လံာ်တၢ်ဘူၣ်ထီၣ်ဘါထီၣ် 19:15 - Sgaw Karen Common Bible

¹⁵ လၢတၢ်စံၣ်ညီၣ်အပူၤန့ၣ်မၤတၢ်တတီတလိၤတဂ့ၤ. ကွၢ်မဲာ်ပှၤဖှီၣ်ဖိဒီးပျံၤပှၤထူးပှၤတီၤတဂ့ၤ. သုဘၣ်စံၣ်ညီၣ်ပှၤလၢသုဃၢၤတီတီလိၤလိၤလီၤ.

လံာ်တၢ်ဘူၣ်ထီၣ်ဘါထီၣ် 19:15 Iomraidhean Croise

လံာ်စီၤယိၤဘး 13:8

မ့ၢ်သုဂုာ်ကျဲးစၢးလၢသုကဒီဒၣ်အိၣ်ပှိၤအီၤဧါ. မ့ၢ်သုကလိာ်ကွီၢ်လၢအဂီၢ်န့ၣ်ဧါ.

လံာ်စီၤယိၤဘး 32:21

ယတပာ်ဖျါထီၣ်တၢ်ကွၢ်မဲာ်ဆူပှၤတဂၤဂၤမ့ၢ်ဂ့ၤ, စံးထီၣ်ပတြၢၤထးခိၣ်ဖံးလာ်ပှၤတဂၤဂၤမ့ၢ်ဂ့ၤန့ၣ်ဘၣ်.

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

စံးထီၣ်ပတြၢၤ 82:2

“မ့ၢ်သုကအိၣ်ပှိၤပှၤတတီတလိၤဒီး ဒုးနဲၣ်သုတၢ်ကွၢ်မဲာ်ပှၤအၢပှၤသီန့ၣ်ဆံးယံာ်ဒံးလဲၣ်. စ့လၤ

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

တၢ်ကတိၤဒိ. 18:5

တၢ်ကွၢ်မဲာ်ပှၤမၤကမၣ်တၢ်ဒီးတၢ်တြီဃာ်ပှၤလၢအတၢ်ကမၣ် တအိၣ်ဘၣ်တဂၤလၢကဒိးန့ၢ်တၢ်စံၣ်ညီၣ်တီအဂီၢ်န့ၣ်, မ့ၢ်တၢ်လၢအတဘၣ်ဘၣ်လီၤ.

တၢ်ကတိၤဒိ. 24:23

ပှၤကူၣ်သ့တဖၣ်ကတိၤတ့ၢ်စ့ၢ်ကီးတၢ်သ့ၣ်တဖၣ်အံၤလီၤ. စံၣ်ညီၣ်ကွီၢ်တဂၤလၢအဆိကမိၣ်ပာ်စၢၤတၢ်လၢတၢ်ထံၣ်တဆှံဘၣ် အပူၤန့ၣ်, မ့ၢ်တၢ်လၢအကမၣ်လီၤ.

တၢ်ကတိၤဒိ. 31:9

ကတိၤတၢ်လၢအဝဲသ့ၣ်အဂီၢ်ဒီးကဲထီၣ်စံၣ်ညီၣ်ကွီၢ်လၢအတီ တဂၤတက့ၢ်. ဒီဒၣ်အိၣ်ပှိၤပှၤဖှီၣ်ဖိဒီးပှၤလၢအတၢ်တအိၣ်တဖၣ်အတၢ်ခွဲး တၢ်ယာ်တဖၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 19:35

သုတမၤတၢ်တတီတလိၤလၢပှၤနီတဂၤလၢနီၣ်ထိၣ်မ့ၢ်ဂ့ၤ, စီၤပီၢ်မ့ၢ်ဂ့ၤ, ဒီးနီၣ်ဃီၣ်တၢ်မ့ၢ်ဂ့ၤန့ၣ်တဂ့ၤ.

