လံာ်တၢ်ဘူၣ်ထီၣ်ဘါထီၣ် 17:5 - Sgaw Karen Common Bible

⁵ တၢ်မၤလိာ်အံၤအခီပညီမ့ၢ်ဝဲဒၣ်အံၣ်စရ့လးအပှၤဂီၢ်မုၢ်ကဘၣ် ဟဲစိာ်ဆၣ်ဖိကီၢ်ဖိတဖၣ်လၢအညီနုၢ်မၤသံဝဲလၢတၢ်ဘူၣ်ထီၣ်ဘါ ထီၣ်ယွၤအဒဲအချၢတပူၤလၢ်လၢ်န့ၣ်ဆူယွၤအအိၣ်လီၤ. ဒီးကဘၣ်ဟဲစိာ်ဝဲဆူပှၤလုၢ်တၢ်အခိၣ်အအိၣ်, လၢတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒီးမၤသံအီၤဖဲန့ၣ်, ဒီးလုၢ်ထီၣ်အီၤဒ်တၢ်လုၢ်မၤဃူမၤဖိးဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:5 Iomraidhean Croise

လံာ်တၢ်ကဲထီၣ်အခီၣ်ထံး 21:33

အန့ၣ်ဒီးစီၤအၤဘြၤဟၣ်သူၣ်သ့ၣ်တဖုဖဲဘ့ၢ်ၡဘၤဒီးဘူၣ်ထီၣ်ဘါ ထီၣ်ယွၤ, ကစၢ်ယွၤလီၤထူလီၤယိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:13

ဒီးစီၤအၤဘြၤဟၣ်ကွၢ်တၢ်ဆူအခိၣ်အဃၢၤဒီးထံၣ်ဘၣ်သိဖါတဒု အနၢၤတဖၣ်ဘၣ်ဘျးလၢသ့ၣ်တပှီာ်တပှာ်အကျါဒီးအဝဲ လဲၤဖီၣ်န့ၢ်အီၤဒီးလုၢ်ထီၣ်အီၤဒ်တၢ်လုၢ်မ့ၣ်အူတမံၤအသိးလၢ အဖိခွါအလီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 22:2

ဒီးကစၢ်ယွၤစံးဘၣ်အီၤ, “ဟံးန့ၢ်နဖိခွါ, နဖိခွါထဲတဂၤဧိၤလၢအမ့ၢ်စီၤအံၤစဲးလၢနအဲၣ်အီၤဒိၣ်မးတ ဂၤ, ဒီးလဲၤဆူကီၢ်မိၤရံယၤန့ၣ်တက့ၢ်. ဒီးဖဲန့ၣ်လၢကစၢၢ် တဖျၢၣ်လၢယကဒုးနဲၣ်နၤအဒီခိၣ်န့ၣ်လုၢ်ထီၣ်အီၤဒ်တၢ်လုၢ်တၢ်ပာ် တမံၤဆူယအိၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 31:54

စီၤယၤကိာ်မၤသံဆၣ်ဖိကီၢ်ဖိတဒုဒီးလုၢ်ထီၣ်ဝဲဒ်တၢ်လုၢ်ထီၣ် ပာ်ထီၣ်တမံၤအသိးလၢကစၢၢ်လိၤဒီးကွဲဃီၤဝဲအပှၤတဖၣ်လၢကဟဲ အီၣ်တၢ်န့ၣ်လီၤ. အဝဲသ့ၣ်အီၣ်တၢ်ဝံၤဒီးမံဝဲလၢကစၢၢ်လိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:23

အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်, ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:2

တၢ်လုၢ်ဟံၣ်တဖျၢၣ်တဘၣ်တၢ်သူၣ်ထီၣ်အီၤလၢယွၤအဂီၢ်ဒံးဘၣ်. လၢတၢ်န့ၣ်အဃိပှၤဂီၢ်မုၢ်လုၢ်ထီၣ်ပာ်ထီၣ်ဒံးဒၣ်တၢ်လုၢ်တၢ်ပာ် တဖၣ်လၢတၢ်လုၢ်လီၢ်လၢအလီၤဆီလိာ်အသးအါတီၤအဖီခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:3

