လံာ်တၢ်ဘူၣ်ထီၣ်ဘါထီၣ် 19:10 - Sgaw Karen Common Bible

¹⁰ ဒဲးစပံးသၣ်လၢသုစပံးလီၢ်တုၤအလၢာ်တဂ့ၤ. ထၢထီၣ်စပံးသၣ်လၢအလီၤဆှုတဖၣ်လၢသုစပံးလီၢ်ပူၤတုၤ အလၢာ်တဂ့ၤ. သုကဘၣ်ပာ်တီၢ်အီၤလၢပှၤဖှီၣ်ဖိယာ်ဖိဒီးပှၤတ ခီဘီမုၢ်ဖိတဖၣ်အဂီၢ်န့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:10 Iomraidhean Croise

လံာ်ယၡါယၤ 17:6

ပှၤအိၣ်မူတ့ၢ်ကမ့ၢ်ဒၣ်ထဲပှၤစှၤဂၤဧိၤ, ဒီးကီၢ်အံၣ်စရ့လးက မၤသးဒ်သ့ၣ်စၤယံးတထံးလၢတၢ်ဒဲးကွံာ်အသၣ်ခဲလၢာ်, ဒီးတၢ်အိၣ်လီၤတဲာ်မ့ၢ်ဒၣ်ထဲလၢအစိးနါခံဖျၢၣ်သၢဖျၢၣ်ဒီး စှၤဖျၢၣ်လၢအဒ့လၢလာ်တဖၣ်အလိၤန့ၣ်လီၤ. ယၤ, ကီၢ်အံၣ်စရ့လးအကစၢ်ယွၤ, ကတိၤလံတၢ်လံ.”

လံာ်ယၡါယၤ 24:13

တၢ်အံၤမ့ၢ်တၢ်လၢအကမၤအသးလၢပှၤကိးကလုာ်ဒဲးလၢ ဟီၣ်ခိၣ်ဒီဘ့ၣ်လီၤ. ကမၤအသးဒ်ကူးတၢ်အကတီၢ်ကတၢၢ် ဝဲအသိး, ဖဲသ့ၣ်စၤယံးအထူၣ်ခဲလၢာ်ဘၣ်တၢ်တီၢ်လီၤဆှုကွံာ် အီၤဒီးစပံးသၣ်လၢခံကတၢၢ်တဖၣ်ဘၣ်တၢ်ဒ့အီၤလၢစပံးမုၢ် တဖၣ်အလိၤအသိးန့ၣ်လီၤ.

လံာ်ယံးရမံယၤ 49:9

ဖဲပှၤပိာ်ခွါတဖၣ် ဒဲးစပံးသၣ်တဖၣ်န့ၣ်, အဝဲသ့ၣ်ပာ်တီၢ်ဝဲစှၤဖျၢၣ်လၢ စပံးမုၢ်အလိၤ, ဒီးဖဲတမျိၤတမျာ်တဖၣ်ဟဲဝဲလၢ မနၤခီအဆၢကတီၢ်န့ၣ်, အဝဲသ့ၣ်ဟံးန့ၢ်ဝဲ ထဲဒၣ်တၢ်လၢ အသးလီၤဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:44

ယမ့ၢ်ယွၤ, သုကစၢ်, ဒီးသုကဘၣ်ပာ်စီဆှံသုသးလီၤ. အဂ့ၢ်ဒ်အံၤ, ယစီဆှံယဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 19:11

သုတဟုၣ်တၢ်တဂ့ၤ, ဒီးသုတလီတၢ်တဂ့ၤ, ဒီးသုတကတိၤကဘျံးကဘျၣ်လိာ်သုသးတဂ့ၤ.

လံာ်တၢ်ဘူၣ်ထီၣ်ဘါထီၣ် 19:25

ဒီးယဲၢ်နံၣ်တနံၣ်န့ၣ်သုကအီၣ်အသၣ်ဒ်သိးအကမၤအါထီၣ်တၢ်လၢသု ဂီၢ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:9

ဖဲသုကူးက့ၤသုဘုလၢစံာ် ပျီပူၤန့ၣ်သုတဘၣ်ကူးတုၤလၢအသနၢၣ်န့ၣ်ဘၣ်. ဒီးသုတဘၣ်က့ၤကဒါက့ၤဆူသုလီၢ်ခံဒီးကူးက့ၤဘုစဲၤလၢ အအိၣ်လီၤတဲာ်တဖၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 23:22

ဖဲသုကူးဘုအကတီၢ်န့ၣ်ကူးအီၤတုၤလၢသုစံၣ်အသနၢၣ်တဖၣ် န့ၣ်တဂ့ၤ. ဒီးက့ၤကဒါက့ၤလၢတၢ်ကူးက့ၤဘုစဲၤအိၣ်လီၤတဲာ်တဖၣ်အဂီၢ်န့ၣ်တဂ့ၤ. ပာ်လီၤတဲာ်အီၤလၢပှၤဖှီၣ်ဖိယာ်ဖိဒီးပှၤတခီဘီမုၢ်ဖိတဖၣ်အဂီၢ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:6

