လံာ်တၢ်ဘူၣ်ထီၣ်ဘါထီၣ် 18:21 - Sgaw Karen Common Bible

²¹ ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:21 Iomraidhean Croise

လံာ်စီၤပၤအခီၣ်ထံးတဘ့ၣ် 11:33

ယကမၤတၢ်အံၤမ့ၢ်လၢစီၤၡလိၤမိၤညိကွံာ်လံယၤဒီးဘူၣ်ထီၣ်ဘါ ထီၣ်ပှၤတခီဘီမုၢ်ဖိအကစၢ်တဖၣ်လၢအမ့ၢ်ဝဲ, ကီၢ်စံဒိၣ်အကစၢ်မုၣ်ဧၤၡတြိး, ကီၢ်မိၤအးအကစၢ်ကမိၣ်, ဒီးကီၢ်ဧၣ်မိၣ်အကစၢ်မိလးအဃိန့ၣ်လီၤ. စီၤၡလိၤမိၤတစူၢ်တ့ၢ်ယၤလၢၤဘၣ်. အဝဲမၤကမၣ်တ့ၢ်တၢ်ဒီးတတိၢ် န့ၢ်ဖံးဃာ်ယတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်ဒ်အပၢ်စီၤဒၤ ဝံးမၤတ့ၢ်ဝဲအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 11:7

လၢဝ့ၢ်ယရူၤၡလ့ၣ်မုၢ်ထီၣ်အကစၢၢ်ဒီခိၣ်န့ၣ်အဝဲမၤထီၣ်တၢ်လီၢ် တတီၤလၢကဘူၣ်ထီၣ်ဘါထီၣ်ကီၢ်မိၤအးအကစၢ်တဖၣ်လၢအလီၤသးဘၣ် အၢ, ကမိၣ်အဂီၢ်, ဒီးတၢ်လီၢ်တတီၤလၢကဘူၣ်ထီၣ်ဘါထီၣ်ကီၢ်ဧၣ်မိၣ်အကစၢ်လၢတၢ်လီၤ သးဘၣ်အၢမိလးအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 16:3

ဒီးပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံန့ၣ်လီၤ. အဝဲလုၢ်ထီၣ်ဒၣ်လဲာ်အဖိခွါဒၣ်ဝဲဒ်တၢ်လုၢ်မ့ၣ်အူတမံၤဆူ တၢ်ဂီၤတၢ်ဖီၣ်တဖၣ်, မၤဒိးလုၢ်လၢ်လီၤသးဘၣ်အၢလၢပှၤဂီၢ်မုၢ် မၤတ့ၢ်ဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢထံဧိၤကီၢ်ဧိၤအပူၤ ဖဲပှၤအံၣ်စရ့လးဖိတဖၣ်ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:31

ဧးဝါအပှၤဂီၢ်မုၢ်မၤဝဲတၢ်ဂီၤတၢ်ဖီၣ်တဖၣ်လၢနံးဘဃးဒီးတၢ် တးအဂီၤတဖၣ်, ဒီးစဖၤရဝံၣ်အပှၤဂီၢ်မုၢ်လုၢ်ထီၣ်အဖိတဖၣ် ဒ်တၢ်လုၢ်မ့ၣ်အူတဖၣ်အသိးဆူအဝဲသ့ၣ်အကစၢ်တဖၣ်လၢ အမ့ၢ်အဒြၤမ့လ့းဒီးဧၤနမ့လးအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:6

အဝဲလုၢ်ထီၣ်အဖိခွါဒ်တၢ်လုၢ်မ့ၣ်အူအသိးန့ၣ်လီၤ. အဝဲမၤတၢ်ဒုၣ်တၢ်အဆၢအကတီၢ်, ဒီးတၢ်မၤကဒါမဲာ်ဒီးသံကွၢ်တၢ် လၢပှၤဖးတၢ်ဟဲဝံဟဲစိာ်တဖၣ်ဒီးပှၤသံအကလၤတဖၣ်, န့ၣ်လီၤ. အဝဲမၤဒဲးဘးတၢ်ထီဒါယွၤဒိၣ်မးဒီးထိၣ်ဂဲၤထီၣ် ယွၤအတၢ်သးကဲၤထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:10

