လံာ်တၢ်ဘူၣ်ထီၣ်ဘါထီၣ် 19:13 - Sgaw Karen Common Bible

¹³ သုတအီၣ်ကဘျံးကဘျၣ်ပှၤလၢသုဃၢၤအတၢ်တဂ့ၤ, ဂုာ်န့ၢ်အတၢ်တဂ့ၤ. ပှၤလၢအဒိးလဲအသးတဂၤအဘူးအလဲ န့ၣ်ဒုးအိၣ်ဒီးနၤသီတနၤကျၢၤတုၤမုၢ်ဆ့ၣ်ထီၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 19:13 Iomraidhean Croise

လံာ်စီၤယိၤဘး 17:5

တၢ်ကတိၤဒိလၢပျၢၤစံးဝဲလၢ, ပှၤလၢအဟ့ၣ်လီၤကွံာ်အတံၤသကိးတဖၣ်လၢကဒိးန့ၢ်ဘၣ်စ့ အဂီၢ်န့ၣ်, အဖိအလံၤတဖၣ်ကတူၢ်ဘၣ်က့ၤတၢ်လၢတၢ်န့ၣ် အဃိလီၤ.

လံာ်စီၤယိၤဘး 31:39

ယမ့ၢ်အီၣ်တ့ၢ်တၢ်အီၣ်လၢအမဲထီၣ်တ့ၢ်ဖဲန့ၣ်, ဒီးပျဲပှၤထဲၣ်တၢ် တဖၣ်သၣ်ဝံၤလီၤဒိန့ၣ်ဒီး,

လံာ်စီၤယိၤဘး 7:2

ဒ်ကုၢ်တဂၤလၢအဆၢန့ၢ်တၢ်ကဒုအသိး, ဒီးဒ်ပှၤမၤတၢ်ဖိတဂၤလၢ အခိးကွၢ်လၢ်အဘူးအလဲအသိးန့ၣ်လီၤ.

လံာ်တၢ်ဟးထီၣ်ကွံာ် 20:15

ဟုၣ်တၢ်တဂ့ၤ.

လံာ်တၢ်ဟးထီၣ်ကွံာ် 22:13

မ့ၢ်ဘၣ်တၢ်မၤသံအီၤလၢဆၣ်ဖိကီၢ်ဖိအမံၤတဖၣ်ဒီး, ပှၤတဂၤန့ၣ်ကဘၣ်ဟဲက့ၤစိာ်တၢ်အိၣ်လီၤတဲာ်တဖၣ်လၢတၢ်အုၣ်သး အဂီၢ်လီၤ. အဝဲလိးက့ၤတၢ်လၢအဘၣ်တၢ်မၤသံအီၤလၢဆၣ်ဖိကီၢ်ဖိ အမံၤတဖၣ်အဃိအလီၢ်တအိၣ်ဘၣ်.

လံာ်တၢ်ဟးထီၣ်ကွံာ် 22:15

ဘၣ်ဆၣ်ဒီးတၢ်မ့ၢ်မၤအသးဖဲအကစၢ်အမဲာ်ညါဒီးပှၤတဂၤန့ၣ်လိး က့ၤတၢ်အလီၢ်တအိၣ်ဘၣ်. မ့မ့ၢ်ဆၣ်ဖိကီၢ်ဖိတဒုလၢတၢ်ဒိးလဲအီၤအိၣ်ဒီးအဘူးအလဲ အဃိဒီးတၢ်လီၤမၢ်န့ၣ်တူာ်ကွံာ်ဝဲဒၣ်လၢတၢ်ဒိးလဲအပှ့ၤန့ၣ်လီၤ.