စီၤၡလိၤမိၤအဲၣ်ဘၣ်ယွၤဒီးပိာ်ထွဲတ့ၢ်အပၢ်စီၤဒၤဝံးအတၢ် မၤလိာ်ပိာ်လီၤတဖၣ်အခံန့ၣ်လီၤ. ဘၣ်ဆၣ်အဝဲမၤသံစ့ၢ်ကီးဆၣ်ဖိကီၢ်ဖိတဖၣ်ဒီးလုၢ်ထီၣ်အီၤဒ် တၢ်လုၢ်တၢ်ပာ်တဖၣ်အသိးလၢတၢ်လုၢ်လီၢ်အကလုာ်ကလုာ်အဖီခိၣ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 16:4

ဖဲပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ်တဖၣ်, လၢတၢ်လူၢ်တဖၣ်အဒီခိၣ်ဒီးလၢကယဲၢ်သ့ၣ်လၢအအိၣ်ဒီးအကဒုတဖၣ် အဖီလာ်န့ၣ်စီၤအၤဃးလုၢ်ထီၣ်တၢ်လုၢ်တၢ်ပာ်တဖၣ်ဒီးဆိၣ်ကဲၤတၢ် နၢမူန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:10

ဒီးလၢကယဲၢ်တၢ်လူၢ်ခဲလၢာ်အဒီခိၣ်ဒီးလၢကယဲၢ်သ့ၣ်လၢအအိၣ် ဒီးအကဒုခဲလၢာ်အဖီလာ်န့ၣ်အဝဲသ့ၣ်ပာ်လီၤလၢၢ်ထူၣ်တဖၣ်ဒီးတၢ် ဂီၤတၢ်ဖီၣ်တဖၣ်လၢအမ့ၢ်ကစၢ်မုၣ်အၡ့ရၤအဂီၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 28:4

လၢပှၤဘါတၢ်ဂီၤတၢ်ဖီၣ်အတၢ်ဘူၣ်တၢ်ဘါအလီၢ်တဖၣ်မ့ၢ်ဂ့ၤ, လၢတၢ်လူၢ်တဖၣ်အဒီခိၣ်မ့ၢ်ဂ့ၤ, ဒီးလၢကယဲၢ်သ့ၣ်အကဒုတဖၣ်အဖီလာ်မ့ၢ်ဂ့ၤ, စီၤအၤဃးလုၢ်ထီၣ်ပာ်ထီၣ်တၢ်လုၢ်တဖၣ်ဒီးဆူးကဲၤတၢ်နၢမူန့ၣ်လီၤ.

လံာ်တၢ်ဟးထီၣ်ကွံာ် 24:5

အန့ၣ်ဝံၤဒီးအဝဲမၢလီၤပိာ်ခွါသးစၢ်တဖၣ်ဒီးအဝဲသ့ၣ်ဆူး ကဲၤထီၣ်တၢ်လုၢ်တၢ်ပာ်တဖၣ်ဆူယွၤအအိၣ်ဒီးလုၢ်ထီၣ်ပာ်ထီၣ်ဂီၤ ဘုၣ်ဂီၤဖံးတနီၤဒ်တၢ်လုၢ်မၤဃူမၤဖိးတဖၣ်အသိးန့ၣ်လီၤ.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်ယဃ့းစက့လး 22:9

သုပှၤဂီၢ်မုၢ်အကျါတနီၤကတိၤလီတၢ်ဘၣ်ဃးဒီးပှၤအဂၤတဖၣ် အဂ့ၢ်, မ့ၢ်ဒ်သိးကမၤသံအဝဲသ့ၣ်တဖၣ်အဂီၢ်န့ၣ်လီၤ. အဝဲသ့ၣ်တနီၤအီၣ်တၢ်လုၢ်တၢ်ပာ်တဖၣ်လၢတၢ်လုၢ်ထီၣ်အီၤ ဆူတၢ်ဂီၤတၢ်ဖီၣ်တဖၣ်န့ၣ်လီၤ. အဂၤတနီၤထီဘိမၤလၢပှဲၤအတၢ်သူၣ်ကတၢသးကတၢဒၣ်ဝဲန့ၣ်လီၤ.