ပှၤတစူၢ်တနာ်ယွၤအတၢ်လုၢ်လီၢ်စီဆှံတိဖ့းလၢအမ့ၢ်အဝဲသ့ၣ် အတၢ်ဘူၣ်ထီၣ်ဘါထီၣ်အလီၢ်လၢအအိၣ်လၢဃံနိၣ်အတၢ်တြီၤပူၤန့ၣ်, စီၤပၤယိၤၡံယၤမၤဘၣ်အၢဘၣ်သီကွံာ်အီၤ, ဒ်သိးပှၤလုၢ်ထီၣ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤဒ်တၢ်လုၢ်မ့ၣ်အူအသိး, ဆူကစၢ်မိလးအအိၣ်အသုတသ့လၢၤနီတဂၤတဂ့ၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:3

ဆူးကဲၤထီၣ်တၢ်နၢမူတဖၣ်လၢဟံၣ်နိၣ်အတၢ်လူၢ်တၢ်တြီၤဒီးလုၢ် ထီၣ်ပာ်ထီၣ်ဒၣ်လဲာ်အဖိခွါတဖၣ်ဒ်တၢ်လုၢ်မ့ၣ်အူအသိးဆူတၢ်ဂီၤ တၢ်ဖီၣ်တဖၣ်အအိၣ်, မၤဒိးဝဲတၢ်သးဘၣ်အၢအတၢ်မၤတဖၣ်လၢပှၤဂီၢ်မုၢ်မၤဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢကီၢ်ပူၤ, ဖဲပှၤအံၣ်စရ့လးဖိတဖၣ်ဟဲနုာ်တ့ၢ်န့ၣ်လီၤ.

လံာ်ယံးရမံယၤ 19:5

ဒီးအဝဲသ့ၣ်သူၣ်ထီၣ်တ့ၢ်တၢ်လုၢ်လီၢ်တဖၣ်လၢဘဧၤလးအဂီၢ် ဒ်သိးကဆိၣ်ကဲၤထီၣ်အဖိတဖၣ်လၢမ့ၣ်အူအပူၤဒ်တၢ်လုၢ်တၢ်ပာ် တဖၣ်အသိးန့ၣ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤ နီတစုဘၣ်. တၢ်အံၤတဟဲနုာ်ဒၣ်လဲာ်လၢယတၢ်ဆိကမိၣ်အပူၤ နီတစုဘၣ်.

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်ယံးရမံယၤ 7:31

လၢဟံၣ်နိၣ်အတြီၤပူၤန့ၣ်, အဝဲသ့ၣ်သူၣ်ထီၣ်ဘှီထီၣ်တၢ်လုၢ် လီၢ်တတီၤလၢတၢ်ကိးအီၤလၢတိဖ့းဒ်သိးအဝဲသ့ၣ်လုၢ်ထီၣ်ပာ်ထီၣ် အဖိခွါတဖၣ်ဒီးအဖိမုၣ်တဖၣ်လၢမ့ၣ်အူအပူၤကသ့ဝဲအဂီၢ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤဘၣ်. တၢ်ဂ့ၢ်အံၤတဟဲနုာ်လၢတၢ်ဆိကမိၣ်အပူၤဒၣ်လဲာ်ဘၣ်.

လံာ်ယဃ့းစက့လး 20:26

ယပျဲအဝဲသ့ၣ်လၢကမၤဘၣ်အၢလီၤက့ၤအဝဲသ့ၣ်အသးဒၣ်ဝဲလၢ အတၢ်လုၢ်တၢ်ပာ်ဒၣ်ဝဲတဖၣ်, ဒီးယပျဲအဝဲသ့ၣ်ကလုၢ်ထီၣ်ပာ်ထီၣ်အဖိဝဲၢ်ကိတဖၣ်န့ၣ်လီၤ. တၢ်အံၤမ့ၢ်ဒ်သိးတၢ်ကစံၣ်ညီၣ်အဝဲသ့ၣ်အဂီၢ်ဒီးဒုးနဲၣ်အဝဲ သ့ၣ်လၢယမ့ၢ်ယွၤန့ၣ်လီၤ.

လံာ်ယဃ့းစက့လး 20:31

မုၢ်တနံၤအံၤဒၣ်လဲာ်န့ၣ်သုလုၢ်ထီၣ်, တၢ်ဟ့ၣ်တမံၤဃီတဖၣ်, ဒီးမၤဘၣ်အၢသုသးဒီးတၢ်ဂီၤတၢ်ဖီၣ်တမံၤဃီတဖၣ်, ခီဖျိသုလုၢ်ထီၣ်သုဖိတဖၣ်ဆူအဝဲသ့ၣ်အအိၣ်လၢမ့ၣ်အူပူၤ န့ၣ်လီၤ. အန့ၣ်ဝံၤဒီးသုဝဲ ပှၤအံၣ်စရ့လးဖိတဖၣ်ဟဲဒံးဆူယအိၣ်ဒီးသံကွၢ်လၢယတၢ်ဘၣ်ယသး မ့ၢ်တၢ်ဒ်လဲၣ်န့ၣ်လီၤ. ဒ်ယၤ, ယွၤပၢဘၣ်တၢ်ခဲလၢာ်ကစၢ်, မ့ၢ်နီၢ်နီၢ်ကစၢ်ယွၤလၢအမူဝဲတဂၤအသိးယစံးယဲ, ယတပျဲ သုသံကွၢ်ယၤတၢ်နီတမံၤလၢၤဘၣ်.

