လံာ်တၢ်ဘူၣ်ထီၣ်ဘါထီၣ် 17:4 - Sgaw Karen Common Bible

⁴ လုၢ်သ့ၣ်ခါပတာ်တၢ်သိၣ်တၢ်ဘျၢန့ၣ်လီၤ. အဝဲမ့ၢ်ပှၤတဂၤလၢအဂၢ်လီၤတၢ်သွံၣ်, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 17:4 Iomraidhean Croise

လံာ်တၢ်ကဲထီၣ်အခီၣ်ထံး 17:14

ပှၤပိာ်ခွါတဂၤလၢ်လၢ်လၢအတဒိးဘၣ်တၢ်ကူးတရံးန့ၣ်တဘၣ်တၢ်ပာ် အီၤလၢအမ့ၢ်ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ. အဂ့ၢ်ဒ်အံၤ, အဝဲတဟံးဃာ်တၢ်အၢၣ်လီၤအီလီၤဒီးယၤအဃိန့ၣ်လီၤ.”

စံးထီၣ်ပတြၢၤ 32:2

ပှၤလၢယွၤတပာ်ဘၣ်တၢ်ကမၣ်လၢအလိၤ ဒီးပှၤလၢအပူၤဖျဲးဒီးတၢ်လီတၢ်ဝ့ၤခဲလၢာ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.

လံာ်တၢ်ဟးထီၣ်ကွံာ် 12:15

ဒီးယွၤစံးဝဲဒၣ်, “လၢနွံသီအတီၢ်ပူၤန့ၣ်သုတဘၣ်အီၣ်ကိၣ် လၢအဘၣ်တၢ်မၤအီၤလၢကိၣ်မံၣ်နီတမံၤဘၣ်. အီၣ်ထဲကိၣ်လၢတအိၣ်ဘၣ်ဒီးကိၣ်မံၣ်န့ၣ်တက့ၢ်. လၢအခီၣ်ထံးတသီန့ၣ်သုကဘၣ်စူးကွံာ်ကိၣ်မံၣ်ခဲလၢာ် လၢသုဟံၣ်အပူၤတဖၣ်န့ၣ်လီၤ. အဂ့ၢ်ဒ်အံၤ, ပှၤတဂၤလၢ်လၢ်မ့ၢ်အီၣ်ဘၣ်ကိၣ်လၢတၢ်မၤအီၤလၢကိၣ် မံၣ်, လၢနွံသီအတီၢ်ပူၤန့ၣ်ကဘၣ်တၢ်ညိကွံာ်အီၤလၢယပှၤဂီၢ်မုၢ် အကျါန့ၣ်လီၤ.

လံာ်တၢ်ဟးထီၣ်ကွံာ် 12:19

လၢနွံသီအတီၢ်ပူၤန့ၣ်ကိၣ်မံၣ်တဘၣ်အိၣ်လၢသုဟံၣ်တဖၣ်အပူၤ ဘၣ်. အဂ့ၢ်ဒ်အံၤ, ပှၤတဂၤလၢ်လၢ်လၢအအိၣ်ဖျဲၣ်ထီၣ်လၢကီၢ်ပူၤမ့ၢ် ဂ့ၤ, လၢတခီဘီမုၢ်ပူၤမ့ၢ်ဂ့ၤ, မ့ၢ်အီၣ်ကိၣ်လၢအဘၣ်တၢ်မၤအီလၢ ကိၣ်မံၣ်ဒီးအဝဲကဘၣ်တၢ်ညိကွံာ်အီၤလၢယပှၤကလုာ်အကျါန့ၣ်လီၤ.

လံာ်တၢ်ဟးထီၣ်ကွံာ် 30:33

ပှၤတဂၤလၢ်လၢ်လၢအမၤဒိးအီၤမ့ၢ်ဂ့ၤ, သူအီၤတနီၤနီၤလၢပှၤ လၢတမ့ၢ်ဘၣ်ပှၤလုၢ်တၢ်အခိၣ်အဖီခိၣ်မ့ၢ်ဂ့ၤဒီး, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤဂီၢ်မုၢ်အကျါဘၣ်န့ၣ်လီၤ.”