လံာ်တၢ်ဟးထီၣ်ကွံာ် 22:21

မၤတရီတပါမ့တမ့ၢ်မၤနးမၤဖှီၣ်ပှၤတခီဘီမုၢ်ဖိတဂၤန့ၣ်တဂ့ၤ. သ့ၣ်နီၣ်ထီၣ်လၢသုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ် အဲၤကူပတူးအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 22:7

ပှၤတဂၤမ့ၢ်ဘၣ်သူၣ်ဘၣ်သးလၢကပၢၤဃးန့ၢ်ပှၤအဂၤတဂၤအတိၢ်မ့ၢ် ဂ့ၤ, တၢ်လုၢ်ဒိၣ်ပှ့ၤဒိၣ်အဂၤတဖၣ်မ့ၢ်ဂ့ၤ, ဒီးတၢ်တဖၣ်န့ၣ်မ့ၢ်ဘၣ်တၢ် ဟုၣ်ကွံာ်အီၤလၢအဝဲအဟံၣ်ပူၤဒီးတၢ်ဘျၣ်န့ၣ်မ့ၢ်ဘၣ်တၢ်ထံၣ် န့ၢ်အီၤဒီးတၢ်ဘျၣ်ကဘၣ်လိးက့ၤဝဲခံစးလီၤ.

တၢ်ကတိၤဒိ. 20:10

ယွၤသးဘၣ်အၢပှၤတဖၣ်လၢအသူစီၤပီၢ်သၣ်ဒီးနီၣ်ထိၣ်တၢ်လၢ အတတီတလိၤတဖၣ်န့ၣ်လီၤ.

တၢ်ကတိၤဒိ. 22:22

မ့ၢ်လၢနမၤသ့အဃိဒီး, ဃုမၤဘျုးနသးလၢပှၤဖှီၣ်ဖိယာ်ဖိ တဖၣ်အဖီခိၣ်တဂ့ၤ. ပှၤလၢအဆၢထၢၣ်လၢကွီၢ်ဘျီၣ်ဒီးမၤစၢၤလီၤ က့ၤအသးတသ့တဖၣ်န့ၣ်, ဃုမၤဘျုးနသးလၢအဖီခိၣ်တဂ့ၤ.

တၢ်ကတိၤဒိ. 3:28

နမၤစၢၤအီၤခဲအံၤမ့ၢ်သ့ဒီး, တဲပှၤလၢနဃၢၤနီတစုလၢအကအိၣ်ခိးဝဲ တုၤခဲမုၢ်ဆ့ၣ်တဂ့ၤ.

လံာ်ယံးရမံယၤ 22:13

ပှၤတဂၤလၢအသူၣ်ထီၣ်အဟံၣ်လၢတၢ်စံၣ်ညီၣ်တတီဘၣ်အပူၤ, ဒီးမၤလဲၢ်ထီၣ်အီၤလၢတၢ်တတီတလိၤအပူၤ, ပှၤတဂၤလၢအမၢအထံဖိကီၢ်ဖိမၤတၢ် ဒီးတဟ့ၣ်ဘူးဟ့ၣ်လဲဝဲဘၣ်န့ၣ်, ကဘၣ်တၢ်စံၣ်ညီၣ်ဃါမနၤလီၤ.

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယဃ့းစက့လး 18:7

အဝဲတလီန့ၢ်ပှၤနီတဂၤမ့ၢ်ဂ့ၤ, တဂုာ်န့ၢ်ပှၤနီတဂၤမ့ၢ်ဂ့ၤအတၢ်ဘၣ်. တၢ်လၢပှၤဃ့လိၢ်တၢ်တဂၤဟ့ၣ်အီၤဒ်တၢ်အုၣ်ကီၤအသိးန့ၣ်, အဝဲဟ့ၣ်ကဒါက့ၤဝဲလီၤ. အဝဲဟ့ၣ်အီၣ်ပှၤလၢတၢ်သၣ်ဝံၤအသးဒီး ဒုးကူဒုးသိးဆူပှၤလၢအအိၣ်ဘ့ၣ်ဆ့န့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 22:29

