လံာ်တၢ်ဘူၣ်ထီၣ်ဘါထီၣ် 17:11 - Sgaw Karen Common Bible

¹¹ တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အ ပူၤလီၤ. မၤသးဒ်န့ၣ်ဒီး, ယွၤမၤလိာ်ဝဲလၢတၢ်သွံၣ်ခဲလၢာ်ကဘၣ်တၢ်လူ လီၤအီၤလၢတၢ်လုၢ်လီၢ်အဖီခိၣ်လၢတၢ်တြူာ်ကွံာ်ပှၤဂီၢ်မုၢ်အတၢ် ဒဲဘးတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:11 Iomraidhean Croise

လံာ်တၢ်ကဲထီၣ်အခီၣ်ထံး 9:4

တၢ်တမံၤလၢသုတဘၣ်အီၣ်အီၤန့ၣ်တၢ်ညၣ်လၢတၢ်သွံၣ်အိၣ်ဒံးလၢ အပူၤန့ၣ်လီၤ. ယတြီတၢ်အံၤမ့ၢ်လၢသးသမူ အိၣ်လၢတၢ်သွံၣ်အပူၤအဃိလီၤ.

လံာ်တၢ်ဘူၣ်ထီၣ်ဘါထီၣ် 1:5

ဒီးကဘၣ်မၤသံဂီၤဖံးဖါဖဲန့ၣ်, ဒီးပှၤလုၢ်တၢ်အခိၣ်လၢအလီၤစၢၤလီၤသွဲၣ် လၢစီၤအၤဟရိၣ်တဖၣ်ကလုၢ်ထီၣ်တၢ်သွံၣ်ဆူယွၤအအိၣ်ဒီးလူ လီၤတၢ်သွံၣ်ဝးတရံးတၢ်လုၢ်လီၢ်လၢအအိၣ်လၢတၢ်ဘူၣ်ထီၣ်ဘါထီၣ် ယွၤအဒဲအကျဲစၢၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:11

ဒီးစီၤအၤဟရိၣ်လုၢ်ထီၣ်ဂီၤဖံးဖါတဒုဒ်တၢ်လုၢ်တၢ် ပျၢ်တၢ်ဒဲးဘးအသိးလၢအဂီၢ်ဒၣ်ဝဲဒီးအပှၤဟံၣ်ဖိအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:12

မၤသးဒ်န့ၣ်ဒီး, ယွၤစံးဘၣ်အံၣ်စရ့လးအပှၤဂီၢ်မုၢ် လၢအဝဲသ့ၣ်မ့ၢ်ဂ့ၤ, ပှၤတခီဘီမုၢ်ဖိလၢအကျါမ့ၢ်ဂ့ၤအသု တအီၣ်တၢ်ညၣ်လၢအအိၣ်ဒီးတၢ်သွံၣ်တဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:14

တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အပူၤလီၤ. မၤသးဒ်န့ၣ်ဒီးယွၤမၤလိာ်အံၣ်စရ့လးအပှၤဂီၢ်မုၢ်လၢအသုတအီၣ် တၢ်ညၣ်လၢအအိၣ်ဒီးတၢ်သွံၣ်တဂ့ၤန့ၣ်လီၤ. ပှၤတဂၤလၢ်လၢ်လၢအအီၣ်ဝဲန့ၣ်တမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ်အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 4:25

အန့ၣ်ဝံၤဒီးပှၤလုၢ်တၢ်အခိၣ်ကဟံးန့ၢ်တၢ်သွံၣ်တနီၤဒီးဘျုး လီၤအစုမုၢ်လၢတၢ်သွံၣ်န့ၣ်အပူၤဒီးပာ်အီၤလၢတၢ်လုၢ်တၢ်နၢ မူတဖၣ်အလီၢ်အနၢၤတဖၣ်အလိၤလီၤ. ဒီးတၢ်သွံၣ်လၢအအိၣ်လီၤတဲာ်တဖၣ်န့ၣ်ကဘၣ်လူလီၤဝဲလၢတၢ်လုၢ် ထီၣ်တၢ်မၤဘူၣ်ဆိၣ်ကဲၤလၢမ့ၣ်အူအတၢ်လုၢ်လီၢ်အခီၣ်ထံးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 4:26