လံာ်တၢ်ဟးထီၣ်ကွံာ် 30:38

ပှၤတဂၤမ့ၢ်မၤဒိးတၢ်အံၤတမံၤမံၤလၢကသူဝဲဒ်သိနၢမူအသိးဒီး, အဝဲတဘၣ်တၢ်ပာ်လၢၤအီၤဒ်ပှၤလၢယပှၤဂီၢ်မုၢ်အကျါတဂၤအသိးလၢၤဘၣ်န့ၣ်လီၤ.”

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယဃ့းစက့လး 20:40

ဖဲန့ၣ်လၢကီၢ်ပူၤ, လၢယကစၢၢ်စီဆှံအဒီခိၣ်, ကီၢ်အံၣ်စရ့လးအကစၢၢ်ဖးထီအလိၤန့ၣ်ကယဲၢ်သုဝဲကီၢ် အံၣ်စရ့လးအပှၤဂီၢ်မုၢ်ခဲလၢာ်ကဘူၣ်ထီၣ်ဘါထီၣ်ယၤန့ၣ်လီၤ. ယကသူၣ်မံသးမုာ်လၢသုဃိဒီးယကမုၢ်လၢ်လၢသုကဟဲစိာ် န့ၢ်ယၤသုတၢ်လုၢ်တၢ်ပာ်တဖၣ်, သုတၢ်လုၢ်အဂ့ၤကတၢၢ်တဖၣ်ဒီးသုတၢ်ဟ့ၣ်စီဆှံတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 1:3

အဝဲမ့ၢ်လုၢ်ထီၣ်အဂီၤဖံးအကျါတဒုဒ်တၢ်လုၢ်မ့ၣ်အူအသိးန့ၣ်, ကဘၣ်ဟဲစိာ်ဂီၤဖံးဖါတဒုလၢမဲၣ်သူမဲၣ်ဂီၤတအိၣ်ဘၣ်န့ၣ်လီၤ. အဝဲကဘၣ်ဟဲစိာ်ဝဲဆူတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒ် သိးကဘၣ်တၢ်တူၢ်လိာ်အီၤလၢယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:10

ဒီးပှၤအံၣ်စရ့လးဖိတဂၤလၢ်လၢ်မ့ၢ်ဂ့ၤ, ပှၤတခီဘီမုၢ်ဖိအိၣ်လၢအကျါတဂၤလၢ်လၢ်မ့ၢ်ဂ့ၤမ့ၢ်အီၣ်ဘၣ်တၢ် ညၣ်လၢအအိၣ်ဒီးတၢ်သွံၣ်န့ၣ်, ယွၤကညိကွံာ်အီၤ, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ် အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 17:14

တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အပူၤလီၤ. မၤသးဒ်န့ၣ်ဒီးယွၤမၤလိာ်အံၣ်စရ့လးအပှၤဂီၢ်မုၢ်လၢအသုတအီၣ် တၢ်ညၣ်လၢအအိၣ်ဒီးတၢ်သွံၣ်တဂ့ၤန့ၣ်လီၤ. ပှၤတဂၤလၢ်လၢ်လၢအအီၣ်ဝဲန့ၣ်တမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 17:3

ပှၤအံၣ်စရ့လးဖိတဂၤလၢ်လၢ်လၢအမၤသံဂီၤဖံးတဒုမ့ၢ်ဂ့ၤ, သိတဒုမ့ၢ်ဂ့ၤ, မဲာ်တဲးလဲးတဒုမ့ၢ်ဂ့ၤဒ်တၢ်လုၢ်မၤ ဘူၣ်ယွၤအသိးဖဲတၢ်လီၢ်တပူၤလၢ်လၢ်လၢအတမ့ၢ်ဘၣ်တၢ်ဘူၣ်တၢ်ဘါ ထီၣ်ယွၤအဒဲအကျဲစၢၤဘၣ်န့ၣ်,

