လံာ်တၢ်ဘူၣ်ထီၣ်ဘါထီၣ် 18:16 - Sgaw Karen Common Bible

¹⁶ သုတမံဃုာ်ဒီးနဒီပုၢ်ဝဲၢ်အမါတဂ့ၤ. အဝဲန့ၣ်မ့ၢ်နဒီပုၢ်ဝဲၢ်ခွါအမါလီၤ.

လံာ်တၢ်ဘူၣ်ထီၣ်ဘါထီၣ် 18:16 Iomraidhean Croise

လံာ်တၢ်ဘူၣ်ထီၣ်ဘါထီၣ် 20:21

ပှၤလၢအဟံးန့ၢ်အဒီပုၢ်ဝဲၢ်ခွါအမါဒ်အမါအသိးန့ၣ်, အဝဲသ့ၣ်ခံဂၤလိာ်ကဘၣ်သံတူာ်ဖိန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤတၢ်လၢအတကဆှီဘၣ်ဒ်တၢ်ဘူၣ်တၢ်ဘါအလုၢ် အလၢ်အိၣ်ဝဲအသိးဒီးမၤမဲာ်ဆှးအဒီပုၢ်ဝဲၢ်ခွါန့ၣ်လီၤ.”

လံာ်မးသဲ 22:24

“သရၣ်ဧၢ, စီၤမိၤၡ့စံးတ့ၢ်ဝဲလၢပှၤတဂၤလၢအသံဒီးတပာ်တ့ၢ်ဘၣ် အဖိနီတဂၤဘၣ်န့ၣ်, အပုၢ်ကဘၣ်ဟံးန့ၢ်က့ၤအမါမုၣ်ကမဲန့ၣ်, ဒ်သိးဒီးအကဒုးအိၣ်ထီၣ်ဖိတဖၣ်လၢအဝဲၢ်လၢအသံတ့ၢ်တဂၤအဂီၢ်လီၤ (သိၣ်သီ. ၂၅:၅).

လံာ်မၢ်ကူး 12:19

“သရၣ်ဧၢ, စီၤမိၤၡ့ကွဲးဟ့ၣ်ပဝဲဒၣ်ပှၤယူဒၤဖိတဖၣ်အတၢ်သိၣ်တၢ်သီ တထံၣ်လၢအစံးဝဲ, ‘ပှၤပိာ်ခွါတဂၤအဒီပုၢ်ဝဲၢ်ခွါမ့ၢ်သံဒီးပာ်တ့ၢ် အမါဘၣ်ဆၣ်အဖိမ့ၢ်တအိၣ်နီတဂၤဘၣ်ဒီး, ပှၤတဂၤန့ၣ်ကဘၣ်ဟံးန့ၢ်အဒီပုၢ်ဝဲၢ်အမါ, ဒီးဒုးအိၣ်ထီၣ်ဖိလံၤလၢအဒီပုၢ်ဝဲၢ်ခွါအဂီၢ်လီၤ.’

လံာ်မၢ်ကူး 6:17

စီၤပၤဟ့ၤရိာ်အကစၢ်ဒၣ်ဝဲဟ့ၣ်လီၤတ့ၢ်အကလုၢ်လၢပှၤကဖီၣ်စၢ ဃာ်စီၤယိၤဟၣ်ဒီးဒၢနုာ်အီၤလၢဃိာ်ပူၤလီၤ. အဝဲမၤတၢ်အံၤမ့ၢ်လၢအဟံးန့ၢ်ဘၣ်အဒီပုၢ်ဝဲၢ်ပိာ်ခွါ စီၤဖံလံးပူးအမါနီၢ်ဟ့ၤရိၤဒံအဃိလီၤ.

လံာ်လူၤကၣ် 3:19

ဘၣ်ဆၣ်အဝဲဒၣ်သိၣ်ဃီၣ်ဒီးပာ်တၢ်ကမၣ်လၢပဒိၣ်ဖးဒိၣ် စီၤဟ့ၤရိာ်အလိၤမ့ၢ်လၢအဝဲဒၣ်ဟံးန့ၢ်အဒီပုၢ်ဝဲၢ်အမါ, နီၢ်ဟ့ၤရိၤဒံ, ဒီးလၢတၢ်အၢတၢ်သီအဂၤအါမံၤအါကလုာ်လၢအမၤ တ့ၢ်ဝဲတဖၣ်အဃိလီၤ.

လံာ်သိၣ်လီၤသီလီၤတၢ် 25:5

ပှၤဒီပုၢ်ဝဲၢ်ခွါခံဂၤမ့ၢ်အိၣ်ဆိးလၢတၢ်န့ၢ်သါအလီၢ်တပူၤဃီဒီးအဝဲသ့ၣ်အကျါတဂၤမ့ၢ်သံဒီး အဖိခွါမ့ၢ်တအိၣ်လီၤတဲာ် နီတဂၤဘၣ်န့ၣ်, အဝဲအမါမုၣ်ကမဲလၢအအိၣ်လီၤတဲာ်တဘၣ်ဖျီအသးဒီး ပှၤအဂၤနီတဂၤလၢဒူၣ်ထၢအချၢဘၣ်. ပှၤလၢအသံတဂၤအဒီပုၢ်ဝဲၢ်ခွါအိၣ်ဒီးမူဒါလၢကဖျီအသးဒီးအီၤန့ၣ်လီၤ.