လံာ်ယဃ့းစက့လး 23:37

အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါအတၢ်မၤဒီးတၢ်မၤသံလၢ အမ့ၢ်တၢ်မၤကမၣ်မုၣ်ကမၣ်ခွါဒီးတၢ်ဂီၤတၢ်ဖီၣ်တဖၣ်ဒီးတၢ်မၤ သံကွံာ်ဖိခွါတဖၣ်လၢအအိၣ်ဖျဲၣ်ထီၣ်န့ၢ်ယၤန့ၣ်လီၤ. အဝဲသ့ၣ်လုၢ်ထီၣ်ယဖိခွါတဖၣ်ဆူတၢ်ဂီၤတၢ်ဖီၣ်တဖၣ်အအိၣ်န့ၣ် လီၤ.

လံာ်တၢ်ဘူၣ်ထီၣ်ဘါထီၣ် 19:12

တၢ်အၢၣ်လီၤအီလီၤလၢသုမၤလၢပှဲၤအီၤတန့ၢ်န့ၣ်အၢၣ်လီၤအီ လီၤလၢယမံၤအပူၤတဂ့ၤ. တၢ်န့ၣ်မ့ၢ်တၢ်မၤမဲာ်ဆှးယမံၤန့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:6

ဒီးကဘၣ်စီဆှံဝဲဒီးတဘၣ်မၤတရီတပါယမံၤဘၣ်. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်အဃိ ဒီးအဝဲကဘၣ်စီဆှံဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 22:32

ဒီးသုတမၤမဲာ်ဆှးယမံၤစီဆှံတဂ့ၤ. မ့မ့ၢ်ယကဘၣ်တၢ်ပာ်စီဆှံယၤလၢပှၤအံၣ်စရ့လးဖိအကျါလီၤ. ယဲဒၣ်အံၤယမ့ၢ်ယွၤလၢအမၤစီဆှံသု,

လံာ်တၢ်ဘူၣ်ထီၣ်ဘါထီၣ် 24:15

ဒီးနဘၣ်စံးဘၣ်ပှၤအံၣ်စရ့လးဖိ, ဖဲဒၣ်ပှၤလၢအဆိၣ်အၢကစၢ်ယွၤန့ၣ်ကတူၢ်ဘၣ်အတၢ်ဒဲးဘးန့ၣ်လီၤ.

လံာ်ဧၤမိၣ် 2:7

အဝဲသ့ၣ်ယီၢ်တံၢ်လီၤပှၤဂံၢ်စၢ်ဘါစၢ်ဒီးပှၤလၢတၢ်မၤစၢၤအီၤ တအိၣ်ဒီးဆီၣ်ဖျိးကွံာ်ပှၤဖှီၣ်ဖိယာ်ဖိလၢအကျဲန့ၣ်လီၤ. ပှၤတဂၤဒီးအပၢ်မံဃုာ်ဒီးကုၢ်ပိာ်မုၣ်တဂၤဃီဒီးမၤဘၣ် အၢဘၣ်သီယမံၤစီဆှံန့ၣ်လီၤ.

လံာ်ဧၤမိၣ် 5:26

မ့မ့ၢ်ခဲကနံၣ်, မ့ၢ်လၢသုဘါထီၣ်တ့ၢ်တၢ်ဂီၤတၢ်ဖီၣ်တဖၣ်လၢအမ့ၢ်စၤကူး, သုစီၤပၤကစၢ်, ဒီးကံၣ်ယူၣ်, သုဆၣ်ဧိၤဖီဧိၤကစၢ်အဃိ, သုကဘၣ်လဲၤစိာ်တၢ်ဂီၤတၢ်ဖီၣ်တဖၣ်အံၤ,

လံာ်မံကၤ 6:7

မ့ၢ်တၢ်ကဘၣ်ယွၤအသးဖဲယဟဲစိာ်န့ၢ်အီၤသိအဒုလၢအကထိ တဖၣ်မ့တမ့ၢ်သ့ၣ်စၤယံးအသိလၢအယွၤလီၤဝဲ အကတၢၢ်တအိၣ်ဘၣ်န့ၣ်ဧါ. မ့ၢ်ယကဘၣ်လုၢ်ထီၣ်အီၤယဖိဝဲၢ်ကိလၢယတၢ်ဒဲးဘးတဖၣ်အဘူး အလဲအဂီၢ်ဧါ.

