လံာ်တၢ်ဘူၣ်ထီၣ်ဘါထီၣ် 18:25 - Sgaw Karen Common Bible

²⁵ အဝဲသ့ၣ်အတၢ်မၤတဖၣ်အံၤမၤဘၣ်အၢထံကီၢ်လီၤ. လၢတၢ်န့ၣ်အဃိယွၤစံၣ်ညီၣ်ထံကီၢ်, ဒီးညိကွံာ်ပှၤအိၣ်လၢအပူၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:25 Iomraidhean Croise

လံာ်စီၤပၤအခီၣ်ထံးတဘ့ၣ် 21:26

အဝဲမၤတ့ၢ်တၢ်ဒဲးဘးတဖၣ်လၢအလီၤမဲာ်ဆှးအဒိၣ်ကတၢၢ်ခီဖျိတၢ် ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်ဒ်ပှၤအမိၢ်ဖိတဖၣ်လၢယွၤ ဟီထီၣ်ကွံာ်တ့ၢ်အီၤလၢကီၢ်ပူၤဖဲကီၢ်အံၣ်စရ့လးအပှၤဂီၢ်မုၢ်တဖၣ် ဟဲထီၣ်ဒုးတၢ်အခါမၤတ့ၢ်ဝဲအသိးန့ၣ်လီၤ.)

လံာ်စီၤဧ့စြၤ 9:11

လၢနဟ့ၣ်တ့ၢ်ပှၤခီဖျိနခ့နပှၤဝံတဖၣ်န့ၣ်ဘၣ်. အဝဲသ့ၣ်တဲဘၣ်ပှၤလၢကီၢ်လၢပကလဲၤမၤန့ၢ်အီၤန့ၣ်မ့ၢ်ကီၢ်လၢ တကဆှီဘၣ်မ့ၢ်လၢပှၤဂီၢ်မုၢ်လၢအအိၣ်ဆိးလၢအပူၤတဖၣ်, မၤပှဲၤအီၤဒီးတၢ်ဖံးတၢ်မၤလၢအလီၤသးဘၣ်အၢဒီးတၢ်ဘၣ်အၢဘၣ် သီတဖၣ်ဒီတကီၢ်ညါအဃိန့ၣ်လီၤ.

စံးထီၣ်ပတြၢၤ 106:38

ဒီးလူလီၤတၢ်သွံၣ်လၢအတၢ်ဒဲးဘးတအိၣ်ဘၣ်, ဒီးထံကီၢ်ဘၣ်တၢ်တကဆှီဘၣ်လၢပှၤမၤသံတၢ်တဖၣ်အဃိလီၤ.

စံးထီၣ်ပတြၢၤ 89:32

ယကသိၣ်ဃီၣ်အဝဲသ့ၣ်လၢနီၣ်တီၢ် လၢအတၢ်ကမၣ်အဃိ ဒီးအတၢ်အၢလၢတၢ်တီၢ်န့ၣ်လီၤ

လံာ်ယၡါယၤ 24:5

ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

လံာ်ယၡါယၤ 26:21

ယွၤကဟဲဝဲလၢအလီၢ်ပစိာ်လၢမူခိၣ်ဒ်သိးကစံၣ်ညီၣ်ပှၤဂီၢ်မုၢ်လၢ ဟီၣ်ခိၣ်အံၤလၢအဝဲသ့ၣ်အတၢ်ဒဲးဘးဒၣ်ဝဲအဃိလီၤ. တၢ်မၤသံမၤဝီတဖၣ်လၢတၢ်မၤတ့ၢ်အီၤလၢတၢ်ခူသူၣ်အပူၤလၢ ဟီၣ်ခိၣ်အံၤ, ကဘၣ်တၢ်မၤဖျါထီၣ်အီၤလီၤ. ဒီးဟီၣ်ခိၣ်တပာ်ခူသူၣ်လၢၤပှၤလၢအဘၣ်တၢ်မၤသံတ့ၢ်အီၤ တဖၣ်လၢၤဘၣ်.