ဟီၣ်ခိၣ်န့ၣ်မ့ၢ်တဘၣ်တၢ်သူၣ်လီၤဖျးလီၤတၢ်လၢအပူၤလၢနံၣ် တနံၣ်အံၤအပူၤဘၣ်ဆၣ်ဒီး, ကဟ့ၣ်ထီၣ်တၢ်အီၣ်တၢ်အီလၢသုဂီၢ်, သုကုၢ်တဖၣ်အဂီၢ်, သုခ့သုပှၤတဖၣ်လၢအဒိးလဲအသးအဂီၢ်, ပှၤတခီဘီမုၢ်ဖိလၢအအိၣ်ဒီးသုတဖၣ်အဂီၢ်,

လံာ်ဧိၤဘါဒယၤ 1:5

ဖဲတၢ်ဟုၣ်တၢ်ဘျၣ်တဖၣ်ဟဲဆူနအိၣ်, လၢမုၢ်နၤန့ၣ်, ကဟံးန့ၢ်ထဲတၢ်လၢအသးလီဝဲဧိၤန့ၣ်လီၤ. ဖဲပှၤထၢဖှိၣ်စပံးသၣ်တဖၣ်ဟဲဝဲန့ၣ် ထီဘိပာ်လီၤတဲာ်ဒံးတၤသၣ်အိၣ်ပြါ မ့မ့ၢ်နဒုၣ်နဒါတဖၣ်ကမၤဟးဂီၤနၤလၢာ်လၢာ်ဆ့ဆ့လီၤ.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်သိၣ်လီၤသီလီၤတၢ် 24:19

ဖဲသုထၢဖှိၣ်က့ၤသုဘုဧိၤဟုဧိၤတဖၣ်, ဒီးသုဘုဧိၤဟု ဧိၤလၢသုကူးအီၤဝံၤအိၣ်လီၤတဲာ်ဒံးလၢ သုတဟဲက့ၤစိာ်ဘၣ်အီၤန့ၣ်, လဲၤကဒါက့ၤဒီးဟံးန့ၢ်အီၤတဂ့ၤ. တၢ်န့ၣ်ကဘၣ်တၢ်ပာ်တ့ၢ်အီၤလၢ ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤ မုၣ်ကမဲတဖၣ်အဂီၢ်ဒ်သိးယွၤသုကစၢ်ယွၤကဆိၣ်ဂ့ၤသုလၢ ကယဲၢ်တၢ်လၢသုမၤအီၤတမံၤလၢ်လၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 24:20

ဖဲသုဒဲးက့ၤသ့ၣ်စၤယံးအသၣ်တဖၣ်တဘျီဝံၤန့ၣ်က့ၤကဒါက့ၤ ဒီးဟံးန့ၢ်တၢ်လၢအအိၣ်လီၤတဲာ်တဖၣ်တဂ့ၤ. တၢ်တဖၣ်န့ၣ်ကမ့ၢ်လၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်ဒီးပှၤမုၣ်ကမဲတဖၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 24:21

ဒီးဖဲသုဒဲးက့ၤသုစပံးသၣ်တဖၣ်ဝံၤတဘျီန့ၣ်, က့ၤဒဲးကဒါက့ၤတၢ်လၢစပံးမုၢ်တဖၣ်အအိၣ်ခံဘျီတဘျီတဂ့ၤ. စပံးသၣ်တဖၣ်လၢအအိၣ်လီၤတဲာ်န့ၣ်ကမ့ၢ်လၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:2

ဘၣ်ဆၣ်ဒီးစီၤကံးဒဧိၣ်စံးဆၢအီၤ, “တၢ်လၢယမၤသ့တဖၣ်န့ၣ် တၢ်ထိၣ်သတြီၤအီၤဒီးတၢ်လၢသုမၤတ့ၢ်တဖၣ်တသ့ဘၣ်. တၢ်အဆံးလၢအ့ဖရဲၣ်အပှၤပိာ်ခွါတဖၣ်မၤဝဲန့ၣ် အလုၢ်အပှ့ၤဒိၣ်န့ၢ်ဒံးတၢ်လၢယပှၤဒီဒူၣ်မၤဝဲန့ၣ်လီၤ.

လံာ်နီၢ်ရူၤသး 2:2

ပှၤမိၤအးမုၣ်ဖိနီၢ်ရူၤသးစံးဘၣ်နီၢ်နၤဧမံ, “ပျဲယလဲၤဆူစံာ်ပျီတဖၣ်အပူၤဒ်သိးယကထၢဖှိၣ်ဘုအစဲၤတဖၣ် လၢပှၤကူးဘုတဖၣ်ပာ်လီၤတဲာ်န့ၣ်တက့ၢ်. ယနာ်လၢယကထံၣ်န့ၢ်ပှၤတဂၤဂၤလၢအကပျဲ ယမၤတၢ်အံၤန့ၣ်လီၤ.” ဒီးနီၢ်နၤဧမံစံးဆၢဝဲ, “ယဖိမုၣ်ဧၢ, လဲၤတက့ၢ်.”