လံာ်မၤလကံ 1:12

ဘၣ်ဆၣ်ဒီးသုမၤတရီတပါယၤခီဖျိ သုစံးလၢယတၢ်လုၢ်လီၢ်အဘျုးတအိၣ်ဘၣ်, ဒီးခီဖျိသုလုၢ်ထီၣ် တၢ်အီၣ်လၢယသးဘၣ်အၢတဖၣ်အဃိန့ၣ်လီၤ.

မၤတၢ် 7:43

တၢ်လၢသုယိးန့ၣ်မ့ၢ်ကစၢ်မိၤလးအဒဲ ဒီး ရၣ်ဖၣ်ကစၢ်အဆၣ်လီၤ. တၢ်တဖၣ်န့ၣ်မ့ၢ်တၢ်ဂီၤတၢ်ဖီၣ်လၢသုမၤကဲထီၣ် လၢသုကဘါထီၣ်အီၤအဂီၢ်လီၤ. အန့ၣ်သတးဒီး, ယကမၢပှၤစိာ်ဖျိးကွံာ်သုဆူ တခီထံတခီကီၢ်, ယံၤန့ၢ်ကီၢ်ဘၤဘူၤလိၣ်တက့ၢ်လီၤ.’

ရိမ့ၤ 1:23

လၢကဘူၣ်ထီၣ်ဘါထီၣ်ကစၢ်ယွၤလၢအသံတသ့ဘၣ်အလီၢ်န့ၣ်, အဝဲသ့ၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤဂာ်ဒီးပှၤကညီ လၢအသံသ့, မ့တမ့ၢ်ထိၣ်ဧိၤလံာ်ဧိၤ, မ့တမ့ၢ်ဆၣ်ဖိကီၢ်ဖိ တဖၣ်, မ့တမ့ၢ်ဂုၢ်ဧိၤဒးဧိၤတဖၣ်တခီန့ၣ်လီၤ.

ရိမ့ၤ 2:24

တၢ်ကွဲးအသးစီဆှံစံးဝဲဒၣ်, လၢသုဝဲပှၤယူဒၤဖိတဖၣ်အဃိ, ပှၤကလုာ်ဂၤတဖၣ်ကတိၤတရီတပါကစၢ်ယွၤအမံၤန့ၣ်လီၤ.”

လံာ်သိၣ်လီၤသီလီၤတၢ် 12:31

ဘူၣ်ထီၣ်ဘါထီၣ်ယွၤသုကစၢ်ယွၤလၢကျဲတဘိဃီဒ်အဝဲသ့ၣ်ဘါထီၣ် အကစၢ်တဖၣ်အသိးန့ၣ်တဂ့ၤ. အဂ့ၢ်ဒ်အံၤ, လၢအဝဲသ့ၣ်အတၢ်ဘါထီၣ်အကစၢ်တဖၣ်အပူၤန့ၣ်, အဝဲသ့ၣ်မၤတၢ်သးဘၣ်အၢတဖၣ်လၢယွၤသးဟ့ဝဲန့ၣ်လီၤ. အဝဲသ့ၣ်လုၢ်ထီၣ်ဒၣ်လဲာ်အဖိတဖၣ်လၢမ့ၣ်အူအပူၤလၢတၢ်လုၢ်လီၢ် တဖၣ်အဖီခိၣ်န့ၣ်လီၤ.

လံာ်သိၣ်လီၤသီလီၤတၢ် 18:10

လုၢ်ထီၣ်ပာ်ထီၣ်သုဖိတဖၣ်လၢမ့ၣ်အူအပူၤလၢသုတၢ်လုၢ်လီၢ်တဖၣ် အဖီခိၣ်တဂ့ၤ. ဒီးပျဲသုပှၤဂီၢ်မုၢ်မၤတၢ်ဒုၣ်တၢ်ထုမ့ၢ်ဂ့ၤ, သံကွၢ်တၢ်လၢပှၤကွၢ်တၢ်ပနီၣ်တဖၣ်အအိၣ်မ့ၢ်ဂ့ၤ, အူတၢ်အူတၢ်သမူတဖၣ်မ့ၢ်ဂ့ၤ,