ဒီးတၢ်အသိခဲလၢာ်န့ၣ်ကဘၣ်ဆိၣ်ကဲၤဝဲလၢတၢ်လုၢ်လီၢ်အဖီ ခိၣ်ဒ်တၢ်အသိလၢတၢ်လုၢ်တၢ်မၤဃူမၤဖိးအဂီၢ်အသိးန့ၣ်လီၤ. မၤသးဒ်န့ၣ်ဒီးပှၤလုၢ်တၢ်အခိၣ်ကမၤတၢ်လုၢ်မၤဘူၣ်လၢပှၤပၢတၢ် တဂၤန့ၣ်အတၢ်ဒဲးဘးအဂီၢ်ဒီးအတၢ်ဒဲးဘးကဘၣ်တၢ်ပျၢ်ကွံာ်အီၤလီၤ.

လံာ်တၢ်ဘူၣ်ထီၣ်ဘါထီၣ် 8:15

စီၤမိၤၡ့မၤသံဂီၤဖံးဖါဖိန့ၣ်ဒီးဟံးန့ၢ်ဝဲအသွံၣ်တနီၤ, ဒီးပာ်ထီၣ်ဝဲဒီးအစုမုၢ်လၢတၢ်လုၢ်ထီၣ်အနၢၤတဖၣ်အလိၤ လၢတၢ်ပာ်စီဆှံထီၣ်အဂီၢ်န့ၣ်လီၤ. ဒီးတၢ်သွံၣ်လၢအအိၣ်တ့ၢ်န့ၣ်လူလီၤဝဲလၢတၢ်လုၢ်လီၢ်အခီၣ်ထံး ဒ်အမ့ၢ်တၢ်ပာ်စီဆှံထီၣ်ဒီးမၤစီဆှံအီၤအသိးန့ၣ်လီၤ.

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

လံာ်မးသဲ 26:28

တၢ်အံၤမ့ၢ်ယသွံၣ်, လၢအစဲပနီၣ်ဃာ်ကစၢ်ယွၤအတၢ်အၢၣ်လီၤအီ လီၤ, ယသွံၣ်လၢအဘၣ်တၢ်ဂၢ်လီၤကွံာ်အီၤ, ဒ်သိးပှၤအါဂၤအတၢ်ဒဲးဘးကဘၣ်တၢ်ပျၢ်ကွံာ်အီၤအဂီၢ်လီၤ.

လံာ်မၢ်ကူး 14:24

ယ့ၣ်ၡူးစံးဘၣ်အဝဲသ့ၣ်, “အအံၤမ့ၢ်ယသွံၣ်လၢအဘၣ်တၢ်ဂၢ်လီၤ အီၤလၢပှၤအါဂၤအဂီၢ်, သွံၣ်လၢအမၤဂၢၢ်မၤကျၢၤကစၢ်ယွၤအတၢ်အၢၣ်လီၤအီလီၤန့ၣ်လီၤ.

ရိမ့ၤ 3:25

ကစၢ်ယွၤဟ့ၣ်လီၤယ့ၣ်ၡူးခရံာ်ဒ်သိးခီဖျိအတၢ်သံန့ၣ်, အဝဲကကဲထီၣ်ကျဲလၢပှၤဟီၣ်ခိၣ်ဖိတဖၣ်အတၢ်ဒဲးဘး ကဘၣ်တၢ်ပျၢ်အီၤအဂီၢ်လၢအဝဲသ့ၣ်အတၢ်နာ်အီၤအဃိန့ၣ်လီၤ. ကစၢ်ယွၤမၤတ့ၢ်တၢ်အံၤဒ်သိးအကဒုးနဲၣ်အတၢ်တီတၢ်လိၤ အဂီၢ်န့ၣ်လီၤ. လၢအပူၤကွံာ်န့ၣ်, ကစၢ်ယွၤဝံသးစူၤတၢ်ဒီးကွၢ်ကပာ်ကွံာ်ပှၤဟီၣ်ခိၣ်ဖိ တဖၣ်အတၢ်ဒဲးဘးန့ၣ်လီၤ.