လံာ်ယံးရမံယၤ 14:10

ယွၤစံးတၢ်ဘၣ်ဃးပှၤဂီၢ်မုၢ်သ့ၣ်တဖၣ်ဒ်အံၤ, “အဝဲသ့ၣ်အဲၣ်ဒိး ထွးထီၣ်ဃ့ၢ်ကွံာ်လၢယအိၣ်, ဒီးအဝဲသ့ၣ်တပၢၤအသးလၢၤဘၣ်. လၢတၢ်န့ၣ်အဃိ, ယတဘၣ်သူၣ်ဘၣ်သးအဝဲသ့ၣ်လၢၤဘၣ်. ယကသ့ၣ်နီၣ်ထီၣ်တၢ်ကမၣ်တဖၣ်လၢအဝဲသ့ၣ်မၤတ့ၢ်ဝဲဒီးစံၣ်ညီၣ် အဝဲသ့ၣ်လၢအတၢ်ဒဲးဘးတဖၣ်အဃိန့ၣ်လီၤ.”

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်ယံးရမံယၤ 2:7

ယဟဲစိာ်ထီၣ်အဝဲသ့ၣ်ဆူကီၢ်တဘ့ၣ်လၢ ဟီၣ်ခိၣ်ညၣ်ထ့ၣ်ဂ့ၤအပူၤ, ဒ်သိးအဝဲသ့ၣ်ကမုာ်လၤသးခုဘၣ်လၢကီၢ်န့ၣ် အတၢ်ကူးက့ၤအတၤသၣ်တဖၣ်ဒီးအတၢ်ဂ့ၤအဂၤတဖၣ်န့ၣ်လီၤ. ဘၣ်ဆၣ်ဒီးအဝဲသ့ၣ်မၤဟးဂီၤကွံာ်ယထံယကီၢ်, ဒီးမၤဘၣ်အၢထံကီၢ်လၢယဟ့ၣ်လီၤအီၤန့ၣ်လီၤ.

လံာ်ယံးရမံယၤ 23:2

တၢ်အံၤမ့ၢ်ယွၤ, အံၣ်စရ့လးအကစၢ်ယွၤစံးတၢ်ဘၣ်ဃးပှၤ ပၢတၢ်တဖၣ်လၢကြၢးကဟုကယာ်အပှၤဂီၢ်မုၢ်အဂ့ၢ်န့ၣ်လီၤ. “သုတကဟုကယာ်ယပှၤဂီၢ်မုၢ်ဘၣ်. သုမၤလီၤပြံလီၤပြါကွံာ် အဝဲသ့ၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ်လီၤ. ခဲအံၤယကစံၣ်ညီၣ်သုလၢတၢ်အၢတၢ်သီလၢသုမၤတ့ၢ်ဝဲအဃိန့ၣ်လီၤ.

လံာ်ယံးရမံယၤ 5:29

ဘၣ်ဆၣ်ဒီး, ယၤယွၤအံၤယကစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိလီၤ. ယကဟ့ၣ်ကၣ်တၢ်လၢပှၤတကလုာ်အံၤ အဖီခိၣ်လီၤ.

လံာ်ယံးရမံယၤ 5:9

မ့ၢ်တကြၢးယစံၣ်ညီၣ်အဝဲသ့ၣ်လၢ တၢ်သ့ၣ်တဖၣ်အံၤအဃိ ဒီးဟ့ၣ်ကၣ်ပှၤဒ်သိးအံၤတကလုာ်န့ၣ်ဘၣ်ဧါ.

လံာ်ယံးရမံယၤ 9:9

လၢတၢ်သ့ၣ်တဖၣ်အံၤအဃိမ့ၢ်ယတဘၣ်စံၣ်ညီၣ်အဝဲသ့ၣ်ဘၣ်ဧါ. ပှၤဒ်အံၤတကလုာ်န့ၣ်, မ့ၢ်ယတဘၣ်ဟ့ၣ်ကၣ်အီၤဘၣ်ဧါ. ယၤ, ယွၤအံၤကတိၤလံတၢ်လံ.”

