လံာ်တၢ်ဘူၣ်ထီၣ်ဘါထီၣ် 19:19 - Sgaw Karen Common Bible

¹⁹ တိၢ်န့ၢ်ယတၢ်မၤလိာ်တဖၣ်တက့ၢ်. ဒုးဒၢထီၣ်သုဆၣ်ဖိကီၢ်ဖိလၢအကလုာ်လီၤဆီလိာ်အသးန့ၣ်တဂ့ၤ. ဖှံလီၤတၢ်ချံခံမံၤလၢအလီၤဆီလိာ်အသးလၢသုစံာ်ပူၤတဂ့ၤ. ဒီးကူထီၣ်သိးထီၣ်တၢ်ကူတၢ်သိးလၢအဘၣ်တၢ်မၤအီၤလၢလုၣ်လီၤ ဆီလိာ်အသးခံမံၤန့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 19:19 Iomraidhean Croise

လံာ်တၢ်ကဲထီၣ်အခီၣ်ထံး 36:24

စီၤစံးဘဧိၣ်အိၣ်ဒီးအဖိခွါခံဂၤလၢအမ့ၢ်ဝဲစီၤအၤယၤဒီး စီၤဧနၤလီၤ. (အဝဲအံၤမ့ၢ်စီၤဧနၤလၢအထံၣ်န့ၢ်ထံကိၢ်ထီၣ်ပၢၢ်တဖၣ်လၢပှၢ် မုၢ်ကနၢအပူၤဖဲအဝဲကွၢ်အပၢ်အကသ့ၣ်ယီၤတဖၣ်အခါန့ၣ်လီၤ.)

လံာ်စီၤၡမူၤအ့လးခံဘ့ၣ်တဘ့ၣ် 13:29

လၢတၢ်န့ၣ်အဃိတၢ်ခ့တၢ်ပှၤတဖၣ်မၤထွဲစီၤအၤဘၡါလိၣ်အတၢ်မၤလိာ်ပိာ်လီၤတဖၣ် ဒီးမၤသံကွံာ်စီၤအၤမနိၣ်န့ၣ်လီၤ. ကယဲၢ်စီၤဒၤဝံးအဖိခွါအဂၤတဖၣ်ဒိးထီၣ်အကသ့ၣ်ဒီးထွးထီၣ်ဃ့ၢ်ကွံာ်ဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:9

သတူၢ်ကလာ်, စီၤအးဘၡါလိၣ်ဘၣ်သဂၢၢ်လိာ်သးဒီးစီၤဒၤဝံးအပှၤတနီၤန့ၣ်လီၤ. စီၤအးဘၡါလိၣ်ဒိးဝဲကသ့ၣ်လၤတဒု, ဒီးဖဲကသ့ၣ်န့ၣ်လဲၤတၢ်လၢသ့ၣ်သ့ထိးဖးဒိၣ်တထံးအဖီလာ်အခါန့ၣ်, စီၤအးဘၡါလိၣ်အခိၣ်သူဘၣ်ဘျးဒီးသ့ၣ်ဒ့တဖၣ်လီၤ. ကသ့ၣ်လၤဃ့ၢ်ဆူညါဒီးစီၤအးဘၡါလိၣ်အိၣ်လီၤစဲၤတ့ၢ်လၢတၢ်ဖးဖီန့ၣ်လီၤ.

လံာ်စီၤပၤအခီၣ်ထံးတဘ့ၣ် 1:33

အဝဲစံးဘၣ်အဝဲသ့ၣ်, “ကိးဃုာ်ယကွီၢ်အပဒိၣ်ပပှၢ်တဖၣ်ဒီးသု, ဒုးဒိးထီၣ်ယဖိခွါစီၤၡလိၤမိၤလၢယကသ့ၣ်လၤဒၣ်ယဲဒီးလဲၤ ယုၤဒီးကဟုကယာ်အီၤတုၤလီၤဆူထံကီၢ်အထံမူထီၣ်ပၢၢ်,

