လံာ်တၢ်ဘူၣ်ထီၣ်ဘါထီၣ် 19:23 - Sgaw Karen Common Bible

²³ ဒီးတုၤသုလဲၤနုာ်လီၤဆူကီၢ်ကနၤဧၣ်အပူၤ, ဒီးသူၣ်လီၤတၢ်သူတၢ်သၣ်အမုၢ်တဖၣ်န့ၣ်သုဘၣ်ပာ်သ့ၣ်သၣ်တဖၣ် အံၤလၢအခီၣ်ထံးသၢနံၣ်န့ၣ်ဒ်တၢ်တကဆှီဘၣ်ဝဲန့ၣ်လီၤ. ဒီးအကတီၢ်ဝဲန့ၣ်န့ၣ်သုတဘၣ်အီၣ်အီၤဘၣ်.

လံာ်တၢ်ဘူၣ်ထီၣ်ဘါထီၣ် 19:23 Iomraidhean Croise

လံာ်တၢ်ဟးထီၣ်ကွံာ် 6:12

ဒီးစီၤမိၤၡ့စံးဆၢဝဲဒၣ်, “ပှၤအံၣ်စရ့လးဖိတဖၣ်ဒၣ်လဲာ် တဒိကနၣ်ယကလုၢ်ဘၣ်. ဒီးကီၢ်အဲၤကူပတူးအစီၤပၤကကနၣ် ယကလုၢ်ဒ်လဲၣ်. အဂ့ၢ်ဒ်အံၤယမ့ၢ်ပှၤလၢအကတိၤတၢ်တသ့ ဘၣ်တဂၤအဃိန့ၣ်လီၤ.”

လံာ်တၢ်ဟးထီၣ်ကွံာ် 6:30

ဘၣ်ဆၣ်စီၤမိၤၡ့စံးဆၢဝဲဒၣ်, “နသ့ၣ်ညါလၢယမ့ၢ်ပှၤလၢအကတိၤတၢ်တသ့ဘၣ်တဂၤလီၤ. ဒီးစီၤပၤကကနၣ်ယကလုၢ်ဒ်လဲၣ်.”

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 12:3

ဒီးလၢဃိးသီတသီန့ၣ်ဖိသၣ်ကဘၣ်တၢ်ကူးတရံးအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:22

ဒီးပှၤလုၢ်တၢ်အခိၣ်ကဘၣ်မၤတၢ်ဘူၣ်တၢ်ဘါအလုၢ် အလၢ်ဘၣ်ဃးတၢ်မၤကဆှီထီၣ်လၢကသုးကွံာ်ပိာ်ခွါန့ၣ်အတၢ်ဒဲးဘး, ဒီးကစၢ်ယွၤကပျၢ်အတၢ်ကမၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:24

ဒီးလၢလွံၢ်နံၣ်တနံၣ်န့ၣ်ကယဲၢ်တၢ်သၣ်ခဲလၢာ်ကကဲထီၣ်တၢ်စီ ဆှံလၢတၢ်စံးထီၣ်ပတြၢၤယွၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 23:14

ဒီးတချုးလၢသုဟဲစိာ်တၢ်လုၢ်မၤဘူၣ်အံၤဆူကစၢ်ယွၤအအိၣ်န့ၣ်, ကိၣ်ဂ့ၤ, ဘုဝဲာ်လၢမ့ၣ်အူဂ့ၤ, ဘုအစဲၤအသံကစဲာ်ဂ့ၤအီၣ်အီၤတဂ့ၤ. အအံၤမ့ၢ်တၢ်သိၣ်တၢ်ဘျၢလၢသုစၢၤသုသွဲၣ်ဘၣ်တိၢ်န့ၢ်မၤထွဲ အီၤအစိၤစိၤအဃၣ်ဃၣ်န့ၣ်လီၤ.

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.