ပှၤထူးပှၤတီၤတဖၣ်လီတၢ်ဒီးဂုာ်ဆူၣ်ပျီဆူၣ်တၢ်န့ၣ်လီၤ. အဝဲသ့ၣ်မၤနးမၤဖှီၣ်ပှၤဖှီၣ်ဖိယာ်ဖိတဖၣ်ဒီးဃုအဘျုး အဖှိၣ်ဒၣ်ဝဲလၢပှၤတခီဘီမုၢ်ဖိတဖၣ်အဖီခိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:14

မၤသးဒ်န့ၣ်ဒီးဖဲသုဆါလီၤကွံာ်ဟီၣ်ခိၣ်ဆူပှၤအံၣ်စရ့လးဖိကဒဲကဒဲမ့ၢ်ဂ့ၤ, သုပှ့ၤဟီၣ်ခိၣ်လၢအအိၣ်မ့ၢ်ဂ့ၤမၤအီၤတတီတလိၤတဂ့ၤ.

လံာ်တၢ်ဘူၣ်ထီၣ်ဘါထီၣ် 25:17

ဒီးမၤတတီတလိၤလိာ်သုသးတဂ့ၤ. မ့မ့ၢ်ပျံၤသုကစၢ်ယွၤတက့ၢ်. အဂ့ၢ်ဒ်အံၤ, ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:3

ကတိၤကဘျံးကဘျၣ်ဘၣ်ဃးတၢ်လၢအဟါမၢ်ဒီးဆိၣ်လီၤ အသးလၢအတထံၣ်ဝဲန့ၣ်ကဘၣ်လုၢ်ထီၣ်ပာ်ထီၣ်တၢ်န့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မးသဲ 20:8

တုၤမုၢ်ဟါလီၤဒီး, စပံးလီၢ်အကစၢ်စံးဘၣ်အပှၤကွၢ်ထွဲတၢ်မၤအခိၣ် တဂၤဒီးစံး, ‘ကိးန့ၢ်ပှၤမၤတၢ်ဖိတဖၣ်, ဒီးဟ့ၣ်လီၤအီၤလၢအဘူးအလဲ, စးထီၣ်လၢပှၤဟဲတုၤလၢခံကတၢၢ်တဂၤ, တုၤလီၤလၢပှၤဟဲတုၤလၢညါကတၢၢ်တဂၤတက့ၢ်.’

လံာ်မၢ်ကူး 10:19

ယွၤအတၢ်မၤလိာ်တဖၣ်နသ့ၣ်ညါနဲလီၤ. မၤသံပှၤကညီတဂ့ၤ, အဲၣ်ဘၢမါအဲၣ်ဘၢဝၤတဂ့ၤ, ဟုၣ်တၢ်တဂ့ၤ, အုၣ်နသးကဘျံးကဘျၣ်လၢပှၤအဂ့ၢ်တဂ့ၤ, လီအီၣ်ပှၤဂၤတဂ့ၤ, ယူးယီၣ်နမိၢ်နပၢ်တက့ၢ်.”

လံာ်လူၤကၣ် 3:13

အဝဲဒၣ်စံးဘၣ်အဝဲသ့ၣ်, “တဘၣ်ထၢတၢ်အခိအသွဲအါန့ၢ် တၢ်သိၣ်တၢ်သီဟ့ၣ်စိဟ့ၣ်ကမီၤသုတဂ့ၤ.”

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

၁ တံၤမသ့း 5:18

အဂ့ၢ်ဒ်အံၤ, တၢ်ကွဲးအသးစံးဝဲဒၣ်, “ဂီၤဖံးလၢအယီၢ် ဘုန့ၣ်, သုတဖျီၣ်ပသံးဃာ်အထးခိၣ်တဂ့ၤ.” ဒီး “ပှၤမၤတၢ်ဖိတဂၤန့ၣ်, ကြၢးန့ၢ်ဘၣ်အဘူးအလဲလီၤ.”

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.