လံာ်တၢ်ဘူၣ်ထီၣ်ဘါထီၣ် 19:12 - Sgaw Karen Common Bible

¹² တၢ်အၢၣ်လီၤအီလီၤလၢသုမၤလၢပှဲၤအီၤတန့ၢ်န့ၣ်အၢၣ်လီၤအီ လီၤလၢယမံၤအပူၤတဂ့ၤ. တၢ်န့ၣ်မ့ၢ်တၢ်မၤမဲာ်ဆှးယမံၤန့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:12 Iomraidhean Croise

စံးထီၣ်ပတြၢၤ 15:4

အဝဲသ့ၣ်တပာ်ကဲပှၤလၢယွၤညိကွံာ်အီၤတဖၣ်ဘၣ်, ဘၣ်ဆၣ်ယူးယီၣ်ပှၤတဖၣ်လၢအပျံၤယွၤန့ၣ်လီၤ. လၢအတၢ်ဆိၣ်လီၤအသးအပူၤ, တၢ်အၢမ့ၢ်ဘၣ်က့ၤအီၤဒၣ်လဲာ်, မၤဝဲဒ်အအၢၣ်လီၤဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 20:7

သူယမံၤလၢတၢ်တိာ်အအၢအသီတဖၣ်အဂီၢ်တဂ့ၤ. အဂ့ၢ်ဒ်အံၤယၤ, ယွၤ, သုကစၢ်ယွၤ, ကစံၣ်ညီၣ်ပှၤတဂၤလၢ်လၢ်လၢအသူကမၣ်ယမံၤန့ၣ်လီၤ.

လံာ်ယၡါယၤ 48:1

ကီၢ်အံၣ်စရ့လးအပှၤဂီၢ်မုၢ်, သုဝဲလၢအဟဲလီၤစၢၤလၢ စီၤယူဒၤသ့ၣ်ဧၢ, ဒိကနၣ်တၢ်အံၤတက့ၢ်. သုဆိၣ်တၢ်လၢယွၤအမံၤ ဒီးစံးလၢသုကဘူၣ်ထီၣ်ဘါထီၣ် ကီၢ်အံၣ်စရ့လးအကစၢ်ယွၤလီၤ. ဘၣ်ဆၣ်ဒီးသုတမၤအီၤဒ်သုကတိၤတၢ် အသိးန့ၣ်ဘၣ်.

လံာ်ယံးရမံယၤ 34:16

ဘၣ်ဆၣ်ဒီး, သုလဲလိာ်ကွံာ် ကဒီးသုတၢ်ပာ်သူၣ်ပာ်သးဒီး မၤတရီတပါယမံၤလီၤ. သုဝဲခဲလၢာ်သုဟံးန့ၢ်ကဒါက့ၤ ကုၢ်တဖၣ်လၢ သုပျၢ်ဖျဲးတ့ၢ်လံအီၤဒ် အဝဲသ့ၣ်အသးအိၣ်ဝဲအသိး, ဒီးသုမၤဆူၣ် အဝဲသ့ၣ်လၢ ကကဲကဒီးကုၢ်တဘျီန့ၣ်လီၤ.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယံးရမံယၤ 5:2

သုမ့ၢ်စံးလၢသုဘူၣ်ထီၣ်ဘါထီၣ်ယွၤဒၣ်လဲာ်န့ၣ်, မ့ၢ်ဒၣ်သုကတိၤတၢ်ကလီကလီန့ၣ်လီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:21

ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:3

ကယဲၢ်ပှၤတဂၤလၢ်လၢ်လၢအဟ့ၣ်လီၤအဖိတဂၤဂၤဆူကစၢ်မိလးဒီးမၤ တကဆှီယလီၢ်စီဆှံဒီးမၤဘၣ်အၢယမံၤစီဆှံန့ၣ်ယ ကထီဒါအီၤဒီးကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤ ဂီၢ်မုၢ်အကျါလၢၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 6:3

ကတိၤကဘျံးကဘျၣ်ဘၣ်ဃးတၢ်လၢအဟါမၢ်ဒီးဆိၣ်လီၤ အသးလၢအတထံၣ်ဝဲန့ၣ်ကဘၣ်လုၢ်ထီၣ်ပာ်ထီၣ်တၢ်န့ၣ်လီၤ.

လံာ်စကၤရယၤ 5:3

အန့ၣ်ဒီးကလူးန့ၣ်စံးဘၣ်ယၤ, “လၢလံာ်ထူလိၤန့ၣ်, တၢ်ဆိၣ်အၢလၢကလီၤဘၣ်ထံကီၢ်ဒီတဘ့ၣ်န့ၣ်အိၣ် ကွဲးလီၤအသးလီၤ. လၢလံာ်ထူတကပၤန့ၣ်, တၢ်ကွဲးအသးစံးဝဲလၢကယဲၢ်တၢ်ဘျၣ်တဂၤလၢ် လၢ်န့ၣ်, ကဘၣ်တၢ်မၤဟးဂီၤကွံာ်အီၤလၢထံကီၢ်အပူၤ, ဒီးလၢအဂၤတကပၤန့ၣ်, တၢ်ကွဲးအသးစံးဝဲလၢပှၤလၢအကတိၤကဘျံး ကဘျၣ်တၢ်လၢတၢ်ဆိၣ်လီၤသးအပူၤတဂၤလၢ်လၢ်န့ၣ်, တၢ်ကမၤဟးဂီၤကွံာ်အီၤစ့ၢ်ကီးလီၤ.

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်သိၣ်လီၤသီလီၤတၢ် 5:11

သူယမံၤလၢတၢ်အၢတၢ်သီအတၢ်တိာ်ပာ်တဖၣ်အဂီၢ်တဂ့ၤ. အဂ့ၢ်ဒ်အံၤ, ယၤယွၤ, သုကစၢ်ယွၤအံၤ, ကစံၣ်ညီၣ်ပှၤတဂၤလၢ်လၢ်လၢ အသူကမၣ်ယမံၤန့ၣ်လီၤ.

ယၤကိာ် 5:12

ယဒီပုၢ်ဝဲၢ်သ့ၣ်ဧၢ, လၢတၢ်ခဲလၢာ်အဖီခိၣ်တဘၣ်သူတၢ်ဆိၣ်လီၤ သုသးဖဲသုအၢၣ်လီၤတၢ်တမံၤမံၤအခါန့ၣ်တဂ့ၤ. တဘၣ်ဆိၣ်လီၤသုသးလၢမူခိၣ်မ့တမ့ၢ်ဟီၣ်ခိၣ်, မ့တမ့ၢ်တၢ်အဂၤတမံၤမံၤအမဲာ်ညါန့ၣ်တဂ့ၤ. တၢ်မ့မ့ၢ်ဘၣ်နၤဒီးစံး “မ့ၢ်” ဒီးတၢ်မ့တမ့ၢ်ဘၣ်နၤဒီးစံး “တမ့ၢ်ဘၣ်” န့ၣ်တက့ၢ်. အန့ၣ်ဒီးကစၢ်ယွၤအတၢ်စံၣ်ညီၣ်တလီၤဘၣ်သုန့ၣ်ဘၣ်လီၤ.