လံာ်ဟိၤၡ့ 2:13

လၢတၢ်ဆၢကတီၢ်တဖၣ်လၢအဝဲသးပ့ၤနီၣ်ကွံာ်ယၤဖဲအဆိၣ်ကဲၤထီၣ် တၢ်နၢမူဆူဘဧၤလးဒီးကယၢကယဲထီၣ်အသးလၢအတၢ်မျၢ် ပလဲတဖၣ်ဒ်သိးကလူၤပိာ်ပှၤလၢအအဲၣ်ဝဲတဖၣ်အခံအဃိန့ၣ်, ယကစံၣ်ညီၣ်အီၤလီၤ. ယွၤကတိၤတ့ၢ်တၢ်လံ.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်ဟိၤၡ့ 9:9

တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:26

အဝဲသ့ၣ်မၤတၢ်သးဘၣ်အၢတဖၣ်အံၤဒီးမၤဘၣ်အၢထံကီၢ်, မ့မ့ၢ်မၤသုဝဲတဂ့ၤ.

လံာ်တၢ်ဘူၣ်ထီၣ်ဘါထီၣ် 18:28

အန့ၣ်တစု, ကီၢ်န့ၣ်တဟီထီၣ်ကွံာ်ဘၣ်သုဒ်အညိကွံာ်ပှၤကလုာ်တဖၣ်လၢ အအိၣ်ဆိပာ်စၢၤလၢသုမဲာ်ညါန့ၣ်ဘၣ်.

ရိမ့ၤ 8:22

အဂ့ၢ်ဒ်လဲၣ်န့ၣ်, ပသ့ၣ်ညါလၢတုၤဆၢကတီၢ်ခဲအံၤန့ၣ်, တၢ်ဘၣ်တ့ခဲလၢာ်ကအုကစွါလၢတၢ်ဆူးတၢ်ဆါ အပူၤဒ်မိၢ်တဂၤအဟုးဆါဒီးကအုကစွါဝဲအသိးန့ၣ်လီၤ.

လံာ်သိၣ်လီၤသီလီၤတၢ် 18:12

ယွၤ, သုကစၢ်ယွၤသးဟ့ပှၤဂီၢ်မုၢ်လၢအမၤတၢ်လီၤသးဘၣ်အၢတဖၣ် န့ၣ်, ဒီးလၢတၢ်န့ၣ်အဃိ, အဝဲနီၣ်ထီၣ်ဟီထီၣ်ကွံာ်ပှၤကလုာ်တဖၣ်န့ၣ် လၢကီၢ်ပူၤဖဲလၢသုလဲၤထီၣ်ဒုးတၢ်အခါန့ၣ်လီၤ.

လံာ်သိၣ်လီၤသီလီၤတၢ် 21:23

တၢ်စိၣ်န့ၣ်တဘၣ်အိၣ်တ့ၢ်ဖဲန့ၣ်ဒီတနၤညါဘၣ်. တၢ်ကဘၣ်ခူၣ်လီၤကွံာ်အီၤတနံၤဃီမ့ၢ်လၢ, ပှၤသံအစိၣ်တစိၣ်ဘျး လီၤအသးလၢထူၣ်တထူၣ်အလိၤန့ၣ်ဒုးလီၤဘၣ်ကစၢ်ယွၤအတၢ်ဆိၣ်အၢ လၢထံကီၢ်အလိၤအဃိန့ၣ်လီၤ. ခူၣ်လီၤကွံာ်တၢ်စိၣ်ဒ်သိးသုတမၤဘၣ်အၢဘၣ်သီကီၢ်လၢယွၤ, သုကစၢ်ယွၤကဟ့ၣ်သုတဂ့ၤ, အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 9:5

တမ့ၢ်လၢသုမ့ၢ်ပှၤတဖၣ်လၢအဂ့ၤဒီးမၤတၢ်လၢအဘၣ်အဃိဒီးယွၤ ပျဲသုမၤန့ၢ်ဘၣ်အဝဲသ့ၣ်အကီၢ်အံၤဘၣ်. ယွၤကနီၣ်ထီၣ်ကွံာ်အဝဲသ့ၣ်မ့ၢ်လၢအဝဲသ့ၣ်မ့ၢ်ပှၤအၢပှၤသီတဖၣ် မ့ၢ်လၢအဝဲပာ်လီၤအသးလၢကဟံးဃာ်ဂၢၢ်ကျၢၤအတၢ်အၢၣ်လီၤအီလီၤ လၢအမၤတ့ၢ်ဝဲဒီးသုပၢ်ဖးဒိၣ်လၢပျၢၤတဖၣ်ဒ်စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အဃိန့ၣ်လီၤ.