လံာ်ယဃ့းစက့လး 43:27

တုၤမ့ၢ်တနွံလၢာ်ကွံာ်န့ၣ်, ပှၤလုၢ်တၢ်အခိၣ်တဖၣ်ကဘၣ်စးထီၣ် လုၢ်ထီၣ်ပှၤဂီၢ်မုၢ်အတၢ်ဆိၣ်ကဲၤအတၢ်လုၢ်တဖၣ်ဒီးအတၢ်လုၢ် မၤဃူမၤဖိးတဖၣ်လၢတၢ်လုၢ်လီၢ်အဖီခိၣ်န့ၣ်လီၤ. အန့ၣ်တစု ယကဘၣ်သူၣ်ဘၣ်သးသုဝဲခဲလၢာ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယဃ့းစက့လး 44:15

ယွၤပၢဘၣ်တၢ်ခဲလၢာ်ကစၢ်စံးဝဲ, “မ့မ့ၢ်ပှၤလုၢ်တၢ်အခိၣ် တဖၣ်လၢအဘၣ်ဃးဒီးလ့ၤဝံအဒူၣ်လၢအဟဲလီၤစၢၤလီၤ သွဲၣ်လၢစီၤစၤဒိးန့ၣ်ဖဲကီၢ်အံၣ်စရ့လးအပှၤဂီၢ် မုၢ်အဂၤတဖၣ်ဃၣ်ကဒါကွံာ်အသးလၢယၤအခါန့ၣ် အဝဲသ့ၣ်မ့ၢ်ပှၤမၤထွဲဒံးတၢ်လၢယဂီၢ်လၢတၢ်သူၣ်တီသးရၤ အပူၤလၢယွၤအတၢ်လုၢ်ဟံၣ်အပူၤန့ၣ်လီၤ. အဃိ, ခဲကနံၣ်အံၤအဝဲသ့ၣ်မ့ၢ်ပှၤတဖၣ်လၢကဘၣ်မၤယတၢ်မၤ, ဒီးကဟဲနုာ်လၢယမဲာ်ညါဒ်သိးကလုၢ်ထီၣ်ယၤ လၢတၢ်လုၢ်တၢ်ပာ်တဖၣ်အသိဒီးအသွံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:4

လုၢ်သ့ၣ်ခါပတာ်တၢ်သိၣ်တၢ်ဘျၢန့ၣ်လီၤ. အဝဲမ့ၢ်ပှၤတဂၤလၢအဂၢ်လီၤတၢ်သွံၣ်, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 17:6

ပှၤလုၢ်တၢ်အခိၣ်ကဘၣ်ဖှံတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါ ထီၣ်ယွၤအဒဲအကျဲစၢၤန့ၣ်လၢ တၢ်သွံၣ်ဖဲအမဲာ်ညါဒီးဆိၣ်ကဲၤထီၣ်တၢ်နၢမူလၢကမၤမုာ်ယွၤအသးအဂီၢ်န့ၣ်လီၤ.

လံာ်သိၣ်လီၤသီလီၤတၢ် 12:2

လၢကီၢ်လၢသုမၤန့ၢ်အီၤအပူၤန့ၣ်မၤဟးဂီၤကွံာ်ကယဲၢ်တၢ်လီၢ် တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်အယွၤတဖၣ်လၢကစၢၢ်အထီ တဖၣ်အလိၤ, လၢတၢ်လူၢ်တဖၣ်အလိၤ, ဒီးလၢကယဲၢ်သ့ၣ်သံ ကစဲာ်တဖၣ်အဖီလာ်န့ၣ်တက့ၢ်.