ရိမ့ၤ 5:9

ခီဖျိလၢအတၢ်သံအဃိဒီး, ခဲအံၤပဘၣ်တၢ်ပာ်တီပာ်လိၤ ပှၤန့ၣ်လီၤ. မၤသးဒ်န့ၣ်ဒီးလၢအကအုၣ်က့ၤခီၣ်က့ၤပှၤလၢ ကစၢ်ယွၤအတၢ်သးထီၣ်အပူၤအဂီၢ်န့ၣ်, ကမၤဝဲအါန့ၢ်အန့ၣ် တက့ၢ်ဆံးဒိၣ်လဲၣ်.

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

လံာ်သိၣ်လီၤသီလီၤတၢ် 12:23

ထဲတမံၤန့ၣ်, တၢ်ညၣ်လၢအအိၣ်ဒံးဒီးတၢ်သွံၣ်လၢအပူၤန့ၣ်တဘၣ်အီၣ်အီၤတဂ့ၤ. အဂ့ၢ်ဒ်အံၤ, တၢ်မူအိၣ်ဒံးဝဲဒၣ်လၢတၢ်သွံၣ်အပူၤဒီးနတဘၣ်အီၣ် တၢ်ညၣ်လၢအအိၣ်ဒီးတၢ်မူန့ၣ်ဘၣ်.

ကလီးစဲ 1:14

ခီဖျိဖိခွါအံၤန့ၣ်ပဒိးန့ၢ်ဘၣ်တၢ်ပှ့ၤက့ၤပှၤ, တၢ်ပျၢ်ပတၢ်ဒဲးဘးတဖၣ်န့ၣ်လီၤ.

ကလီးစဲ 1:20

ဒီးခီဖျိအီၤန့ၣ်ကစၢ်ယွၤကမၤဘၣ်လိာ်က့ၤတၢ်ခဲလၢာ်ဒီး အနီၢ်ကစၢ်ဒၣ်ဝဲ, ဒီးခီဖျိဖိခွါအတၢ်ဒိးသံအသးလၢထူၣ်စုညါ အလိၤန့ၣ်, အဝဲမၤတၢ်ဃူတၢ်ဖိးဒီးတၢ်အိၣ်လၢဟီၣ်ခိၣ် ဒီးမူခိၣ်ခဲလၢာ်, ဒီးကိးက့ၤအဝဲသ့ၣ်ဆူအနီၢ်ကစၢ်ဒၣ်ဝဲအအိၣ် န့ၣ်လီၤ.

ဧ့ၤဘြံၤ 13:12

လၢတၢ်န့ၣ်အဃိ, ယ့ၣ်ၡူးဒိးသံစ့ၢ်ကီးအသးလၢဝ့ၢ် အချၢဒ်သိးဒီးကမၤကဆှီထီၣ်အပှၤဂီၢ်မုၢ်ခီဖျိအသွံၣ်ဒၣ် ဝဲန့ၣ်လီၤ.

ဧ့ၤဘြံၤ 9:22

နီၢ်နီၢ်တခီဖဲအဘၣ်ဃးတၢ်သိၣ်တၢ်သီန့ၣ်, တၢ်ခဲလၢာ်ဃၣ်ဃၣ်ဘၣ်တၢ်မၤကဆှီအီၤလၢတၢ်သွံၣ်ဒီးတၢ်သွံၣ် တဘၣ်တၢ်ဂၢ်လီၤအီၤဘၣ်ဒီးတၢ်ပျၢ်တၢ်ဒဲးဘးတအိၣ်ဘၣ်လီၤ.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

၁ ယိၤဟၣ် 2:2

ဒီးခီဖျိခရံာ်အကစၢ်ဒၣ်ဝဲန့ၣ်, ပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤ, ဒီးတမ့ၢ်လၢၤထဲပတၢ်ဒဲးဘးတဖၣ်အဂီၢ်ဧိၤဘၣ်. မ့ၢ်စ့ၢ်ကီးလၢပှၤဟီၣ်ခိၣ်ဖိခဲလၢာ်အတၢ်ဒဲးဘးတဖၣ် အဂီၢ်လီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,