လံာ်တၢ်ဘူၣ်ထီၣ်ဘါထီၣ် 18:20 - Sgaw Karen Common Bible

²⁰ သုတမံဃုာ်ဒီးပှၤလၢနဃၢၤအမါန့ၣ်တဂ့ၤ. တၢ်န့ၣ်ကမၤတ ကဆှီနၤဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:27

ဖဲတၢ်ဟီၣ်တၢ်ယၢၤအကတီၢ်ဝံၤဝဲန့ၣ် စီၤဒၤဝံးမၢပှၤဟဲကိးပိာ်မုၣ်န့ၣ်ဆူနီပူၤလီၤ. ပိာ်မုၣ်န့ၣ်ကဲထီၣ်အမါဒီးဆံးစၢ်န့ၢ်အီၤဖိခွါတဂၤလီၤ. ဘၣ်ဆၣ်ဒီးတၢ်လၢစီၤဒၤဝံးမၤတ့ၢ်အံၤ တဘၣ်ယွၤအသးဘၣ်.

လံာ်တၢ်ဟးထီၣ်ကွံာ် 20:14

မၤကမၣ်မုၣ်ကမၣ်ခွါတဂ့ၤ.

တၢ်ကတိၤဒိ. 6:25

ပျဲအဝဲသ့ၣ်အတၢ်ဃံတၢ်လၤလ့ပစီန့ၢ်နၤတဂ့ၤ. ပျဲအမဲာ်ချံလၢအကလံာ်လွဲတၢ်အပျံၤသကွီၤန့ၣ်ဖီၣ်န့ၢ်နၤတ ဂ့ၤ.

လံာ်ယဃ့းစက့လး 18:6

အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ် အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 20:10

ဒီးပှၤလၢအအဲၣ်ဘၢအမါဒီးမံဃုာ်ဒီးပှၤလၢအဃၢၤအမါန့ၣ်, ကဘၣ်တၢ်မၤသံကွံာ်အီၤခံဂၤလိာ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်တၢ်ဂံၢ် 5:13

ဘၣ်ဆၣ်အဝၤတဂၤအံၤတသ့ၣ်ညါလီၤတံၢ်ဝဲ, မ့ၢ်လၢအမါပာ်ခူသူၣ် တၢ်ဂ့ၢ်အံၤ,

ရိမ့ၤ 2:22

နစံး, “အဲၣ်ဘၢမါအဲၣ်ဘၢဝၤတဂ့ၤ” ဘၣ်ဆၣ်နကစၢ်ဒၣ်နဲတခီမ့ၢ်နအဲၣ်ဘၢမါအဲၣ်ဘၢဝၤဧါ. နသးဟ့တၢ်ဂီၤတၢ်ဖီၣ်တဖၣ် ဘၣ်ဆၣ်မ့ၢ်နဂုာ်န့ၢ်တၢ်လၢတၢ်လုၢ်ဟံၣ်တဖၣ်အပူၤန့ၣ်ဧါ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

ကလၤတံ 5:19

တၢ်လၢတၢ်ဖံးတၢ်ညၣ်အတၢ်မၤန့ၣ်, အိၣ်ဖျါဝဲဒၣ်ဆှံဆှံလီၤ. အိၣ်ဖျါဝဲဒၣ်ခီဖျိတၢ်မၤကမၣ်မုၣ်ကမၣ်ခွါ, တၢ်အိၣ်မူတကဆှီ, တၢ်ကလုာ်ကလိၤတဖၣ်,

လံာ်သိၣ်လီၤသီလီၤတၢ် 22:22

ပိာ်ခွါတဂၤမ့ၢ်ဘၣ်တၢ်ဖီၣ်န့ၢ်အီၤလၢအမံဃုာ်ဒီးပှၤအဂၤတဂၤ အမါအဃိန့ၣ်, အဝဲသ့ၣ်ခံဂၤလိာ်ကဘၣ်တၢ်မၤသံကွံာ်အီၤန့ၣ်လီၤ. လၢကျဲဒ်သိးအံၤန့ၣ်သုကပူၤဖျဲးဒီးတၢ်အၢတၢ်သီ အံၤန့ၣ်လီၤ.

လံာ်သိၣ်လီၤသီလီၤတၢ် 22:25

ပစံးဒၣ်ကလိာ်ပှၤပိာ်ခွါတဂၤကမၤဆူၣ်မၤစိးပိာ်မုၣ်ဖိတဂၤလၢ အမၤတ့ၢ်တၢ်တ့တၢ်ဖျီအတၢ်အၢၣ်လီၤဆူပှၤအဂၤတဂၤဝံၤလံ, လၢအဝ့ၢ်အချၢန့ၣ်လီၤ. အန့ၣ်တစု, ထဲပိာ်ခွါတဂၤဧိၤကဘၣ်တၢ်မၤသံကွံာ်အီၤလီၤ.

လံာ်သိၣ်လီၤသီလီၤတၢ် 5:18

မၤကမၣ်မုၣ်ကမၣ်ခွါတဂ့ၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.