လံာ်တၢ်ဘူၣ်ထီၣ်ဘါထီၣ် 17:5

တၢ်မၤလိာ်အံၤအခီပညီမ့ၢ်ဝဲဒၣ်အံၣ်စရ့လးအပှၤဂီၢ်မုၢ်ကဘၣ် ဟဲစိာ်ဆၣ်ဖိကီၢ်ဖိတဖၣ်လၢအညီနုၢ်မၤသံဝဲလၢတၢ်ဘူၣ်ထီၣ်ဘါ ထီၣ်ယွၤအဒဲအချၢတပူၤလၢ်လၢ်န့ၣ်ဆူယွၤအအိၣ်လီၤ. ဒီးကဘၣ်ဟဲစိာ်ဝဲဆူပှၤလုၢ်တၢ်အခိၣ်အအိၣ်, လၢတၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဒီးမၤသံအီၤဖဲန့ၣ်, ဒီးလုၢ်ထီၣ်အီၤဒ်တၢ်လုၢ်မၤဃူမၤဖိးဆူယွၤအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:9

ဒ်တၢ်လုၢ်မၤဘူၣ်ဆူယွၤအအိၣ်, လၢတၢ်လီၢ်အဂၤတပူၤပူၤလၢ အတမ့ၢ်ဘၣ်တၢ်ဘူၣ်ထီၣ်ဘါထီၣ်ယွၤအဒဲအကျဲစၢၤဘၣ်န့ၣ်အဝဲတဘၣ် တၢ်ပာ်လၢၤအီၤဒ်ပှၤတဂၤလၢကစၢ်ယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 18:29

အဂ့ၢ်ဒ်အံၤကယဲၢ်ပှၤတဂၤလၢ်လၢ်လၢအမၤတၢ်သးဘၣ်အၢအံၤ, တဘၣ်တၢ်ပာ်လၢၤအီၤဒ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 20:16

ပိာ်မုၣ်လၢအမံဃုာ်ဒီးဆၣ်ဖိကီၢ်ဖိတဒုန့ၣ်, အဝဲဒီးဆၣ်ဖိကီၢ်ဖိ တဒုန့ၣ်ကဘၣ်တၢ်မၤသံကွံာ်အီၤန့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:18

ပှၤလၢအမံဃုာ်ဒီးပိာ်မုၣ်တဂၤဖဲအသွံၣ်ဟဲအကတီၢ် န့ၣ်အဝဲသ့ၣ်ခံဂၤလိာ်ကဘၣ်တၢ်နီၣ်ဟးကွံာ်အီၤလၢကမျၢၢ် အကျါလီၤ. အဂ့ၢ်ဒ်အံၤ, မ့ၢ်လၢအခီပတာ်တၢ်သိၣ်တၢ်သီဘၣ်ဃးဒီးတၢ်တ ကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:3

ကယဲၢ်ပှၤတဂၤလၢ်လၢ်လၢအဟ့ၣ်လီၤအဖိတဂၤဂၤဆူကစၢ်မိလးဒီးမၤ တကဆှီယလီၢ်စီဆှံဒီးမၤဘၣ်အၢယမံၤစီဆှံန့ၣ်ယ ကထီဒါအီၤဒီးကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤ ဂီၢ်မုၢ်အကျါလၢၤဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 3:2

ဒီးအဝဲကဘၣ်ပာ်အစုလၢဂီၤဖံးန့ၣ်အခိၣ်လိၤဒီးမၤသံအီၤဖဲ တၢ်ဘူၣ်ထီၣ်ဘါထီၣ်ယွၤအကျဲစၢၤန့ၣ်လီၤ. ဒီးပှၤလုၢ်တၢ်အခိၣ်လၢအလီၤစၢၤလၢစီၤအၤဟရိၣ်တဖၣ်ကဘၣ်လူလီၤ တၢ်သွံၣ်ဝးတရံးတၢ်လုၢ်လီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 7:18

