လံာ်တၢ်ဘူၣ်ထီၣ်ဘါထီၣ် 19:11 - Sgaw Karen Common Bible

¹¹ သုတဟုၣ်တၢ်တဂ့ၤ, ဒီးသုတလီတၢ်တဂ့ၤ, ဒီးသုတကတိၤကဘျံးကဘျၣ်လိာ်သုသးတဂ့ၤ.

လံာ်တၢ်ဘူၣ်ထီၣ်ဘါထီၣ် 19:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:20

စီၤအးဘၡါလိၣ်အသုးခိၣ်သုးနၢ်တဖၣ်ဟဲဆူဟံၣ်န့ၣ်ဒီးသံကွၢ် ပှၤပိာ်မုၣ်န့ၣ်, “စီၤယိၤနၤသၣ်ဒီးစီၤအဃံမ့ၤဧးအိၣ်ဖဲလဲၣ်.” ပိာ်မုၣ်န့ၣ်စံးဆၢဝဲ, “အဝဲသ့ၣ်လဲၤခီဂာ်ကွံာ်ထံကျိလံ.” ပှၤတဖၣ်န့ၣ်လူၤဃုအဝဲသ့ၣ်ဘၣ်ဆၣ်ဒီးတထံၣ်ဘၣ်ဝဲဘၣ်. လၢတၢ်န့ၣ်အဃိ, အဝဲသ့ၣ်က့ၤကဒါက့ၤဆူဝ့ၢ်ယရူၤၡလ့ၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 13:18

အန့ၣ်ဒီးဝံသးပှၢ်လၢဝ့ၢ်ဘ့ၤသ့လးစံးဘၣ်အီၤ, “ယမ့ၢ်စ့ၢ်ကီးဝံတဂၤဒ်နၤအသိး, ဒီးဒ်ယွၤအတၢ်မၤလိာ်အ သိး, ကလူးတဂၤတဲဘၣ်ယၤလၢယကဘၣ်က့ၤကိးနၤဆူ ဟံၣ်ဒီးတူၢ်လိာ်ခီၣ်ဆၢနၤန့ၣ်လီၤ.” နီၢ်နီၢ်တခီဝံသးပှၢ်န့ၣ်လီတၢ်လီၤ.

စံးထီၣ်ပတြၢၤ 101:7

ပှၤလၢအလီတၢ်န့ၣ် တအိၣ်တဆိးဘၣ်လၢ ယနူၢ်ပူၤစီၤပူၤဘၣ်. ပှၤလၢအပာ်မၤအသးတဖၣ်န့ၣ် တအိၣ်တဆိးဘၣ်လၢယမဲာ်ညါနီတဂၤဘၣ်.

စံးထီၣ်ပတြၢၤ 116:11

ဒီးဖဲယပျံၤတၢ်ဒီးစံး, “ပနာ်န့ၢ်ပှၤတသ့နီတဂၤဘၣ်” အခါဒၣ်လဲာ်န့ၣ်လီၤ.

လံာ်တၢ်ဟးထီၣ်ကွံာ် 20:15

ဟုၣ်တၢ်တဂ့ၤ.

လံာ်တၢ်ဟးထီၣ်ကွံာ် 20:16

ဆှိးကဘျံးကဘျၣ်ပှၤနီတဂၤတဂ့ၤ.

လံာ်တၢ်ဟးထီၣ်ကွံာ် 20:17

သးကွံပှၤဂၤတဂၤအဟံၣ်တဂ့ၤ. သးကွံအမါ, အကုၢ်တဖၣ်, အဂီၤဘုၣ်ဂီၤဖံး, အကသ့ၣ်ယီၤတဖၣ်, ဒီးတၢ်တမံၤလၢ်လၢ်လၢအဘၣ် ဃးဒီးအီၤန့ၣ်တဂ့ၤ.”

လံာ်တၢ်ဟးထီၣ်ကွံာ် 22:1

ပှၤတဂၤမ့ၢ်ဟုၣ်န့ၢ်ကျီၢ်မိၢ်တဒုမ့ၢ်ဂ့ၤ, သိတဒုမ့ၢ်ဂ့ၤဒီး မၤသံအီၤမ့ၢ်ဂ့ၤ, ဆါကွံာ်အီၤမ့ၢ်ဂ့ၤန့ၣ်အဝဲကဘၣ်ဟ့ၣ်က့ၤကျီၢ် မိၢ်ယဲၢ်ဒုလၢကျီၢ်မိၢ်တဒုအဂီၢ်ဒီးသိလွံၢ်ဒုလၢသိတဒု အဂီၢ်လီၤ.