လံာ်စီၤဧ့စြၤ 2:66

ကသ့ၣ်တဖၣ်, နွံကယၤသၢဆံဃု ဒု, ကသ့ၣ်လၤတဖၣ်, ခံကယၤလွံၢ်ဆံယဲၢ် ဒု,

လံာ်တၢ်ဘူၣ်ထီၣ်ဘါထီၣ် 18:4

ဒိကနၣ်မၤထွဲယတၢ်သိၣ်တၢ်သီ, ဒီးမၤတၢ်လၢယမၤလိာ်သု န့ၣ်တက့ၢ်. ယဲဒၣ်အံၤယမ့ၢ်ယွၤသုကစၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:37

ဒီးသုဘၣ်တိၢ်န့ၢ်ယတၢ်မၤလိာ်ဒီးယတၢ်သိၣ်တၢ်သီတဖၣ်န့ၣ်လီၤ. ယဲဒၣ်အံၤယမ့ၢ်ယွၤန့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 20:8

သုဘၣ်တိၢ်န့ၢ်ယတၢ်သိၣ်တၢ်သီတဖၣ်န့ၣ်လီၤ. အဂ့ၢ်ဒ်အံၤ, ယမ့ၢ်ယွၤလၢအမၤစီဆှံသုလီၤ.

လံာ်တၢ်ဘူၣ်ထီၣ်ဘါထီၣ် 22:31

ဒီးသုဘၣ်တိၢ်န့ၢ်ယတၢ်မၤလိာ်တဖၣ်ဒီးမၤအီၤလီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 25:18

ဒီးသုဘၣ်တိၢ်န့ၢ်ယွၤအတၢ်မၤလိာ်ဒီးအတၢ်သိၣ်တၢ်သီတဖၣ်ဒ်သိး သုကအိၣ်ဂၢၢ်ဆိးကျၢၤလၢကီၢ်ပူၤန့ၣ်လီၤ.

လံာ်လူၤကၣ် 5:36

ယ့ၣ်ၡူးစံးဘၣ်တဲဘၣ်စ့ၢ်ကီးအဝဲသ့ၣ်လၢတၢ်ကတိၤဒိ တထံၣ်အံၤလီၤ. “ပှၤတဖှီယာ်ကွံာ်တၢ်ကံးယာ်အက့တက့လၢ ဆ့ကၤအသီတဘ့ၣ်အလိၤဒ်သိးအကဆးကျးဆ့ကၤအလီၢ်လံၤ တဘ့ၣ်အဂီၢ်န့ၣ်နီတဂၤဘၣ်. မ့ၢ်မၤဝဲဒ်န့ၣ်ဒီး, အဝဲကမၤယာ်ဘၣ်ဆ့ကၤအသီ, ဒီးတၢ်ကံးယာ်အက့လၢအသီတက့န့ၣ်, တဘၣ်လိာ်အသးဒီးတၢ်အလီၢ်လံၤန့ၣ်ဘၣ်လီၤ.

ရိမ့ၤ 11:6

အတၢ်ဃုထၢအံၤသန့ၤထီၣ်အသးလၢအဘျုးအဖှိၣ်ဒီး တမ့ၢ်လၢတၢ်လၢအဝဲသ့ၣ်မၤတ့ၢ်လံဝဲတဖၣ်အဖီခိၣ်ဘၣ်. အဂ့ၢ်ဒ်လဲၣ်န့ၣ်, ကစၢ်ယွၤအတၢ်ဃုထၢမ့ၢ်သန့ၤထီၣ်အသး လၢတၢ်လၢပှၤကညီမၤတ့ၢ်လံဝဲတဖၣ်အဖီခိၣ်ဒီးအဘျုး အဖှိၣ်ဝဲန့ၣ်တမ့ၢ်အဘျုးအဖှိၣ်အမ့ၢ်အတီလၢၤဘၣ်.

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.