ဒီးတၢ်မ့ၢ်အီၣ်အီၤလၢသၢသီတသီန့ၣ်, ယွၤတတူၢ်လိာ်ပှၤတဂၤန့ၣ်အတၢ်လုၢ်ဘၣ်. တၢ်လုၢ်န့ၣ်တဘၣ်တၢ်ပာ်အီၤဒ်တၢ်လၢအဘျုးအိၣ်အသိးန့ၣ်ဘၣ်. မ့မ့ၢ်ကဘၣ်တၢ်ပာ်အီၤဒ်တၢ်တကဆှီဘၣ်အသိးန့ၣ်လီၤ. ဒီးပှၤတဂၤလၢ်လၢ်လၢအအီၣ်ဘၣ်ဝဲန့ၣ်ကတူၢ်ဘၣ်အတၢ်ဒဲးဘးဒၣ်ဝဲန့ၣ်လီၤ.

လံာ်ယိၤဟၣ် 10:7

မၤသးဒ်န့ၣ်ဒီး ယ့ၣ်ၡူးစံးကဒီးဝဲ, “ယစံးဘၣ်တဲဘၣ်သုတီတီ လိၤလိၤ, ယမ့ၢ်ကျဲစၢၤလၢသိတဖၣ်အဂီၢ်လီၤ.

လံာ်ယိၤဟၣ် 10:9

ယဲဒၣ်အံၤယမ့ၢ်ကျဲစၢၤလီၤ. ပှၤတဂၤလၢ်လၢ်လၢအဟဲနုာ် ခီဖျိယၤန့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ. အဝဲကဟဲ နုာ်ဒီးကဟးထီၣ်ဒီးကထံၣ်န့ၢ်တၢ်အီၣ်ဆၣ်အလီၢ်န့ၣ်လီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

ရိမ့ၤ 4:6

တၢ်လၢစီၤဒၤဝံးတဲထီၣ်ဝဲတဖၣ်န့ၣ်မ့ၢ်တၢ်တမံၤဃီန့ၣ်လီၤ. အဝဲတဲတၢ်ဘၣ်ဃးပှၤတဂၤလၢအသူၣ်ခုသးခုလၢကစၢ်ယွၤ တူၢ်လိာ်အီၤဒ်ပှၤအတီအလိၤတဂၤအသိးတမ့ၢ်လၢအတၢ်မၤ အဃိန့ၣ်ဘၣ်ဆိၣ်ဂ့ၤဝဲလီၤ.

ရိမ့ၤ 5:13

တၢ်ဒဲးဘးအိၣ်ပာ်စၢၤလၢဟီၣ်ခိၣ်ချၢတချုးလၢတၢ်သိၣ် တၢ်သီဘၣ်တၢ်ဟ့ၣ်လီၤအီၤ, ဘၣ်ဆၣ်ဖဲတၢ်သိၣ်တၢ်သီ တအိၣ်ဘၣ်န့ၣ်တၢ်တကွဲးနီၣ်ဘၣ်တၢ်ဒဲးဘးတဖၣ်န့ၣ်ဘၣ်.

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.

လံာ်သိၣ်လီၤသီလီၤတၢ် 21:8

ယွၤဧၢ, ပျၢ်ကွံာ်နပှၤဂီၢ်မုၢ်အံၣ်စရ့လး, ပှၤလၢနမၤပူၤဖျဲး တ့ၢ်အီၤလၢကီၢ်အဲၤကူပတူးန့ၣ်အတၢ်ကမၣ်တက့ၢ်. ပျၢ်ကွံာ်ပတၢ်ကမၣ်ဒီးတဘၣ်ပာ်ပှၤဒ်ပှၤအိၣ်မူအိၣ်ဒါလၢပှၤလၢ အတၢ်ကမၣ်တအိၣ်တဂၤဘၣ်တၢ်မၤသံအီၤအဃိန့ၣ်တဂ့ၤ.