လံာ်တၢ်ဟးထီၣ်ကွံာ် 22:7

ပှၤတဂၤမ့ၢ်ဘၣ်သူၣ်ဘၣ်သးလၢကပၢၤဃးန့ၢ်ပှၤအဂၤတဂၤအတိၢ်မ့ၢ် ဂ့ၤ, တၢ်လုၢ်ဒိၣ်ပှ့ၤဒိၣ်အဂၤတဖၣ်မ့ၢ်ဂ့ၤ, ဒီးတၢ်တဖၣ်န့ၣ်မ့ၢ်ဘၣ်တၢ် ဟုၣ်ကွံာ်အီၤလၢအဝဲအဟံၣ်ပူၤဒီးတၢ်ဘျၣ်န့ၣ်မ့ၢ်ဘၣ်တၢ်ထံၣ် န့ၢ်အီၤဒီးတၢ်ဘျၣ်ကဘၣ်လိးက့ၤဝဲခံစးလီၤ.

လံာ်တၢ်ဟးထီၣ်ကွံာ် 23:1

ရၤလီၤတၢ်ကစီၣ်ဟူထီၣ်သါလီၤအကဘျံးကဘျၣ်တဖၣ်တဂ့ၤ. မၤစၢၤပှၤအိၣ်ဒီးတၢ်ကမၣ်တဂၤခီဖျိဟ့ၣ်တၢ်အုၣ်သးကဘျံးကဘျၣ်တဂ့ၤ.

တၢ်ကတိၤဒိ. 24:28

တၢ်အဂ့ၢ်အခၢးလၢအဂ့ၤအဘၣ်မ့ၢ်တအိၣ်ဘၣ်ဒီး, အုၣ်နသးထီဒါပှၤအဂၤတဂၤ, ဒီးကတိၤတၢ်လၢအကဆှၢ ကမၣ်တၢ်ဘၣ်ဃးဒီးအီၤတဂ့ၤ.

လံာ်ယံးရမံယၤ 6:13

ပှၤကိးဂၤဒဲးဆံးမ့ၢ်ဂ့ၤ, ဒိၣ်မ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်လီၤ.

လံာ်တၢ်ဘူၣ်ထီၣ်ဘါထီၣ် 19:10

ဒဲးစပံးသၣ်လၢသုစပံးလီၢ်တုၤအလၢာ်တဂ့ၤ. ထၢထီၣ်စပံးသၣ်လၢအလီၤဆှုတဖၣ်လၢသုစပံးလီၢ်ပူၤတုၤ အလၢာ်တဂ့ၤ. သုကဘၣ်ပာ်တီၢ်အီၤလၢပှၤဖှီၣ်ဖိယာ်ဖိဒီးပှၤတ ခီဘီမုၢ်ဖိတဖၣ်အဂီၢ်န့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”

အ့းဖ့းစူး 4:25

လၢတၢ်န့ၣ်အဃိ, တဘၣ်လီလၢၤတၢ်တဂ့ၤ. ပှၤကိးဂၤဒဲးကဘၣ်ကတိၤလိာ်သကိးအသးလၢတၢ်မ့ၢ်တၢ် တီ, မ့ၢ်လၢပဝဲခဲလၢာ်ပမ့ၢ်ခရံာ်အနီၢ်ခိအက့ၢ်အဂီၤသကိး သကိးအဃိန့ၣ်လီၤ.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 5:19

ဟုၣ်တၢ်တဂ့ၤ.

ကလီးစဲ 3:9

တဘၣ်ကတိၤလိာ်သုသးလၢတၢ်ကတိၤကဘျံးကဘျၣ်တဂ့ၤ. အဂ့ၢ်မ့ၢ်လၢသုပာ်တ့ၢ်ကွံာ်လံသုတၢ်အိၣ်မူဒီးလုၢ်လၢ် အလီၢ်လံၤတဖၣ်,

၁ တံၤမသ့း 1:10

ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”