လံာ်ယိၤဟၣ် 7:24

တဘၣ်စံၣ်ညီၣ်ပှၤဒ်တၢ်အိၣ်ဖျါအသိးလၢၤတဂ့ၤ. မ့မ့ၢ်စံၣ်ညီၣ်တၢ်ဒ်တၢ်မ့ၢ်တၢ်တီအိၣ်ဝဲအသိးန့ၣ် တက့ၢ်.”

မၤတၢ် 23:3

စီၤပီလူးစံးဘၣ်အီၤ, “ကစၢ်ယွၤကတီၢ်သုသပှၢ်ကတၢၢ်လီၤ. တၢ်ဒူၣ်လၢအဖှူဝါအသးဧၢ, သုဆ့ၣ်နီၤဖဲန့ၣ်ဒ်သိးသုကစံၣ်ညီၣ်ယကွီၢ်ဒ်တၢ်သိၣ်တၢ်သီနဲၣ်ကျဲ အသိးလီၤ. ဘၣ်ဆၣ်ဒီးသုလုၣ်သ့ၣ်ခါပတာ်တၢ်သိၣ်တၢ်သီခီဖျိ သုဟ့ၣ်လီၤသုကလုၢ်လၢအဝဲသ့ၣ်ကတီၢ်ယၤအဂီၢ်လီၤ.”

လံာ်သိၣ်လီၤသီလီၤတၢ် 1:17

ယတဲအဝဲသ့ၣ်လၢ, အသုတကွၢ်မဲာ်တၢ်လၢအတၢ်စံၣ်ညီၣ်တဖၣ်အပူၤတ ဂ့ၤ. လၢတၢ်စံၣ်ညီၣ်အပူၤန့ၣ်ကဘၣ်ဒိကနၣ်ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤဒ်သိးသိးန့ၣ်လီၤ. တဘၣ်ပျံၤဘၣ်ပှၤနီတဂၤဘၣ်. အဂ့ၢ်ဒ်အံၤ, တၢ်စံၣ်ညီၣ်တဲာ်တဖၣ်လၢ အမၤဝဲန့ၣ်ဟဲလၢကစၢ်ယွၤအအိၣ်လီၤ. တၢ်ဂ့ၢ်တမံၤဂ့ၤတမံၤဂ့ၤမ့ၢ်ကီကဲာ်ဆိးလၢအဂီၢ်န့ၣ်, ကဘၣ်ဟဲစိာ်ဝဲဆူယအိၣ်လီၤ. ဒီးယကစံၣ်ညီၣ်တဲာ်အီၤန့ၣ်လီၤ.

လံာ်သိၣ်လီၤသီလီၤတၢ် 10:17

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

လံာ်သိၣ်လီၤသီလီၤတၢ် 16:19

တၢ်စံၣ်ညီၣ်တတီတဘၣ်အိၣ်ဒီးအဝဲသ့ၣ်မ့ၢ်ဂ့ၤ, အဝဲသ့ၣ်တဘၣ်အိၣ်ဒီးတၢ်ကွၢ်မဲာ်မ့ၢ်ဂ့ၤလၢအတၢ်စံၣ်ညီၣ်တဖၣ် အပူၤဘၣ်. ဒီးအဝဲသ့ၣ်တဘၣ်တူၢ်လိာ်ခိၣ်ဖးလာ်ဆှိးဘၣ်. အဂ့ၢ်ဒ်အံၤ, ခိၣ်ဖးတဖၣ်န့ၣ်မၤဘျီၣ်ပှၤကူၣ်သ့ဒီးပှၤတီပှၤလိၤတဖၣ်အမဲာ်, ဒီးဒုးကဲထီၣ်အဝဲသ့ၣ်လၢပှၤဟ့ၣ်လီၤတၢ် စံၣ်ညီၣ်လၢအတတီတဖၣ်န့ၣ်လီၤ.

လံာ်သိၣ်လီၤသီလီၤတၢ် 27:19

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအထုးထီၣ်ကွံာ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်လၢအဝဲသ့ၣ်အတၢ်ခွဲးတၢ်ယာ် တဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”