်ပှၤဂီၢ် မုၢ်အဂၤမၤဝဲအသိးန့ၣ်တဂ့ၤ.